Sint-Joeas

Van Wikipedia

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.


Sint-Joeas of Sint-Joas (Nederlands Sint-Joost) is ein dörp in de Nederlands-Limburgse gemeinte Ech-Zöstere, in 't noorde van de gemeinte, mit op 1 januari 2005 1595 inwoners. De plaats liktj in 'n greun omgaeving en weurtj door relatief väöl kènjer bewoantj.

Sint-Joeas is óntsjtange róndjom 't veurmalig kloaster gewiedj aan deze heilige. Oorsjpronkelik sjtóng hie 't Caulietekloaster, waat later wèarde aafgebroke mer wovan de kloasterhoaf, 't Rieksmonument, nog te zeen is.

In de zèstieënde iew weuarde ein nuuj Begaardekloaster daoveur in de plaats geboewdj. De kloasterkèrk woor tot 1748 nog gebroek veur de mès te leaze, mer daonao aafgebraoke, zoea good wie ein kepelke gewiedj aan Sint-Joezep. Op dees plaats boewdje men in 2002 'n kapèl veur de Heilege Theresia. In 1945 wuuerde 't dörp bie gevechte tösse de Britse en Duitse armees bekans hieëlemoal verwoesj. Nao d'n oorlog weuarde 't herboewdj. Tot 1989 loog Sint-Joeas in twieë gemeintes: in Brach (Brachterziej) en Ech. Daonao huuerde 't door 'n grenscorrectie gans bie Ech, tot die gemeintje in 2003 opgóng in de nuu gemeintje Ech-Zöstere.

Bie Sint-Joeas lik 't verkieërsplein 't Ei van Sint-Joeas, dat de aansloeting vörmptj van de A2 op de N271.

 
Gemeinte Ech-Zöstere
Vaan van Ech-Zöstere
Sjtaej en Dörper: De Boesj · Detere · D'n Deelgaard · Ech · De Nuujsjtad · Pej · Roostere · Sint-Joeas · Zöstere
Buurtsjappe en gehuchte: Anen Echterbós · Ane Reiens · Aw-Kirk · Baakhaove · Berkelieër · Brachterziej · Breukelder · De Hieërsjtraot · D'n Aosterberg · D'n Echterbós · Echterhei · Gebrook (Ech) · Gebrook (Zöstere) · Hei · 't Hènge · Illekaove · Kokkelert · Lombok · Middehei · Oevereind · Ophaove · Oppe Kampes · Pepienesbrögk · Pötbrook · Sjaelberg · De Sjlek · Sjpaanshuuske · Vèsserswaert · Veurt · 't Vondere
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sint-Joeas&oldid=442806"