Rieksweeg 2

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Rieksweeg 2, algemein bekind es d'n A2, is 'ne rieksweeg en otosnelweeg in Nederland. Heer begint, wie alle rieksweeg mèt e lieg nómmer, in Amsterdam en löp door tot aon de Belzje grens bij Èèsjde, boe heer euvergeit in de Belzjen A25. 't Stök vaan Amsterdam tot Utrech huurt bij d'n E35 (Amsterdam-Roeme), de res bij d'n E25 (Rotterdam-Genua).

Verloup

D'n A2 begint in Amsterdam, boe 'r Nieuwe Utrechtseweg weurt geneump, en ligk dao in 't verlèngde vaan de s110 ('ne stadsweeg aon d'n Amstel). Heer löp daan in zuidwesteleke riechting nao 't noordooste vaan de provincie Utrech, boe heer gooddeils in de buurt ligk vaan de spoorweeg Amsterdam - Arnhem en 't Amsterdam-Rijnkenaal. In de stad Utrech slut heer veur e stök aon op de rinkweeg um dees stad. Daonao geit heer tösse Nieuwegein en Vianen de Lek euver en vervolg heer ziene weeg door de relatief dunbevolkde Betuwe. Bij Zaltbommel kump d'n A2 euver de Waal en nao d'n al eve dunbevolkde Bommelerwaard geit heer bij Den Bosch de Maos euver.

Nao dees stad geit de weeg e stökske nao 't weste (tot aon Vught) um daonao zien oersprunkeleke windriechting weer op te pakke. Ouch bij Eindhove heet de weeg 'n rinkfunctie, en veur e stökske vèlt 'r same mèt rieksweeg 67. Hei heet de hoofweg ouch 'ne belaankrieke parallelweeg, dee N2 weurt geneump. Nao Veldhoven geit de weeg rizzoluut de kant vaan Limbörg op, boe heer tösse Weert en Nedeweert doorkump.

Bij Wessem geit heer de Maos obbenuits euver, en nao 'nen drej um Brach heer geit d'n A2 noe in veural zuidoosteleke riechting, min of mie parallel aon de Maos, veurbij Geleen nao Mestreech.

Sinds 16 december 2016 is 't stök in Mestreech oondertunneld. Daankzij de Keuning Willem-Alexandertunnel hoof zoewel 't doorgoond verkier es 't lokaol en regionaol verkier neet mie door de bebouwing vaan Mestreech, en kin me zoonder stopleechte doorrije. Tot deen tied góng 't verkier tösse Kruusdoonk en 't Europaplein bovegroonds door 't Wittevrouweveld en Sjaan, wat veur väöl lochvervojling, opoonthaajd en gevierleke situaties zörgde. 't Gaof krusinge vaan de President Rooseveltlaon (zoewie de N2 in Mestreech hètde) bij 't Keuningsplein en bij 't Oranjeplein.

Nao 't Europaplein geit de snelweeg wijer tot 'r veurbij Eijsde de grens euvergeit.

Compleet trajekeuverziech

N.B.: 'Heenweeg' beteikent oet Amsterdam eweg nao de grens, 'trökweeg' beteikent vaan Limbörg oet nao Amsterdam. Wie de aofritnommers toene, is de weeg vaanoet de Nederlandse hoofstad gedach.

	punt in trajek	aonsleting
	begin	vaanoet s110
	knouppunt Amsterdam-Amstel	A10 (rinkweeg Amsterdam)
1	aofslaag Ouderkerk aan den Amstel	N522
2	knouppunt Holendrecht/AMC	A9, s111
	Holendrecht
3	aofslaag Abcoude
4	aofslaag Vinkeveen	N201
	stopplaots Ruwiel (trökweeg)
5	aofslaag Breukelen	N401
	stopplaots Haarrijn (heenweeg)
6	aofslaag Maarssen	N230 (rinkweeg Utrech)
7	aofslaag Lage Weide/De Wetering/Parkwijk
	Leidsche Rijntunnel
	Leidsche Rijn
8	aofslaag Utrech-Papendorp	N198
	knouppunt Oudenrijn	A12 (rink Utrech)
	stopplaots IJsselstein (heenweeg)
9	aofslaag Nieuwegein	N210
	Hollandsen IJssel
	stopplaots Jutphaas (trökweeg)
10	aofslaag Nieuwegein-Zuid
	Lek
11	aofslaag Vianen
	knouppunt Everdingen	A27
	ecoduk Autenase Kade
12	aofslaag Everdingen	N484
13	aofslaag Culemborg	N320
	stopplaots Bisde (heenweeg)
	stopplaots Lingehorst (trökweeg)
	ecoduk Beesdsche Veld
14	aofslaag Beesd
	Linge
15	aofslaag Geldermalsen	N327
	knouppunt Deil	A15
16	aofslaag Waardenburg	N830
	Waal
17	aofslaag Zaltbommel	N322
	stopplaots De Lucht
19	aofslaag Kerkdriel	N831
	Maos
	knouppunt Empel	A59
20	aofslaag Rosmalen	A59
	knouppunt Hintham	A59
21	aofslaag Veghel	N279
	Zuid-Willemsvaart
22	aofslaag Sint-Michielsgestel	N617
	knouppunt Vught (heerweeg)	A65
23	aofslaag Vught-Centrum (trökweeg)	N65
24	aofslaag Vught
25	aofslaag Boxtel-Noord
26	aofslaag Boxtel
	stopplaots Velder (heenweeg)
	stopplaots Ooijendonk (trökweeg)
	ecoduk Het Groene Woud
27	aofslaag Best-West	N619
28	aofslaag Best
	Wilhelminakenaal
	knouppunt Ekkersweijer	A50
	knouppunt Batadorp	A58, N2
weeg opgesplits in A2 en N2; geldeg veur lèste:
29	aofslaag Eindhove-Welschap
30	aofslaag Centrum/Strijp (heenweeg)
31	aofslaag Veldhoven
31a	aofslaag Meerenakkerweg
32	aofslaag Veldhoven-Zuid
	Dommel
	knouppunt De Hogt (ouch A2)	A67
32a	aofslaag High Tech Campus Eindhove
33	aofslaag Waalre	N69
	knouppunt Leenderheide (ouch A2)	A67
vaanaof hei bei weeg weer same es A2
	ecoduk Groote Heide
34	aofslaag Valkenswaard	N396
35	aofslaag Leende (trökweeg)
	stopplaots Groote Bleek (trökweeg)
	stopplaots 't Haasje (heenweeg)
36	aofslaag Maares
37	aofslaag Buul
38	aofslaag Wieërt-Naord
	stopplaots De Wildenberg (trökweeg)
39	aofslaag Ni-jwieërt	N275
	Zuid-Willemsvaart
	stopplaots Roevenpeel (heenweeg)
	stopplaots Meiberg (trökweeg)
40	aofslaag Kelpe-Oler	N280
	stopplaots Èllerbrök (heenweeg)
41	aofslaag Gratem	N273
42	aofslaag Wèssem (trökweeg)
	Maos
43	aofslaag Brach (heenweeg)
44	aofslaag Sint-Joeas	N276
	knouppunt 't Vóndjere	A73
	stopplaots Bósjerhaof (trökweeg)
45	aofslaag Ech
46	aofslaag Roostere	N296
	stopplaots 't Anker (heenweeg)
47	aofslaag Bor	N297
	stopplaots Swentibold (trökweeg)
48	aofslaag Werment	N294
	knouppunt Kierenshei	A76
49	aofslaag Aelse
	stopplaots Vósjedaal (heenweeg)
50	aofslaag Ulesjtraote
	ecoduk Bungerbósj en Kawverbósj
	stopplaots Kruusberg (trökweeg)
51	aofslaag Meersje (heenweeg)
	stopplaots Meersje (trökweeg)
	Geul
	knouppunt Kruusdoonk	A79
	Keuning Willem-Alexandertunnel
	knouppunt Europaplein	N278
55	aofslaag Randwiek (heenweeg)
56	aofslaag Groêselt
57	aofslaag Oêsj-Moarend (heenweeg)
	stopplaots Knuvelkes (heenweeg)
	stopplaots Patiel (trökweeg)
58	aofslaag Èèsjde (trökweeg)
	grenseuvergaank Belsj	A25 (Belsj)