Mofert

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Mit Mofert kónne versjillende dinger bedoeldj waere.


De naam Mofert[bewirk | brontekst bewerken]

De naam Mofert kump in versjillende variaties veur. Vreuger nome de luuj 't bliekbaar neet zoea nej mitte spelling van plaatsname. Anger variaties vanne plaatsnaam Mofert zeen: Montfort (de hujige Nederlandse naam van Mofert), Monfort, Monford, Moford, Monfoird, Monffoirt en Montfoort. De spelling Mofert kump in middelieëwse documente neet veur en duuk pas in 1906 op. In vastelaovesgezèt "Den Uul van den Grauwert" van det jaor wuuertj veur 't ieës Mofert gesjreve.

Verklaoringe[bewirk | brontekst bewerken]

D'r zeen versjillende verklaoringe veur de naam te gaeve. Beide theorieje kónne ouch de naam van de stad Montfoort inne provincie Utrecht verklaore.

Montfort[bewirk | brontekst bewerken]

De naam Montfort kan `n sametrèkking zeen van Mons Fortis, waat letterlijk sterke berg of versterkte berg beteikendj. Montfort waas in de tied det Kestieël Mofert geboewd waerde 'ne mode-naam veur kestieële. In Frankriek ligke nag gans get kestieële en plaatse mit dezelfde naam. Mont kan behalve berg ouch de beteikenis van 'n burch höbbe. Dan zów Montfort beteikene sterke burch.

Montfoort[bewirk | brontekst bewerken]

'n Anger theorie is mieë gebaseerdj op Montfoort, wobie foort of voort 'n doorwaadbare plaats in 'n rivier beteikentj. Tösse Kestieël Mofert en de stad Mofert zów 'n doorwaadbare plaats mótte zeen gewaes in 't Vlaot. Montfoort zów dan de berg bie de voorde of de burch bie de voorde kónne beteikene.

Disambig-dark.svgDit is 'n verdudelikingspazjena.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Mofert&oldid=339159"