Dortmund

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ligking vaan de stad in Noordrien-Wesfale
Blick euver 't centrum vaan Dortmund. Vaan links nao rechs: BWE Tower, Dortberghaus, Sparkassen-Hochhaust, WestLB Dortmund, Hansa-Hochhaus en de Reinoldi-, Petri- en Marienkèrk, Oktober 2011

Dortmund (Nedersaksisch: Düörpm) is 'n krinkloes stad (stad die neet behuurt bis 'ne krink of Kreis, dus Kreisfrei is) in 't midde vaan Noordrien-Wesfale. Dortmund is 't commercieel en intellectueel centrum vaan Wesfale en vilt oonder 't Regierungbezirk Arnsberg. Ze ligk neve de steij Herne, Boochem en Hagen en de kring Kreis Recklinghausen, Kreis Unna en Ennepe-Roer-Kreis. Dortmund ligk op 'n hoegte vaan 86 meter. De stad heet 'n oppervlak vaan 280,71 km², en volgens de census vaan 2014 gief 't dao 575.944 inwoeners. Heimèt heet 't 'n bevolkingsdeechte vaan 2052 de veerkante kilometer. Sinds de nuie stadsraod vaan 2014 is de SPD de groetse polletieke partie mèt 36 zetels. Op de twiede en daarde plaots komme daan CDU (26) en de Grüne (15). Opvallend is tot de Neonazi's hei twie zetels höbbe (es samewèrking vaan Die Rechte en NPD). Nationaal-Socialisme en fascisme is normaliter gaaroet neet populair in dizze boondsstaot. In Dortmund gief 't 'n universiteit, naomelek Technische Universität Dortmund. 't Gief wijer 7 hoegesjaole in de stad. De stad besteit oet 12 distrikte.

Brón[bewirk | brón bewèrke]

  • Duutstaolege Wikipedia
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Dortmund&oldid=405273"