De Sjlek

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Sjlekker. Laes hie wie v'r mit de versjillende saorte Limburgs ómgaon.


De ligking vanne Sjlek in de gemeinte Ech-Zöstere.

De Sjlek is e gehuch in de Nederlandjse provincie Limburg en vèltj ónger de gemeinte Ech-Zöstere. 't Gehuch ligk kórt t'n zuje van 't kirkdörp Pej langs de provinciale waeg N276. Op 1 januari 2012 wónde d'r 1.006 luuj. Döks weurtj de Sjlek gezeen es óngerdeil van Pej, mer op väöl gebiede is 't 'n zelfstenjige plaats.

Door en langs 't gehuch sjtruimp de Haver- of Roterbaek, die uitmóndj in de Middelsgraaf t'r huuegte van netuurgebied De Doort. Aan de Hoagsjtraot ligk 'ne raengewaterbuffer van 't Watersjap Roer en Overmaas óm euvertollig raengewater van dees baek tiedelik te berge.

Door 't dörp löp de route van 't Pieterpaad, 'n bekèndje langen-aafsjtandjswanjeling tösje Pieterburen (Groningen) en de Sint-Pietersberg bie Mestreech.

Etymologie[bewirk | brón bewèrke]

De Sjlek is hoagswaorsjienlik 'n verbastering van 't waord slenk. In de geologie sjteit 't waord sjlank veur 'n lieëgde in 't landjsjap. 'ne Hors sjteit veur 'n huuegde in 't landjsjap. Aan de euverziej van de N276 ligk haof "de Hoos" (van hors), 'ne róndj 't jaor 1400 geboewdje Geldersje lieënhaof. d'n Hujigen haof haet nag ummer de naam "De Hoos".

 
Gemeinte Ech-Zöstere
Vaan van Ech-Zöstere
Sjtaej en Dörper: De Boesj · Detere · D'n Deelgaard · Ech · De Nuujsjtad · Pej · Roostere · Sint-Joeas · Zöstere
Buurtsjappe en gehuchte: Anen Echterbós · Ane Reiens · Aw-Kirk · Baakhaove · Berkelieër · Brachterziej · Breukelder · De Hieërsjtraot · D'n Aosterberg · D'n Echterbós · Echterhei · Gebrook (Ech) · Gebrook (Zöstere) · Hei · 't Hènge · Illekaove · Kokkelert · Middehei · Oevereind · Ophaove · Oppe Kampes · Pepienesbrögk · Pötbrook · Sjaelberg · De Sjlek · Sjpaanshuuske · Vèsserswaert · Veurt · 't Vondere
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=De_Sjlek&oldid=356521"