OLS

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

OLS sjteit veur "Oud Limburgs Sjöttersfiès" (Oud Limburgs Schuttersfeest). De gesjiedenis van dit fiès geit truuk nao de jaore 60 van de 19e ièw. Tot 1905 waor 't bekènd es 't Groat Internationaal Sjöttersfiès. Es op 24 juni 1906 in 't dörp Bögkeme (Buggenum) de sjöttersjwedsjtrieje were georganiseerd, viert de plaatselike sjötterie Sint Aldegundis häör 400-jaorig besjtoon. Aan de benaming weurt in dat jaor 't weurdsje Oud toegevoog in de beteikenis van traditioneel.

Op daen daag, sóms ouch nog ’t volgend weekend, zölle Belsj- en Nederlands Limburgse sjötterieje ’t tegen ein opnumme in sjeetwedsjtrieje. De wedsjtried besjteit oet ’t, gezamelik es zèstal oet ‘n vereiniging, zoaväöl meugelik houte bölkes van ‘ne hoage sjeetboum aafsjete. De sjötterie die wint zal ’t volgend jaor ’t evenement maoge organisere, meh maog vief jaor neet mètdoon.

Defilé

‘t Fiès begint mèt ‘ne kleurrieke optoch van 165 deilnummende sjötterieje. Kleurriek vanwege de prachtige uniforme die de lede van de sjötterieje aan höbbe, daotösje de keuninge mèt hun zilvere keuningsplate op de boek, de keuninginne in hun cocktailkleier, wapperende pluumvaere op de heud van generaal en officere. De Sjötterieje presentere ziech op hun sjieks, ze loupe op de maot van d’n drumband in sjtrange reigelmaot. Veurop e mini-sjötterke dat de naam van de vereiniging in de heng dreug, dan de vaandeldrager mèt de vereinigingsvaan woa-op de besjermheilige sjteit aafgebeeld. ’n Aantal marketensters dreug ’n mangel mèt ete en aels verborge ónder ’n dèkservèt. ’t OLS trèk zoa’n 50.000 bezeukersj, die kiekentaere langs de kant van de weeg sjtoon of later aanwezig zint op de sjteetwei.

d'n Um

De trofée dae gewonne weurt heisj ‘d’n Um’. Bie de versjlaaggeving door de regionale radio ies in 1991 de trofée mit de benaming ‘d’n Um’ bedach, vanwege ’t ummer weer enthousias oetrope van: “Veer höbben ‘m” door de winnende sjötte. Bie dees folklaore ies ’t winne van d’n Um eve belangriek es ’t individueel winne van ’t jaorliks keuningssjete binne de vereiniging. Keuning weurt daegeen dae de (houte) vogel aafsjuut. Wae die prestatie drie kièr achterein deit, weurt keizer.

Organisatore

1876 : Kaesing (B) St. Martinus
1877 : Nerotere (B) (Neeroeteren)
1878 : Kaesing (B) St. Martinus
1879 : Grevenbicht Heilig Kruis
1880 : Hale St. Anna
1881 : Nerotere (B)(Neeroeteren)
1882 : Neeritter St. Lambertus en St. Remigius
1883 : Hale St. Anna
1884 : Buggenum St. Aldegundis
1885 : Naer Schutterij van het H. Sacrament
1886 : Hale St. Agatha
1887 : Häör St. Martinus
1888 : Molenbeersel (B)
1889 : Heitse St. Nicolaas
1890 : Neeritter St. Remigius
1891 : Heitse St. Nicolaas
1892 : Neeritter St. Lambertus en St. Remigius
1893 : Rooj (Stramproy) St. Antonius en St. Catharina
1894 : Heitse St. Nicolaas
1895 : Neeritter St. Remigius
1896 : Grathem St. Severinus
1897 : Beegde St. Sebastianus
1898 : Ech St. Petrus en Paulus
1899 : Bor (Born) St. Martinus
1900 : Neeritter St. Lambertus en St. Remigius
1901 : Bor St. Martinus
1902 : Heitse St. Nicolaas
1903 : Nunhem St. Servatius
1904 : Hale St. Anna
1905 : Nunhem St. Servatius
1906 : Buggenum (NL)
1907 : St-Odiliënberg Prins Hendrik
1908 : Melick St. Andreas
1909 : Ech St. Landricus
1910 : Naer Oranje Schutters
1911 : Remunj St. Christoffel
1912 : Herkeboesj St. Sebastianus
1913 : Häör Horn St. Martinus
1914 : Wessem St. Joris
1919 : Santfort St. Anna
1920 : St-Odiliënberg Prins Hendrik
1921 : Vlorp St. Martinus
1922 : Naer Oranje Schutters
1923 : Lin St. Martius
1924 : Tegele St. Hubertus
1925 : Leveroy St. Barbara
1926 : Mofert St. Urbanus
1927 : Rooj (Stramproy) St. Catharina
1928 : Tegele St. Hubertus
1929 : Maalbroek Wilskracht
1930 : Obbeech St. Willibrordus
1931 : Baolder St. Antonius
1932 : Wessem St. Joris
1933 : Baolder (Baarlo (Limburg) St. Antonius
1934 : Mofert St. Urbanus
1935 : Wessem St. Joris
1936 : Beesel St. Georgius
1937 : Kraonkel St. Antonius
1938 : Neeritter St. Lambertus
1939 : Tegele St. Martinus
1947 : Santfort St. Anna
1948 : Wessem St. Joris
1949 : Heitse St. Nicolaas
1950 : Asenray St. Martinus
1951 : Häör (Horn) St. Martinus
1952 : Rotem St. Monulphus
1953 : Beesel St. Georgius
1954 : Mergraote St. Sebastianus
1955 : Meiel St. Willibrordus
1956 : Oler St. Petrus
1957 : Beesel St. Georgius
1958 : Oeësjbik St. Lambertus
1959 : Boekoel Oranje
1960 : Lömmerich St. Salvius
1961 : Leveroy St. Barbara
1962 : Kaulille (B) St. Joris
1963 : Leveroy St. Barbara
1964 : Lömmerich St. Salvius
1965 : Tegele St. Hubertus
1966 : Rooj (Stramproy) St. Catharina
1967 : Tegele St. Hubertus
1968 : Leveroy St. Barbara
1969 : Molenbeersel (B) St. Lambertus
1970 : Louwel (B) St. Lambertus
1971 : Kinrooi (B) St. Ambrosius
1972 : De Berg St. Hubertus
1973 : Ees (Eys) St. Sebastianus
1974 : Wielder St. Maternus
1975 : Oeësjbik St. Lambertus
1976 : Ool-Herte St. Michaël
1977 : Niel-bij-As (B) St. Martinus
1978 : D'r Sjeet (Sjaasberg) St. Hubertus
1979 : Voelender St. Sebastianus
1980 : De Berg St. Hubertus
1981 : Dorne (B) St. Sebastiaan
1982 : Beesel St. Georgius en St. Sebastianus
1983 : Ees (Eys) St. Sebastianus
1984 : Maasmechele (B) St. Monulphus en Gondulphus
1985 : Detere St. Stephanus
1986 : Rooj (Stramproy) St. Catharina
1987 : Kinder (B) Kon. St. Martinus
1988 : Grote-Brogel (B) St. Sebastiaan
1989 : Niel-bij-As (B) St. Martinus
1990 : D'r Sjeet (Sjaasberg) St. Hubertus
1991 : Broensem St. Gregorius de Grote
1992 : Kelpen-Oler St. Petrus
1993 : De Boesj (Koningsbos|) St. Joseph
1994 : Stokkem (B) St. Elisabeth
1995 : Voelender St. Sebastianus
1996 : Bocholt (B) St. Laurentius
1997 : Kaulille (B) St. Joris
1998 : Kinder (B) St. Martinus
1999 : Ruiver St. Barbara
2000 : Baolder St. Antonius en St. Petrus
2001 : Boshoven-Weert St. Oda
2002 : Ellikom (B) St Harlindis en Relindis
2003 : Kaesing (B) St. Martinus
2004 : Opglabbeek (B) Amandus
2005 : Wessem St. Joris
2006 : Rooj (Stramproy) St. Catharina
2007 : Ni-jwieërt (Nederweert) St. Antonius
2008 : Opotere (Opoeteren) (B) St. Dionysius

Veur 't ièrsj löp ouch 'ne Duutsje sjöttersgroep mèt in de Optoch. Dizze sjöttersgroep sjuut evvel neet mèt. De Duutsje sjöttersgroep is samegesjtèld oet vereiniginge van de grensgemeintes Zelfkant en Waldfeucht en de deilname is meugelik gemaak door Euromosa, 'n grensneuversjeiend samewèrkingsverband tösje de gemeintes Ech-Zöstere, Mezeik, Zelfkant en Waldfeucht.

2009 : Naer St. Sebastianus. Hun moto: "Gaer nao Naer"
2010 : Grevors (Grubbenvorst) St. Jan
2011 : Stokkem (B) St. Elisabeth
2012 : Ellikom (B) St.Harlindis & St.Relindis
2013 : Rooj (Stramproy) St. Antonius
2014 : Beeg-Papenhaove Eendracht
2015 : Maasniel St. Urbanus
2016 : Maasmechele (B) St. Monulphus en Gondulphus
2017 : Merkelbek St. Johannes & St. Clemens
2018 : De Raom (B) St. Servatius
2019 : Zaerem St. Sebastianus
2022 : Mael St. Willibrordus
2023 : Bor St. Martinus
2024 : Beekdale (9 sjötterieje van de gemeente Beekdale höbbe de organisatie op zich genome, naodat winnaar St. Antonius Ni-jwieërt zich truuktrok)

Kinger OLS

't Kinger-OLS woort veur 't ièrsj georganiseerd in Wessem.

2008 in Opotere
2009 in Naer
2010 in Grevors (Grubbenvorst)