Partei

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Parteis, es te dit dialek sjpriks.

---

Gesjlote hoof De Bek

Partei (Nederlands Partij) ies 'n groate kern van Wittem in de gemeinte Gulpe-Wittem in Zuud Limburg. Partei waor vreuger de woonkern van Wittem, woa ziech 't kloaster, de kloasterkèrk, 't kesjtièl en de watermeule bevinge. Ouwer name zint: dae Torteyde (14e ièw), de Tyrtei (15e ièw), op ter Tey (16e ièw), Partheij, Partey. De naam ies te verklaore vanoet 't Latiense tortus wat boch beteikent. Partei liek aan 'ne flinke boch in de weeg. Dat waor de vreuger hièrbaan van Mestreech nao Aoke. De Geul en de Selzerbaek sjtruime langs.

Bezeenswaerdig

• Haof 't Wienhoes (aan de ouw heerbaan) ies 'ne veurmalige herberg bie 't tolhoes van de Hière van Wittem aan de heerbaan van Mestreech nao Aoke. De linkervleugel dateert oet de 17e ièw. De rechtervleugel, oet de 18e ièw, deende es parkeerplaats veur de poskoetsj. Naoderhand loog hie 'n possjtasie tot in 1865. Toen woort die euverbodig bie de aanlèk van de sjpoorbaan Mestreech - Aoke.
• Nonnekloaster mèt 'n neogotische kapel
• Vakwerkhäöf en hoezer
• Haof Hommerich.
• Haof De Bek (oet 1636) (baksjtein mèt helsjteine dörpele) aan de ouwe hièrwaeg nao Aoke. Tot 1858 'n posterie.
• Veldkruzer

Evenemente

• Wienertreffe op 'ne zóndig in april, 'n optrae van accordeoniste á g'n Wienhoes

Dörpsvereiniginge

• Carnavalsvereiniging de Ülle
• Fanfare Kunst en Vriendschap