Sjtad

Van Wikipedia
Gank nao: navigatie, zeuke

Dit artikel is gesjreve in 't Remunjs. 't Weurt gewaardeerd óm in dit artikel 't Remunjs aan te hauwe of aan te gaeve welk anger dialek gebroek is.


'n Sjtad is 'n plaats wo miense wone. Traditioneel wore sjteejer plaatse mit sjtadsrechte, es 't höbbe van 'n sjtadsmoer of 't haoje van 'n mert. Taegeweurdig wörd 't ongersjeid tusse sjteejer en dörpe meistal gemaak op grondj van 't aantal inwoners of van 't veurzieningeniveau. Wo dörpe zich kinmerke door 'n lanjelik karakter, weinig veurzieninge en 'n hechte gemeinsjap, zeen sjteejer dichter bevolk, bezitte meer veurzieninge, en kinne gén hechte gemeinsjap. Inwonersaantalle zeen es maatstaf sterk afhankelik van de algehele bevolkingsdicheid van 'n gebied: zo zal 'n plaats mit zoget 1000 inwoners in Tsjaad al 'n sjtad zeen, wiel dao in Japan teminste 100.000 inwoners veur neudig zeen.

Begrip sjtad[bewirk | brontekst bewerken]

't Ongersjeid tusse sjtad en gemeinte is veural organisatorisch en juridisch, soms vormp 'n sjtad mit de omligkende dörpe 'n gemeinte. Veur de Nederlands wètgeving besteit de term stad neet, die kint inkel gemeintes ('n oetzundering is de hoofstad Amsterdam).[1] Op 't Belsj kinne gemeintes bij Koninklijk Besluit weure aongeduid es stad.

Subsjteejer[bewirk | brontekst bewerken]

Rondj grote sjteejer bevinje zich duk 'n aantal angere plaatse die ouch 'verstedelikt' zeen, det wil zegke det ze groter zeen gewaore en gedeiltelik hun dörpse karakter höbbe verlaore. Deze zogenaamde subsjteejer zeen meistal sterk op de sjtad gerich veur voorzieninge en werkgelegeheid. Sjtad en subsjteejer same heite 'n agglomeratie. Sjteejer mit miljoene inwoners nömp me 'n miljoenestad (metropool, metropolis).

Waereldsjteejer[bewirk | brontekst bewerken]

'n waereldsjtad is 'n prominent internationaal centrum op 't gebied van hanjel, bankweze, financië, innovatie en mert. De term waereldsjtad waerde geïntroduseerd door sociologe Saskia Sassen in 1991 en wörd sindsdien, dankzij de toenömmende globalisering, in toenömmende maote gebroek. De term deent neet te waere verward mit miljoenesjtad. Wo 'n miljoenesjtad 'n groot inwoneraantal haet, haet 'n waereldsjtad internationaal väöl invloed en mach. Waereldsjteejer höbbe volges Sassen meer mit elkaar gemein dan mit sjteejer in hun eige landj. In toenömmende maote höbbe waereldsjteejer gén landelikke politiek meer neudig, maar ze ongerhaoje drèkte bänj mit elkaar. Ouch in Nederlandj wörd dit steeds dudelikker, wat te zeen valt aanne toenömmende vraog nao meer autonomie veur de Randstad, bijv. door 'n Randstadprovincie.

Grootste sjteejer vanne waereld[bewirk | brontekst bewerken]

Nr. Naam Originele naam (wen aafwiekend) Landj Aantal inwoners
1 Shanghai Shànghǎi Sjina 15.017.783
2 Bombay Mumbai India 12.883.645
3 Karachi Karāchi Pakistan 11.969.284
4 Buenos Aires Argentinië 11.595.183
5 Delhi Dilli India 11.215.130
6 Manilla Manila Filepijne 10.546.511
7 Moskou Moskva (Russisch: Москва) Rusland 10.472.629
8 Seoul Sŏul Zuid-Korea 10.409.345
9 São Paulo Braziel 10.059.502
10 Istanbul İstanbul Turkije 10.034.830

Referenties[bewirk | brontekst bewerken]

  1. Nederlandse Groondwèt Hoofstök2 Artikel 32
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Sjtad&oldid=347382"