Oudewater

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Oudewater in Utrech

Oudewater is e stedsje en 'n gemeinte in 't weste vaan de Nederlandse provincie Utrech. 't Oppervlak bedreug 40,17 km² (1 km² water); op 1 januari 2006 had de gemeinte 9.952 inwoeners, verspreid euver de kerne Oudewater, Snelrewaard, Hekendorp en Papekop. Oudewater heet väöl monuminte en de binnestad is verklaord tot besjirmp stadsgeziech. De bekindste bezeensweerdegheid is de Waag, sinds 1595 es heksewaag in gebruuk (me kint ziech nog ummer op heksedóm laote oonderzeuke).

Historie

Oudewater oontstoont in d'n tienden iew en kraog in 1265 stadsrechte vaan de bisjop vaan Utrech. In 1280 verkraog de graof vaan Holland de stad, die woort oetgebouwd tot echte vestingstad. In 1572 vereuverde de Geuze Oudewater, meh drei jaor later naome de Spanjole 't weer in; de stad woort gaans platgebraand. Nao in 1577 weer aon de kant vaan de Prins te zien goon stoon bleef 't dao rösteg en oontwikkelde de industrie ziech, veural de touwslegerij (noe nog steit in Oudewater e touwfebrik). In 1964 woort e good deil vaan de gemeinte Hekendorp aon Oudewater touwgevoog; in 1970 volgde ouch Hoenkoop, dewijl tegliek de stad euvergóng vaan de provincie Zuid-Holland nao Utrech.

Gebore in Oudewater

• Gerard David, sjèlder
• Jacobus Arminius, predikant

Externe link

• Website vaan de gemeinte