Breukelen

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Ligking vaan de gemeinte Breukelen in veur de opheffing.
Gemeintehoes vaan Breukelen

Breukelen is e versteidelek dörp in de gemeinte Stichtse Vecht, in de Nederlandse provincie Utrech, te noordweste vaan de stad Utrech. Dao woene oongeveer 9.600 lui.

Plaotseleke functies[bewirk | brón bewèrke]

Behave es forenzeplaots veur Utrech en levereer vaan recreatiemeugelekhede is Breukele veural vaan beteikenis es de gasplaots veur de economische Universiteit Nijenrode, gevesteg in 't glieknaomeg kestiel. Dit is 'n elitair universiteit boe-op allein groete economische talente weure touwgelaote.

Ligking en aonziech[bewirk | brón bewèrke]

Breukele ligk aon de Utrechse Vecht en aon 't Amsterdam-Rienkanaal. Boete 't dörp (en allewijl ouch debinne), aon de Vecht, ligk e groet aontal laandhoezer, boeteplaatse die veural in de zeventiende iew gebouwd zien door rieke Amsterdammers en Utrechtenere.

Historie[bewirk | brón bewèrke]

Breukelen moot al hendeg laank bewoend zien; 't weurt veur 't iers geneump in de zevende iew es Attingahem, 'nen heim vaan einen Attinga, leinhier aon de Friese keuning. Later woort de naom Brooc-lede, bevleujd akkerlaand. Roond 720 moot Bonifatius hei e kèrkske gestiech höbbe. In 953 woort 't oonder 't nui Bisdom Utrech geplaots.

In de twelfde iew lag me 'n tolbrögk euver de Vecht, woedoor de dörpsdeile Nijenrode en Sint-Pieters mètein verboonde woorte. In de vreugmodernen tied kaom 't pläötske in de mode bij rieke reginte die hei 'n boeteplaots verstegde.

De gemeinte Breukelen, die 48,65 km² besloog (daovaan 4,21 km² water) en op 1 januari 2010 14.610 inwoeners had, góng op 1 januari 2011 op in de nui gemeinte Stichtse Vecht. Neve de hoofplaots umvatde de gemeinte nog de dörper Kockengen en Nieuwer ter Aa.

Gebaore in Breukele[bewirk | brón bewèrke]

Trivia[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Breukelen&oldid=378613"