Bielefeld

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ligking vaan de stad in Noordrien-Wesfale
Sparrenburg en blick op de binnestad

Bielefeld (Nedersaksisch: Builefeld (DE-spelling) of Boeilefeld (NL-spelling) is 'n krinkloes stad (stad die neet behuurt bis 'ne krink of Kreis, dus Kreisfrei is) in 't noordooste vaan Noordrien-Wesfale. De Wesfaalse plaots vilt oonder 't Regierungbezirk Detmold en is de ouch de groetse vaan. Ze ligk veur Noordrien-Wesfaalse begrippe niet zoe kortbij aandere steij, al ligk Mönster d'r neet zoe wiet vaandan. Ze grens aon de kring Kreis Herford, Kreis Lippe, Kreis Gütersloh en in 't noorde aon 'nen aandere staot: Nedersakse. Bielefeld ligk op 'n hoegte vaan 118 meter. De stad heet 'n oppervlak vaan 258,82 km², en volgens de census vaan 2014 gief 't dao 328.864 inwoeners. Heimèt heet 't 'n bevolkingsdeechte vaan 1271 de veerkante kilometer. Sinds de nuie stadsraod vaan 2014 zien de SPD én de CDU de groetse polletieke partieë mèt allebij 20 zetels. Op de daarde plaots kump daan de Grünne (10); zie heet veural häör populariteit in de stad te daanke aon de studènte. Allewel häör universiteit pas in 1969 woort opgeriech, is Universität Bielefeld allewijl al ein vaan de populairdere universiteite vaan Wes-Duutsland. Zie druug 18.500 studènte. Daoneve gief 't 6.600 studènte op de hoegesjaol. De stad besteit oet 10 distrikte.

Ironisch genóg heet Bielefeld oonder de internetginnerasie bekindheid verworve door häör gebrek aon bekindheid. De internetgrap tot Bielefeld neet zaw bestaon en e leuge zaw zien vaan de Europese en Duutse regieringe, waor veural gemeind um de talloeze verzweringstheorieje veur gek te zètte. Veural in 't ierste decennium vaan de 21e iew waor de grap e succes euver 't gans internet (mer veural in Europa en specifiek de Duutstaolege len). De stad maak d'r ouch hendeg gebruuk vaan door beveurbeeld ironisch reklaam te make veur de universiteit, wie: Gute Nachricht: Bielefeld gibt es wirklich! (Good nuits: Bielefeld besteit wirkelek!)

Brón[bewirk | brón bewèrke]

  • Duutstaolege Wikipedia
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Bielefeld&oldid=405270"