Oeal

Van Wikipedia

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.


Oeal (plaatselik ouch Ool) maaktj sinds de herindeiling van 1 januari 1990 deil oet van de gemeindje Remunj, toet dan haetj 't altied toet de gemeindje Herte beheurdj. Mit ongeveer 250 inwoners ligk 't aan de oevers van de maas en de door ontgrinjing ontsjtange "Oolderplas". Rondjom deze pool is de letste 10 jaor väöl watersjport recreatie ontsjtange.

Ool ligk iets ten zuide van Remunj, en aan de angere kantj van de Maas ligk ouch 't bekindje Oolderhuuske.

Dao besjtuitj ein bekindj gezegkdje wo 't plaetske Ool in veurkumptj: Dae is nag neet biej Ool euver, waat zo väöl wiltj zegke es dao is dae nag neet klaor mit.

's Zomers is d'r biej Ool ein voetgangers fietsers vaerke in de vaart welke de miense euverzitj nao Oolderhuuske en trök. Dit vaerke haetj den ouch de toepasselikke naam biej Ool euver....alle vaerbeutjes in Limburg

Van dit vaer zeen de eerste vermeljinge al gemaak in 1293, waonao 't deens haetj gedaon toet 1951 es officieel veerpontj. 't huidige beutje is sinds 18 april 1992 aktief in de wiekende en 's zomers.


Vereniginge[bewirk | brón bewèrke]

In Ool kintj men ondanks det d'r mer zo'n 250 miense wone ein oetgebreidj verenigingslaeve, naeve de Carnavalsvereniging de Waterratte geuftj 't dao ouch nog de biljaarvereniging De Maas Biljarters, ein buurtvereniging Sint Johannes Nepomucenus, Hengelsjportvereniging De Rietvoorn, Surfclub Drusus, Percussion-Orkest Ool en neet te vergaete de sjötterie St. Michaël Ool. Natuurlik zeen biej dees vereniginge ouch miense van de omringende kerne zowie Herte, Maerem en Ane Riékswaeg lid. Verder is d'r natuurlik väöl nuujboew rondjóm Ool gewaes en nog sjteeds, dao zeen komplete nuuj dörpe oet de grondj gesjtamp, zowie 't Meuleveldj, de Mösseberg, en noe resent de Wolfsberg en Oolderveste.

Extern leenke[bewirk | brón bewèrke]

 
Gemeinte Remunj
Vlag van Remunj
Vlag van Remunj
Sjtad: Remunj
Dörper:

Azeraoj · Herte · Neel · Leeve · Maerem · Oeal · Zjwame

Gehuchte en naobersjappe:

Ane Riekswaeg · Assel · De Broekhin · De Boekoel · De Rao · De Sjpik · De Weerd · Drusushaof · 't Inj · Ganzebrook · Gebrook · Hateboer · De Hei · Kitskesberg · 't Maolbrook · Marina-Oolderhuuske · Meneerkes · De Noteboum · Offerkamp · Roer · 't Sjteel · Sjtraot · Thuserhaof · Wielder

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Oeal&oldid=456631"