Marianum

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Marianum van Zoutleeuw

'n Marianum ies 'n dubbelbeeld van de heilige Maria, umgeve door 'ne sjtraolekrans. Sóms zint in de krans roaze verwèrk. In de tied tösje 1450 en 1550 woorte dit soort beelde gemaak um deens te doon es verfraaiing van Katholieke kèrke in Nederland, Belsj en Duutsjland. Umdat ze van twiè kent te bekieke zint, kènne ze vrie hange, sjuus wie dat ouch mèt groate triomfkruzer 't geval ies. De Limburgse beeldsjniejer Jan van Steffeswert (16e ièw) maakde 'n Marianum veur de domkèrk van Aoke.

In Belsj zint tot noe toe 2 marianums bekènd. Ein dubbelbeeld, van de meister van Aelse, hingk in de Lambertuskèrk van Neeroeteren. 't Andert in de kèrk van Zoutleeuw in Vlaams-Brabant, 'n exemplaar umgeve mèt 'ne groate roazekrans en ingele.

In Nederlands Limburg zint veurbeelde te zeen in de kèrke van Valkeberg, Venroj, Venlo, Haors, Naer en Toear.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Marianum&oldid=426530"