Max van Heeswijk

Van Wikipedia
Gank nao: navigatie, zeuke

Dit artikel is gesjreve in 't Gelaens. 't Weurt gewaardeerd óm in dit artikel 't Gelaens aan te hauwe of aan te gaeve welk anger dialek gebroek is.


Van Heeswijk in de Bavariarunj 2006

Max Lambert Pieter (Max) van Heeswijk (Hoensbroek, 2 mieërt 1973) is 'ne veurmalige Nederlandse fitserenner.

Biografie[bewirk | brontekst bewerken]

Van Heeswijk begoosj es prof in 1995 biej de Motorola-ploog. In dat jaor won hae de Hel van ’t Mergellandj. Hae haolde in totaal 69 euverwinninge in zien profloapbaan.

Zien sjpecialiteit waas de sjprint, en dan 't leefs lich bergop. Es zien groatste prestatie mot waere gezeen de euverwinnig in de klassieker Paries-Brussel in 2000.

In de Runj van Sjpanje 2004 kreeg hae in de tweëde etappe de gouwe trui óm zien sjouwers gehange, mèr 'ne daag later moosj hae 'm weer aafsjtaon aan ziene teamgenoot Benoît Joachim en in de neugende etappe moosj hae in 'n zjwaor bergetappe opgaeve.

Ouch verrichde hae in zien carrière völ knechwerk, ónger mieë veur Roberto Heras en Lance Armstrong. Dae lètste betaalde häöm trök door in de Ruta del Sol van 2004 (wo-in van Heeswijk dat jaor tweë etappezaeges pakde) de sjprint veur häöm aan te trèkke. In 't zelfde sezoen 2004 wón hae de Belsje eindaagswedsjtried Nokere Koerse en 'n etappe in de Runj van Nederlandj. Mèt zien etappe-euverwinning in de Runj van Sjpanje 2005 bleef hae vief jaor lank de lètste Nederlander dae 'n etappe hèj gewónne in die runje en pas in 2009 woort Lars Boom de eësjvolgende winnaer.

Hae deeg twee keer mit aan de individuele waegwedsjtried op de Olympische Sjpele, in 2000 (15e) en in 2004 (17e).

In 2007 kampde van Heeswijk mèt 'n mycoplasma-infectie. In 't sezoen 2008 beëindigde hae zien profloapbaan.

Van Heeswijks ziene bienaam in ’t peloton waas Mad Max.

Belangriekste euverwinninge[bewirk | brontekst bewerken]

1992

1995

1996

1997

1998

1999

2000

2001

2002

2004

  • Nokere Koerse
  • Putten-Kapellen
  • Lancaster Classic
  • Wachovia Classic
  • 2e etappe Ruta del Sol
  • 4e etappe Ruta del Sol
  • 1e etappe Runj van Murcia
  • 3e etappe Runj van Murcia
  • 1e etappe Runj van Nederland
  • 2e etappe Runj van Nederland
  • 6e etappe Veerdaagse van Duunkirke
  • 3e etappe Runj van Belgie
  • 6e etappe Runj van Catalonië

2005

2006

2007

  • 3e etappe Ruta del Sol

Ploge[bewirk | brontekst bewerken]

Brón[bewirk | brontekst bewerken]

  • Wikipedia NL
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Max_van_Heeswijk&oldid=349568"