Runde van Frankriek

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Beklimming van de Mont Ventoux in de Tour van 2002

De Runde van Frankriek of de Tour de France is 'n fietsren-wedsjtried, van ca drie weke, woa versjillende rennersj aan mèt doon, meis professionals. De race besjteit oet 'n aantal vlake etappes, bergetappes en tiedritte, die veurnamelik door Frankriek loupe. De sjtart kèn ouch boete dit land plaats vinge. De finish ies op de Champs-Elysées in Paries. De titelhouwer van dees runde ies op diet moment de Australiër Cadel Evans.

De ièrsjte tour vóng plaats in 1903 en woort georganiseerd door Henri Desgrange, hoofredacteur van het tiedjsrif L'Auto, nao 'n idee van ziene collega Georges Lefèvre, dae de directeur van de 1sjte Tour de France zou were. Marcel Kerff oet Sjoppem, buurtsjap va Voere, gebaore in S'n Maeëte 1866 doog mèt aan dae ièrsjte Tour de France en woort zèsde.[1][2]

Saer 1984 besjteit 'r ouch 'n tourversie veur vrouwe, Le Tour Féminin geneump (La Grande Boucle Féminine Internationale).

Belangrieke winnaersj[bewirk | brontekst bewerken]

Belangrieke winnaersj van de Tour de France zint Jacques Anquetil en Bernard Hinault (allebei oet Frankriek), de Belsj Eddy Merckx en de Sjpanjaard Miguel Induráin, die eder 5 kièr de Tour gewónne höbbe. De Amerikaan Lance Armstrong wón 7 kièr achterein van 1999-2005, meh die winste woorte häöm in 2012 aafgenome naodat hae sjöldig waor bevónge aan 't gebruuk van doping.

Bekènde bergetappes[bewirk | brontekst bewerken]

De meis bekènde en beruchte bergetappes in de Tour zint:

  1. De Mont Ventoux, de kale berg in de Provence
  2. De Col d'Aubisque
  3. De Col du Galibier, in de Alpe, van 2645 maeter hoag.
  4. De Alpe d'Huez in de Alpe
  5. De Ballon d'Alsace in de Vogeze
  6. De Col de Portet d'Aspet in de Pyreneeë
  7. De Tourmalet mèt 2115 m. de hoagste berg in de Pyreneeë
  8. De Col d'Izoard in de Alpe
  9. De Puy de Dôme in 't Centraal Massief
  10. La Plagne

De renner, dae de meiste punte haolt bie de bergbeklumminge maog de bölkestrui drage (wiet mèt roa bölkes)

Klassemente[bewirk | brontekst bewerken]

Behalve de sjtried um 't eindzege (de favoriet dreug de gaele trui) vechte de rennersj en rennersjploge um punte, die in eder etappe te verdene zint. De renner mèt 't hoagste aantal punte in 'n bepaald klassement maog in de dao op volgende etappe 'ne speciaal gekleurde of geprintde trui drage. Mèt de diverse klassemente zint bonusse te verdene.

  • Jersey yellow.svg
  • In 't algemein klassement dreug de bèste renner 'ne gaele trui.
  • Jersey green.svg
  • In 't punteklassement, gescoord aan 't ing van 'n etappe of tösjesjprint, krieg de renner 'ne greune trui
  • Jersey polkadot.svg
  • In 't bergklassement ies de bèste renner herkènbaar aan de bölkestrui, wiet mèt roa bölkes
  • Jersey white.svg

Deze trui ies veur de bès geclasseerde jóngere renner ónder 'ne bepaalde laeftied.

  • Jersey red number.svg

'ne Renner, dae op 'ne bepaalde daag 't meis aanvallend haet gereje, krieg van de jury 'n road röknummer in plaats van 't gebrukelike zjwart.

  • De bèste ploog ies herkènbaar aan gael röknummersj. Ederen daag were de tieje van de ièrsjte drie rennersj van 'ne ploog opgetèld. De gael röknummersj were door de bèste ploog gedrage.

Belsj-Limburgse deilnummersj[bewirk | brontekst bewerken]

Mansluuj[bewirk | brontekst bewerken]

...

Vrouwluuj[bewirk | brontekst bewerken]

...

Nederlands-Limburgse deilnummersj[bewirk | brontekst bewerken]

Mansluuj[bewirk | brontekst bewerken]

In totaal höbbe bie de mansluuj Nederlands-Limburgse renners 10 etappe-euverwinninge op hunne naam sjtaon.

Vrouwluuj[bewirk | brontekst bewerken]

Gesjiedenis[bewirk | brontekst bewerken]

Referenties[bewirk | brontekst bewerken]

  1. D'r Koeënwoof, een uitgave van de Heemkring Voeren en Omstreken; nr. 10, juli 1995; Rob Brouwers, De gebroeders Marcel en Charles Kerff.
  2. Herman Laitem, Honderd jaar wielrennen in Limburg; 1995; Coda, Antwerpen

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Runde_van_Frankriek&oldid=339974"