Nerotere

Van Wikipedia
Gank nao: navigatie, zeuke
Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Neroters, as te dit dialek sjpriks.
Lambertuskèrk

Nerotere (Nederlands: Neeroeteren) ies 'n deilgemeinte van Maaseik aan de Oter of Bosbeek in Belsj Limburg. Door 't dörp löp de Zuud-Willemsvaart.

De dörpskern liek in de buurt van de Neermeule, 'n ouw watermeule op de Oter, 'n veurmalige banmeule van de abdie van Thorn. Van ca. 1000 tot aan de Franse tied huèrde 't plaetske bie de adellike abdie van Thorn. Dao wone 9168 luuj (2006).

De gehuchte de Hei of Schootsheide en Voorshove huère bie Nerotere.

Bezeenswaerdig[bewirk | brón bewèrke]

Interieur Lambertuskèrk mèt apostelebalk, heiligebeelde en marianum

In de ouw dorpskern sjteit de mergele Sint Lambertuskèrk oet de 15e en 16e ièw aan de Oter, in Maasgotiek. De tore ies van baksjtein op 'n helsjteine basis mèt op de heuk helsjteine verseringe. Hae ies geboewd in 1711-1721 op de plaats van 'ne ouwe Romaanse tore, dae in 1708 waor ingesjtort.

t Plafón ies riek verseerd. Veur 't koar hingk 'ne apostelebalk mèt de houte beeldhouwwerke van alle apostele oet de 16e ièw. Daobove bevingk ziech 'n houte calvarie mèt kruus. Aan de zule, mèt maaskapitele, hange houte gesjneje beelde van heilige oet de 16e ièw: Christoffel, Christus op de kouwe sjtein, Lambertus, Rochus, Jaokob de Mièrdere, Barbara, Antonius, Lucia, Renilde en Joris. 'n Gedeilte van de beelde weurt toegesjreve aan de meister van Nerotere. Miedde in de kèrk hingk 'n Marianum, ouch van de meister van Elsloo. 't Ies ein van de twiè Marianums in Belsj. 't Andert hingk in de kèrk van Zoutleeuw. 't Laatgotisch doupvont van blauwsjtein haet 'ne gaelkopere dèksel oet 1699. De barokke örgelkas ies oet 1742.

In 't dörp ies nog 'n aantal ouw hoezer en boerderieje bewaard.

 
Gemeinte Mezeik
Deilgemeintes en dörper: Mezeik | Nerotere | Opotere
Gehuchte en buurtsjappe:

Schootsheide | Voorshoven | Dorne | Houw | Heppeneert | Wurfeld

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Nerotere&oldid=341511"