Amstel Gold Race

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Amstel Gold Race 2006: 't peloton bovenop de Geulhemmerberg in Berg (Valkeberg)

De Amstel Gold Race ies 'n eindaagse fietsrenwedsjtried op de weeg veur profrennersj, die saer 1966 eder jaor in vreugjaor weurt gereje in Zuud-Limburg. Bies 2000 góng 'n deil van de route ouch door Belsj Limburg. De Amstel Gold Race weurt gerekend tot de "klassiekersj" van 't fietsrenne. Saer 2005 ies de wedsjtried 'n ónderdeil van de UCI Pro Tour, daoveur waor 't ein van de races oet de Waereldbeker. De Amstel Gold Race ies geneump nao 't beermerk Amstel.

De sjtart van de Amstel Gold Race ies op de Mert van Mestreech. De finish liek saer 2003 bovenaan de Cauberg. Ièrder finishplaatse waore Meersje en Mestreech.

Bies in de jaore 90 woort de Amstel Gold Race veural door Nederlandse en Belzje fietsrennersj gewónne. Wie de wedsjtried ónderdeil woort van de Waereldbeker woort 't deilnummersjveld internationaler. De Nederlandse fietsrenner Jan Raas haet de Amstel Gold Race 5 kièr gewónne tösje 1977 en 1982. In zienen tied kalde me ouch waal van Amstel Gold Raas.

Op d'n daag veur de wedsjtried veur profrennersj ies d'r 'n toerversie van de Amstel Gold Race.

In 2020 woort de Amstel Gold Race veur de ièrsjte kièr neet gehouwte, in verband mèt de COVID-19-pandemie. 't Jaor dao-op gaof 't 'n aangepasde versie.

Beklumminge[bewirk | brón bewèrke]

In de race were of woorte de volgende berg beklómme:

Euverziech winnaersj[bewirk | brón bewèrke]

Mansluuj[bewirk | brón bewèrke]

Vrouwluuj[bewirk | brón bewèrke]

Externe link[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Amstel_Gold_Race&oldid=463896"