Houten

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ligking vaan Houten in Utrei

Houten is 'n greujstad (veurmaoleg dörp) en gemeinte in de Nederlandse provincie Utrei, te zuidooste vaan de stad Utrei. 't Oppervlak bedräög 59,05 km² (0,29 km² water); 't aontal inwoeners stoont op 1 januari op 44.562. Neve de hoofplaots Houtem kint de gemeinte nog de dörper 't Goy, Schalkwijk en Tull en 't Waal. Houten is in minder es daarteg jaor oetgegreujd vaan e dörp tot 'n veurstad vaan Utrei.

Stadsfuncties[bewirk | brón bewèrke]

Houten is iers en veural 'n forenzeplaots veur Utrei. Heidoor functioneert 't es slaopstad. In recinte jaore heet me ouch hei get deensverleiners aongetrokke. De fruitteelt, daarteg jaor trök nog 't veurnaomste middel vaan bestoon, is nog altied de belangriekste vörm vaan landbouw.

Stadsgeziech[bewirk | brón bewèrke]

't Aajd dörp, mèt es veurnaom monuminte de hervörmde kèrk (ajdste deile oet de twelfde iew) en de neogotische katholieke kèrk oet 1884-85. Dees dörpskèrn ligk allewijl evels excentrisch vaan 't feitelek dörpscentrum, wat geconcentreerd is roond de statie; hei bevinde ziech 't raodhoes en e groet aontal winkels. In 't zuie vaan de stad ligke e paar nuibouwwieke bekind es Castellum; die zien in rinkvörm gebouwd en herberge e paar arsjitektonische bezoonderhede. Boete de stad ligk 't Kestiel Heemstede, vaan roond 1645. Te zuie vaan de stad Houten ligk 't Amsterdam-Rienkanaal; de zuidgrens vaan de gemeinte weurt door de Lek gevörmp.

Historie[bewirk | brón bewèrke]

Opgraovinge in 1957 weze oet tot de plaots al in de Roemeinsen tied bewoend woort, en wel door Roemeine. Houten geit trök op 't Aajdnederlands Haltna, "[plaots] in de bós". In de twelfde iew krijg 't dörp 'n eige kèrk. Daonao oontwikkelde 't dörp ziech lankzaam, tot 't in 1979 tot greujkèrn veur Utrei woort aongeweze. In 1962 woorte de gemeintes Schalkwijk en Tull en 't Waal aon Houten touwgevoog.

Externe link[bewirk | brón bewèrke]

Provincie Utrech

Amersfoort | Baarn | Bunnik | Bunschoten | De Bilt | De Ronde Venen | Eemnes | Houten | IJsselstein | Leusden | Lopik | Montfoort | Nieuwegein | Oudewater | Renswoude | Rhenen | Soest | Stichtse Vecht | Utrech | Utrechtse Heuvelrug | Veenendaal | Vianen | Wijk bij Duurstede | Woerden | Woudenberg | Zeist

Opgelufde gemeintes

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Houten&oldid=351832"