Panhael

Van Wikipedia
Naar navigatie springen Naar zoeken springen
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Haels, as te dit dialek sjpriks.

De Slevrouw-vaan-'t-Hartkepel in Panhael.

Panhael (Nederlands: Panheel) is e gehuch in de Nederlands-Limbörgse gemeinte Maasgoew. 't Ligk eve westelek vaan 't dörp Hael en weurt tot de woenkern Hael gerekend. De plaots kint zoe'n 210 inwoeners, meh heet door zien ligking kort neve d'n A2 veural beteikenis es industrieterrein.

Panhael ligk (noord)oostelek vaan d'n A2 en vaan 't kanaal Wèssem-Ni-jwieërt. Roontelum 't gehuch ligke versjèllende grindpeul, die veur waterrecreatie weure gebruuk. Westelek vint me ouch 't Leerke Ven. In 't dörp vint me e kruuspunt vaan weeg nao Hael, Wèssem en Toear. Door d'n aanlag vaan de rieksweeg is dat kruuspunt neet mie zoe belaankriek.

Beziensweerdeghede[bewirk | brón bewèrke]

In 't kenaal steit nog 'n historische sluis oet 1928. Wijer vint me 'n kapel in 't dörp (zuug pleetsje), die deens deit es hölpkèrk.

Historie[bewirk | brón bewèrke]

Oonder 't ancien régime waor Panhael 'n zelfstendege sjepebaank. Oonder Frans bewind woort de baank Panhael in 1800 samegeveug mèt de hierlekheid Pol. Dees gemeinte Pol en Panhael waor nog neet hiel groet, en al in 1820 (noe oonder 't Keuninkriek) woort de gemeinte weer opgeluf. Pol góng nao Wèssem, Panhael woort mèt Hael vereineg tot de gemeinte Hael en Panhael. Panhael waor in de negentienden iew nog 'n agrarisch gebeed in 'n hei-echtege umgeving,[1] meh de grindwinninge in d'n twintegsten iew maakde 't gebeed roontelum 't gehuch inger. De plaots zelf bleef evels gespaord.

De gemeinte Hael en Panhael bleef tot 1991 bestoon, tot ze opgóng in 'n groeter gemeinte Hael. Die fusiegemeinte woort in 2007 zelf weer opgeluf bij de stiechting vaan de gemeinte Maasgoew.

Bron[bewirk | brón bewèrke]

Dit artikel is gebaseerd op ziene Nederlandstaolegen tegehenger, en wel in dees versie.

Rifferenties[bewirk | brón bewèrke]

  1. Kaart vaan Hael en Panhael oet de jaore 1860
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Panhael&oldid=424984"