Bhutan

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Bhutan
Basisgegaevens
Officieel taal	Dzongkha
Huidsjtad	Thimpu
Sjtaotsvörm	Monarchie
Sjtaotshoof (lies)	Jigme Singye Wangchuk (sinds 1972)
Premier	Tshering Tobgay
[[{{{titelhoofregering1}}}]]	{{{naomhoofregering1}}}
[[{{{titelhoofregering2}}}]]	{{{naomhoofregering2}}}
[[{{{titelhoofregering3}}}]]	{{{naomhoofregering3}}}
Religie	{{{religie}}}
Opperflaakde – % water	38.394 km² 1,1%
Inwoeners – Deechde:	727.145 (2022) 19,3/km²
Biekómmende gegaeves
Munteinheid	Ngultrum (BTN)
Tiedzaone	UTC +6
Nationale fiesdaag	8 augustus
Vouksleed	Druk tsendhen
Web | Code | Tel.	.bt | BTN | +975

Bhutan is e land in 't Himalaya-gebergde, ingeklemp tösse China en India. Hoofstad is Thimpu, wijer ligke dao nog stei wie Tongsa en Sandrup Jongkhar. Väöl vaan de stei in Bhutan zie nao westerse begrippe neet mie es dörper, veural in 't noorde, woe de hoegste berg ligke. De hoegste piek is Kula Kangri op 7553 meter. In 't zuie is 't land bosriek en vol mèt reviere, die nao de Indiase Brahmaputra struime.

Bestuurleke indeiling

Bhutan is ingedeild in 20 distrikte.

Bumthang Chukha Dagana Gasa Haa Lhuntse Mongar Paro Pemagatshel Punakha

Samdrup Jongkhar Samtse Sarpang Thimbu Trashigang Trashiyangste Trongsa Tsirang Wangdue Phodrang Zhemgang

Demografie

De veurnaomste bevolkingsgróp, die oongeveer de helf vaan de bevolking besleit, is de Ngalop; de twiede zien de Sjartsjop. Bei grópe zien vaan Tibetaanse aofkoms. Wijer zien dao väöl Nepaleze, die es arbeidsmigrante in de jaore viefteg gekoume zien. De offesjeel taol is 't Dzongkha, meh hiel väöl ander taole en dialecte zien in gebruuk, sommege beperk tot ein dörpsgemeinsjap.

Bhutan is e boeddhistisch land, en 75% hingk de Mahayana-variant daovan aon. De twiede religie is 't hindoeïsme.

Historie

Sinds minseheugenis is Bhutan door Tibetaanse volker bewoend. In de achste iew brach de Indiase goeroe Padmasambhava 't boeddhisme nao de regio. 't Gebeed bleef verdeild euver mieder stäötsjes tot de lama Ngawang Namgyal 't land vereinegde oonder ein theocratie. Vaanaof 1616 begós heer 't land systematisch te organisere en heer bouwde väöl forte (dzonge). Nao zienen doed verzwakden 't land oonder de twiste vaan rivaliserende en zwakke leislui, tot in 1885 Ugjen Wangchuk 't land weer vereinegde en e tractaat mèt 't Vereineg Keuninkriek sloog. Dit land had Bhutan nudeg veur Brits Indië tege de Sjinese expansie te besjèrme, al bestoont e laankdorend grènsconflik tösse bei len. In 1907 woort Wangchuk es keuning geïnstalleerd. 't Land bleef in de twintegste iew opmerkelek traditioneel. In 1971 woort 't land door de Vereinegde Naties erkind. In de jaore negeteg kaom 'n democratisering op gaank, al bleef de keuning 't hoof vaan de regering. De regering perbeert de traditioneel cultuur zoeväöl meugelek intak te hawwe, wat vaan Bhutan 'n oetzunderlek land maak.