Bieëgdje

Van Wikipedia
Gank nao: navigatie, zeuke

Dit artikel is gesjreve in 't Haels. 't Weurt gewaardeerd óm in dit artikel 't Haels aan te hauwe of aan te gaeve welk anger dialek gebroek is.


Bieëgdje (Beegden)
Gewaeze gemeinte in Nederlandj

Beegden wapen.svg

{{{locatie}}}

Gevörmp 1275[1]
Opgehaeve 1991
Opgegange in Hael
Provincie Nederlands Limbörg
Hoofplaats Bieëgdje
Opperflaakde (bie opluffing) 9,19[2][3] km²
– daovan water: 0,31[2] km²
Inwoeners (kort veur opluffing) 1.335 (1971)
deechde: 145/km²
Lies van börgemeisters
Kèrk van Bieëgdje

Bieëgdje (Nederlands: Beegden) is ein dörp mit ongevier 1800 inwoëners. 't Veltj onger de gemeinte Maasgouw. De dörper wo Bieëgdje tösse liktj zeen Hael en Häör. Verder liktj aan eine kantj van t dörp de Bieëgdjerhei en 't drinkwatersjpaarbekken de Lange Vlieter en aan de angere kantj 't Lateraalkanaal.

Tot 1991 waor Bieëgdje 'n zelfsjtendege gemeinte, daonao huërde 't tot 2007 bie Hael.

Waope[bewirk | brón bewèrke]


De volgende sectie van dit artikel is gesjreve in 't Mestreechs.

Op 21 jannewarie 1948 kraog Bieëgdje vaan d'n Hoege Raod vaan Adel e waope touwgekind, wat ziech zoe liet umsjrieve:

Gedeild: I. doorsnoje vaan hermelijn en sinopel (greun); II. in goud (geel) drei hores vaan keel (roed) mèt beslaag vaan zèlver, gezat 2-1. Op 't sjèld 'n kroen mèt drei blaajer en twie perele.

't Linkerdeil (veur de beziener rechs) is 't aajd waope vaan 't graofsjap Häör, boe Bieëgdje iewelaank touw hoort. 't Rechterdeil is 't femiliewaope vaan de femilie Van Merwijck. Die waor in de vieftienden iew in 't bezit vaan 't hoes te Bieëgdje, zoonder dao hierleke rechte te höbbe; Bieëgdje is trouwens noets 'n hierlekheid gewees.

Veur 1948 veurde de gemeinte 'n aander waope, mèt in lazuur (blauw) Sint-Maarten te peerd en de knelende bedeleer en in de sjèldpunt e sjèlde vaan Häör. Sint-Maarten is de parochieheilege en e zegel mèt häöm veurde de sjepebaank al sinds ind vieftienden iew.[1]

Historische inwoenertalle[bewirk | brón bewèrke]

Bieëgdje heet laank mer 'ne besjeie greuj gekind. Pas nao 1930 begós 't aontal inwoeners snelder touw te numme.

Jaor Aontal Greuj (gans Limbörg)
1830 535[4] --
1840 575[5] +7,5% (+5,6%)
1849 628[6] +9,2% (+4,3%)
1859 642[7] +2,2% (+4,4%)
1869 661[8] +3,0% (+4,5%)
1879 658[9] -0,5% (+7,0%)
1889 672[10] +2,1% (+6,8%)
1899 680[11] +1,2% (+10,2%)
Jaor Aontal Greuj (gans Limbörg)
1909 714[12] +5,0% (+17,8%)
1920 802[13] +12,3% (+32,6%)
1930 760[14] -5,2% (+25,1%)
1947 936[15] +23,2% (+24,2%)
1956 1.092[16] +16,7% (+27,3%)
1960 1.134[2] +3,8% (+7,4%)
1971 1.335[3] +17,7% (+13,9%)
Opmerking
  • 't Inwoenertal vaan 1971 is op ganse vieftalle aofgeroond. 't Greujciefer zouw daorum, gelèt op 't klein aontal inwoeners vaan Bieëgdje, neet perceis kinne kloppe.
Rillatief oontwikkeling vaan 1830 tot 1971

(v1830=100)

Greun: Gemeinte Bieëgdje
Blauw: Provincie Limbörg

Rifferenties[bewirk | brón bewèrke]

  1. 1,0 1,1 Heraldry of the World - Beegden
  2. 2,0 2,1 2,2 Volkstèlling 1960 - Bevolking vaan gemeintes en oonderdeile vaan gemeintes
  3. 3,0 3,1 Volkstèlling 1971 - Plaotseleke indeiling
  4. Volkstèlling 1830
  5. Volkstèlling 1840 - Limbörg
  6. Volkstèlling 1849 - Hertogdóm Limbörg: gemeintesgewijs indeiling vaan de provincie
  7. Volkstèlling 1859 - Plaotseleke indeiling
  8. Volkstèlling 1869 - Feiteleke of getèlde bevolking in eder gemeinte vaan 't riek
  9. Volkstèlling 1879 - Limbörg: plaotseleke indeiling
  10. Volkstèlling 1889 - Limbörg
  11. Volkstèlling 1899 - Limbörg
  12. Volkstèlling 1909 - Plaotseleke indeiling
  13. Volkstèlling 1920 - Plaotseleke indeiling
  14. Volkstèlling 1930 - Plaotseleke indeiling
  15. Volkstèlling 1947 - Plaotseleke indeiling
  16. Woeningtèlling 1956 - Veurnaomste gegeves per gemeinte
 
Gemeinte Maasgoew
Vaan van Maasgoew
Dörper en stej: Bieëgdje · Brach · De Baek · Hael · Lin · Panhael · Staeveswaert · Toear · Wèssem
Gehuchte: Apebrook · Baarstraot · Bilt · Brachtersjtasie · Brandj · Breiwaeg · De Laak · De Tump · De Weerd · Eilandj · Houtem · Kastert · Kruchte · G'n Oea · Oeazje · Pol
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Bieëgdje&oldid=355347"