Tadej Pogačar
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
_-_Volta_a_la_Comunitat_Valenciana.jpg)
Tadej Pogačar (Komenda, 21 september 1998) is 'ne Sloveense fietsrenner. Heer begós op negejaorege leeftied mèt fietsrenne bij 'n club in Ljubljana en zat al in de jäög oongekinde prestaties neer. Zoe won 'r in 2018 d'n Tour de l'Avenir.
In 2019 woort heer ingelijf bij Team UAE Emirates, boe heer debuteerde in d'n Tour Down Under en de Runde vaan 't Baskeland en de Runde vaan Californië won. In de Runde vaan Spaanje woort heer dat jaor direk al daarde. Nog groeter opzien baarde heer in 't jaor dao-op, wie heer, einen daag veur zienen 22e verjaordaag, de Runde vaan Fraankriek won. E jaor later herhaolde heer dit. In 2022 woort heer twiede achter Jonas Vingegaard, meh won 'r nog ummer mèt euvermach 't joongereklassemint. Sinds 2021 haolden 'r ouch diverse euverwinninge in vreugjaorsklassiekers wie de Runde vaan Vlaondere en d'n Amstel Gold Race.
Door zien euvermach in zoewel de groete rundes es in de eindaogse koerse, en de jónge leeftied boe-op heer dit allemaol al heet gepresteerd, heet me Pogačar dèks 'nen 'alleskinner' geneump en 'm vergeleke mèt Eddy Merckx.
Dit artikel is e sjtumpke. De kans Wikipedia helpe door 't aan te völle