Brandj (Maasgoew)

Dit artikel is gesjreve (of begós) in 't Staeveswaerts. Laes hie wie v'r mit de versjillende saorte Limburgs ómgaon.

---

Brandj (Nederlandjs: Brandt) is e gehuch inne Nederlandjs-Limbörgse gemeinte Maasgoew. Administratief gezeen vilt 't ónger Staeveswaert, wo 't ouch bekans aan vasgegreudj is. Brandj besteit oet twieë straote, De Kis en Brandj, wovan allein de litste bewaond is. Drek ónger de Brandj ligk 'n anger gehuch, namelik 't Eilandj, det weer drek baoven 't gehuch Bilt ligk.

Brandj ligk tösse de Aoj Maas, de plas De Kis enne Huyskensplas. Drek t'n naorde van 't gehuch ligk 'nen oeterwaard, wo ouch 'ne vèsvijver in ligk. Qua vuërzieningen is 't gooddeils op Staeveswaert, Brach en Ech aangeweze.