Wesfale

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


De ligking vaan Wesfale binne de fidderaol staot Noordrien-Wesfale.

Wesfale (Duits: Westfalen; Nedersaksisch: Wäästfaln, Westfaoln) is 'n streek in Wes-Duitsland. Same mèt 't noorde vaan 't Rienland, de Noordrien, vörmp zie 't hoofzakelek landsjap vaan d'n Duitse staot Noordrien-Wesfale. Belaankrieke stei die in dees streek ligke zien Arnsberg, Bielefeld, Osnabrück, Dortmund, Minden en Münster. Institutioneel besteit Wesfale neet opziech, mer vörmp 't 'n regionaol verband mèt de Kreis Lippe oonder de naom Wesfale-Lippe. De naom heet Wesfale te daanke aon 't historisch Oosfale, 'n streek die polletiek gein en cultureel wieneg beteikenis heet, die ten ooste vaan Wesfale loog.

Wesfale is oongeveer 't gebeed tösse de reviere de Rien en de Weser. De streek ligk zoewel te noorde es te zuie vaan de Ruhr.

De gróp dialekte die in Wesfale weurt gesproke vörmp taolkundeg gein riechteg gehiel. Wel behure bijnao alle dialekte tot de groetere streektaol Nedersaksisch, wat ouch in 't groetse gedeilte vaan de res vaan Noord-Duitsland weurt gesproke, zoe ouch in Oos-Nederland, Noord-Nederland en, historisch, Noordwes-Pole. Allewel 't dus strik genomme gein typisch Wesfaals taollandsjap gief, zulle de meiste lui in de streek ziech wel es zunt identificere; zie nömme hun streektaol bekans altied Wesfaals (Westfälisch) of Platt. Boete de weitesjappeleke conteks, is de term Nedersaksisch gaar neet populair.
Wiki letter w.svg  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Wesfale&oldid=383440"