Hieërlikheid Mofert

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

De Hieërlikheid Mofert haet bestange van halverwaege de dertieënde ieëw toet 1277. Wienieë de Hieërlikheid próntj is ontstange, is neet gans dudelik. De hieërlikheid bestóng oet 'n aantal gebiede, die ieërs bie 't Graafsjap Gelder huuerdje, wo-ónger Berg ane Roer, Vlórp, Lin, Ech en Mofert.

De hieër van Mofert

Hendrik van Gelder, de jóngste zoon van graaf Gerard III van Gelder haet dees Gelderse gebiede in zien bezit gekrege. Hae waas d'n ieëste Hieër van Mofert en wuuertj daoróm ouch döks Hendrik van Mofert geneump. Hendrik boewdje róndj 't jaor 1260 't Kestieël Mofert. De Hieërlikheid is denouch verneump nao dit kestieël. Op 4 augustus 1277 sjónk Hendrik zien bezittinge aan ziene naef graaf Reinoud I van Gelder. De hieërlikheid huuerdje hiemit op te bestaon en 't waerdje Amb Mofert, 'n bestuursdistrik in 't Euverketeer van Gelder. Hendrik waas daodoor zoeawaal d'n ieëste es de lèste echte Hieër van Mofert. De titel besteit waal nag ummer. Op dit memènt haet Kuueningin Beatrix de titel Vrouwe van Mofert.