Lommel

Van Wikipedia
Gank nao: navigatie, zeuke
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Lommels, as te dit dialek sjpriks.

Gemeinte Lommel
LommelLocation.png
Geografie
Gewes Vlaondere
Provinse Limburg
Arrendissemint Mezeik
Geografische coördinate 51°13' N.B. 05°18' O.L.
Oppervlakde 102,37 km²
Deilgemeintes gein
Bevolking (Bron : NIS)
Inwoeners (01/01/2005) 31.616
Maanslui
Vrouwlui
15.852 (50,14%)
15.764 (49,86%)
Diechheid 308,83/km²

Lommel is 'n stad en gemeinte in 't noordooste vaan de Belzje provincie Limburg, in 't arrondissemint Mezeik, in de Limburgse Kempe, tege de grens mèt Nederland. Lommel heet 'n gooj 30.000 inwoeners en is 'n industriestad. Lommel heet gein deilgemeintes meh wel ander dörper en gehöchter binne zien grènze: Baledijk, Barjèr, De Kolonie, Heerserberge, Hei-Heuvel, Kattebos, Kerkhove, Lutlommel, Steffensvenne en Lommel-Febrik. 't Plat vaan Lommel is e Braobants, gei Limburgs, dialek.

Stadsfuncties[bewirk | brontekst bewerken]

Lommel is 'n industriestad, en kint 'n veurnaom metaolindustrie. Laanks de kenale (Kenaal Boggetj-Heretals, Kenaal van Beverlo), die veural ouch door de industrie gebruuk weure, weurt landbouw bedreve. E good deil vaan de gemeintegroond is evels in gebruuk veur natuur en recreatie. Ouch heet me in Lommel 'ne belaangrieke zavelkojl.

Stadsgeziech[bewirk | brontekst bewerken]

De stad Lommel is pas in de twintegste iew tot 'n stad oetgegreujd, woedoor de plaots Lommel zelf weineg monuminte bezit. Bezeenswierdeg is de neogotische kèrk (voltoejd 1902). Daotegeneuver steit tot de umgeving vaan Lommel es natuurgebeed bezeenswierdeg is - heimèt profileert de gemeinte ziech daan ouch gere. Minstes e kwart vaan de gemeinte is bedek mèt bos, e good deil vaan de res besteit oet weuste grun en zaveldune.

Historie[bewirk | brontekst bewerken]

In 990 weurt Lommel veur 't iers geneump. 't Is 'n stad oet de Karolingischen tied. In d'n tied vaan de groete Braobantse expansies woort Lommel ingedeild bij de Meijerij vaan De Bos, zoetot ze vaanoet 't noorde geregeerd woort. Mèt daodoor kaom de plaots nao d'n Tachtegjäöregen Oorlog binne de Noordeleke Nederlen te ligke, es oonderdeil vaan Staots Braobant. In 1815 evels woort de plaots bij Limburg ingedeild, en nao de Belsje oonaofhenkelekheidsstrijd vaan 1830 en de vrei tösse Nederland en 't Belsj 1839 kaom Lommel daan ouch definitief in Belzje hen. Pas vaanaof ca. 1900 is Lommel de stad gewore die 't noe is: roond 1880 had 't nog mer 3000 inwoeners.


Belsj Limburg

Alleke | As | Berringe | Bilze | Bóggetj | Bree | Dilse-Stokkem | Diepenbik | Genk | Gingelom | Glabbek | Ham | Haëmet-Achel | Hasselt | Hechtel-Eksel | Herk | Herstap | Heuze-Zolder | Hiër | Hoeiselt | Hôle | Hôtele-Helichtre | Ieverpelt | Kinder | Kotsoeve | Laoneke | Leopolsbörch | Leume | Loeën | Loei | Lommel | Mechele | Mezeik | Miëve-Roj | Neerpelt | Noërekirke | Peer | Riems | Sintruin | Tóngere | Voere | Wille | Zietendaol | Zonneve

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Lommel&oldid=338627"