Europees kampioensjap hierevoetbal 2024

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

't Europees kampioensjap hierevoetbal 2024 weurt 't 17e Europees kampioensjap hierevoetbal. 't Löp vaan 14 juni tot en mèt 14 juli vaan dat jaor. Wie alle veurgaonde EK's weurt 't georganiseerd door de UEFA. Gasland is Duitsland, wat iejer - es Wes-Duitsland - in 1988 't EK heel. 24 len doen mèt; regerende kampioen is Italië.

Verkezing

Len kóste tot 3 miert 2017 e bod doen. Dat dege oetindelek mer twie len, Duitsland en Turkije. Op 27 november 2018 woort in Nyon heieuver gestump; Duitsland won mèt 'n groete mierderheid vaan 12 tege 4 stumme (ein oonthajding).

Kwalificatie

Duitsland is es gasland vaanzelf geplaots. De aander len vaan de UEFA mote ziech kwalificere. Rusland is oetgeslote door d'n inval in de Oekraïne in 2022. Wit-Rusland, wat in väöl aander competities ouch oetgeslote woort, maag wel mètdoen; wel heet me evels deveur gezörg tot dit land in de kwalificatie de Oekraïne neet kin treffe. Veur aander len mèt conflikte oonderein zien geliekaardege maotregele getroffe.

De 53 euvergebleve len woorte in zès pöt vaan 10 verdeild. (Pot 6 umvat dus mer drei len, de allerzwaakste vaan Europa.) De kwalificatie góng op basis vaan de prestaties in de UEFA Nations League. Wee zien poule vaan de Nations League gewonne heet op A-, B- of C-niveau, is trouwens otomatisch geplaots veur de playoffs zouw 'r ziech neet direk plaotse.

De loting woort gehawwe in Frankfurt, op 9 oktober. De teams zien verdeild in tien poules (A-J) vaan dus vief of zès len, boevaan de bèste twie ziech direk plaotse. Dat maak mèt Duitsland debij 21 geplaotsde teams. De euverege drei plaotse weure in play-offs bepaold. Drei kier veer len speule e mini-toernooj (haaf finaoles en finaol) boevaan de winner ziech veur 't EK plaots. De play-offplaotse weure gevöld door de grópswinners vaan de Nations League (zuug bove), wienie nujeg aongevöld mèt de bèste verleerders vaan de grópsfaas (dit is zoe good wie zeker nujeg, umtot de sterke len ziech toch wel zoe goon plaotse).

De kwalificatiematche loupe vaan 23 miert t/m 21 november 2023. De play-offs weure op 21 en 26 miert 2024 gespäöld.

Stadions

Späölstad	Stadion	Capaciteit	Pleetsje
Berlien	Olympiastadion	74.461
Dortmund	Westfalenstadion	65.849
Dusseldörp	Merkur Spiel-Arena	51.031
Hamburg	Volksparkstadion	52.245
Frankfurt	Waldstadion	54.697
Gelsenkirchen	Arena AufSchalke	54.740
Kölle	RheinEnergieStadion	49.827
Leipzig	Red Bull Arena	42.959
München	Allianz Arena	70.074
Stuttgart	Mercedes Benz-Arena	54.244

Grópsfaas

De 24 teams weure ingedeild in zès poules (A-F) vaan veer. Daovaan goon de bèste twie door, plus de veer bèste nommers drei. De matche loupe vaan 14 t/m 26 juni.

Knock-outfaas

De zèstien euvergebleve teams speule daan e knock-outtoernooj, wat op 29 juni begint mèt de ierste achste finaoles en daan op 14 juli indeg mèt de finaol. Wie te doen gebrukelek bij EK's gief 't gein klein finaol um de daarde plaots.

Achste finaoles

Kwartfinaoles

Haaf finaoles

Finaol

30 juni – Kölle

winner gróp B

5 juli – Stuttgart

daarde gróp A/D/E/F

winner match 39

29 juni – Dortmund

winner Match 37

winner gróp A

9 juli – München

twiede gróp C

winner match 45

1 juli – Frankfurt

winner match 46

winner gróp F

5 juli – Hamburg

daarde gróp A/B/C

winner match 41

1 juli – Dusseldörp

winner match 42

twiede gróp D

14 juli – Berlien

twiede gróp E

winner match 49

2 juli – München

winner match 50

winner gróp E

6 juli – Berlien

daarde gróp A/B/C/D

winner match 43

2 juli – Leipzig

winner match 44

winner gróp D

10 juli – Dortmund

twiede gróp F

winner match 47

30 juni – Gelsenkirchen

winner match 48

Winner gróp C

6 juli – Dusseldörp

darde gróp D/E/F

winner match 40

29 juni – Berlien

winner match 38

twiede gróp A

twiede gróp B