Utrech (provincie)

Van Wikipedia
(Doorverweze van Utrei (provincie))
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Utrech (Utrecht)
Veendel vaan de provincie Utrech Waope vaan de provincie Utrech
Ligking vaan Utrech in Nederland
Hoofsjtad Utrech
Opperflaakde
– woevan water
1.449,12 km²
64,1 km² (4,4%)
Inwoeners
Deechde:
1.268.489 (aug. 2015)
916/km²
Commissair van de Keuning (lies) Willibrord van Beek (VVD)
Óntsjtange oet Stiech Utrech
Belangriekste lokaalsjpraok(e) Utrechs, Wes-Veluws
Vouksleed Langs de Vecht en d'Oude Rijnstroom

Utrech (Nederlands Utrecht, Utrechs Ut(e)rech) is 'n provincie vaan Nederland, die oongeveer centraal in 't land ligk en nao oppervlak de kleinste vaan 't land is. Hoofstad is de gelieknaomege stad. De provincie is d'n opvolger vaan 't Stiech, de wereldleke versie vaan 't bisdóm Utrech, wat in ziene glorietied, d'n èlfden iew, 't groetste deil vaan 't huieg Nederland besloog. De provincie grens aon Noord-Holland, Zuid-Holland, Gelderland en Flevoland.

Gemeintes[bewirk | brón bewèrke]

Utrech kint sinds 1 januari 2011 26 gemeintes:

Zjus wie in oonder mier Zuid-Holland en Zieland heet me begin negentienden iew in Utrech de gemeintes ingestèld es rechopvolgers vaan de aw ambachte. Umtot in Utrech evels neet zoeväöl plaotse waore es in Zuid-Holland, is 't aontal herindeilinge ouch minder groet gewees. Groetsjaolege herindeilinge voonte plaots in 1823 (boetegeriechte vaan de stad Utrech), 1857 (versjèllende gehuchte en minimaol dörpkes), 1954 (umgeving stad Utrech), 1989 (westelek Utrech), 2006 (Heuvelrögk) en 2011 (Veen- en Vechstreek, d.w.z. noordwestelek Utrech).

In 2011 hejje ouch Renswoude, Woudenberg en Scherpenzeel (Gelderland) mote fusere, meh dat is oetgestèld umtot de fusie nao de val vaan 't kabinèt controversieel woort verklaord.

Zuug wijer lies vaan geweze gemeintes in Utrech.

Historische inwoenertalle[bewirk | brón bewèrke]

Heioonder zuut me de oontwikkeling die de provincie Utrech tösse 1830 en 1971 heet doorgemaak. De ciefers zien op basis vaan volkstèllinge.

Jaor Inwoeners Greuj
1830 132.359[1] --
1840 145.132[2] +9,7%
1849 149.380[3] +2,9%
1859 159.776[4] +7,0%
1869 173.556[5] +8,6%
1879 191.679[6] +10,4%
1889 221.007[7] +15,3%
1899 251.034[8] +13,6%
Jaor Inwoeners Greuj
1909 288.514[9] +14,9%
1920 342.322[10] +18,7%
1930 406.960[11] +18,9%
1947 549.566[12] +35,0%
1956 633.549[13] +15,3%
1960 680.678[14] +7,4%
1971 810.150[15] +19,0%
Opmerkinge
  • In de volkstèlling vaan 1971 zien alle inwoenertalle aofgerund op ganse vieftalle.
  • Alle ciefers zien zoonder Vianen en Woerden, die pas nao 1971 bij Utrech kaome, en mèt Loosdrecht, wat allewijl bij Noord-Holland huurt. Veur 1971 zien de volkstèllinge ouch nog zoonder Oudewater. Lèt wel: de gemeintes Harmelen, Kamerik (tot 1857 verdeild in Kamerik en Houtdijken, Kamerik-Mijzijde, Teckop en 's-Gravensloot), Snelrewaard, Willeskop en Zegveld, die later bij Oudewater en Woerden woorte geveug, maakde wel ummer al deil oet vaan Utrech.
Rillatief oontwikkeling vaan 1830 tot 1971

(v1830=100)

Vootnote[bewirk | brón bewèrke]

  1. Volkstèlling 1830
  2. Volkstèlling 1840 - Provincie Utrech
  3. Volkstèlling 1849 - Provincie Utrech - Gemeintesgewijs indeiling
  4. Volkstèlling 1859
  5. Volkstèlling 1869
  6. Volkstèlling 1879 - 't Riek: Ierste deil
  7. Volkstèlling 1889 - Indeiling vaan de wèrkeleke bevolking nao gebaorteplaots en nationaliteit
  8. Volkstèlling 1899 - Provincie Utrech
  9. Volkstèlling 1909 - Recapitulatie
  10. Volkstèlling 1920 - Plaotseleke indeiling
  11. Volkstèlling 1930 - Tabel 2 - Recapitulatie van bovenstaande gegevens tot totalen voor de 11 provinciën, de 9 groepen van gemeenten en het Rijk.
  12. Volkstèlling 1947 - Hoofdstuk VII. Bevolkingsdichtheid
  13. Woeningtèlling 1956 - Veurnaomste gegeves per gemeinte
  14. Volkstèlling 1960 - Inleiding: 5. bevolking naar groottegroepen van gemeenten resp. plaatsen
  15. Volkstèlling 1971 - Tabellen: bevolking naar geslacht, leeftijdsgroep, burgerlijke staat, geboorteperiode, en woongebied

Externe link[bewirk | brón bewèrke]


Provincies van Nederlandj
Drenthe | Euverijssel | Flevolandj | Frieslandj | Gelderlandj | Groninge | Limburg | Noord-Braobantj | Noord-Hollandj | Utrech | Zielandj | Zuud-Hollandj
Gemeintes | Watersjappe
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Utrech_(provincie)&oldid=399094"