De Ieëperhei

Dit artikel is gesjreve (of begós) in 't Ieëpesj. Laes hie wie v'r mit de versjillende saorte Limburgs ómgaon.

---

De Ieëperhei (Nederlands: Eperheide) is e gehucht va Ieëpe in 't heuvelland van Zuid-Limburg. 't Is gelaege baove Ieëpe, zoewie d'r naam zet op 'n druèg plateau. 't Besjteet oet 100 häöf en hoezer, oe-in ca 250 luuj wone.

In 't begin van d'r 20e eeuw waor 't hie nog hei en graasland. G'n aed besjteet oet winnig vruchbare zand. Durch de vreuger eigenare zunt, um economische redes, nuldbeum, lariks en fijnsjpar, geplant. Op dis huègde bevinge zich noe hellingbösj en plateaubösj, die beheerd waede durchSjaatsbosbeheer. o.m De Óndersjte bösj en De Molt. Durch 'ne sjturm en durch 'n insecteplaog is in 1995 'n groete aope plaatsj ontsjtande va ca 1 hectare, oe zich sjpontaan 'n heilandsjap hat ontwikkeld. Noe kumt hie de bremhei in 't wild vur op 't vuursjtee-eluvium.

Durch 't oetzitte van kuddes sjäöp , 't Mergellandsjaop geneumt, wet de hei in sjtand gehotte en oetgebreid tot 2 ha. In de sjtel van vièboerderi-j De Schaapskooi (Julianastraat) waede geregeld demonstraties gegaeve van 't huie en sjaere (in januari) van de sjäöp. In de sjaopskow wet och 't Geuldallemke gefok.