Danny Nelissen

Van Wikipedia
Gank nao: navigatie, zeuke

Dit artikel is gesjreve in 't Gelaens. 't Weurt gewaardeerd óm in dit artikel 't Gelaens aan te hauwe of aan te gaeve welk anger dialek gebroek is.


Daniel Wilhelmus Maria (Danny) Nelissen (Zitterd, 10 november 1970) is ènne veurmalige Nederlandse fitserenner.

Van 1990 tot 1994 waas hae professioneel fitserenner in de PDM-ploog. In 1992 behaolde hae 'n euverwinning in de GP Wallonië. Dat waas achteraaf gezeen de groatste euverwinning in zien prof-loupbaan. In 1993 reej hae de Tour de France en wórt hae 110e in 't eindjklassement. In 1994 kreeg hae veur 't eësj las van hartritmesjtoarnisse en daoróm kreeg hae van de KNWU gein licentie meë óm bie de profs te rieje en waor hae gedwónge om weer bie de amateurs te gaon rieje.

't Jaor daonao behaolde hae zien groatste succes oet zien ganse loupbaan; in Colombia wórt hae waereldkampioen op de waeg bie de amateurs. Daomit waas hae teves de lètste waereldkampioen in dees categorie, ómdat de UCI in 1996 de amateur-categorie verving door de espoirs-categorie. Die euverwinning leverde 'm de verkezing tot Sjportman van 't jaor op.

Daornao reej hae tweë jaor veur de Rabobank-ploog van Jan Raas. In de Tour de France van 1996 droog hae ein paar daag de bölkestrui. In 1997 naom hae weer deil aan de Tour mèr wórt hae door eine val tot opgaeve gedwónge. In 1999 kreeg Nelissen opnuuj las van zien hart, wódoor hae zien sjportcarrière abrup moosj beëindige.

Tegewoordig is hae TV-commentator bie Eurosjport sjpeciaal veur de oetzendinge van 't fitserennen en hae is ambassadeur van Stichting In Beweging Voor Genezing. Hae is ènne naef van wielercommentator Jean Nelissen.

Belangriekste euverwinninge[bewirk | brontekst bewerken]

1992

1995

  • Dokkum Woudenomloop
  • Eurode Omloop
  • Waereldkampioen op de waeg, Amateurs
  • 3e etappe Ronde van het Waalse Gewest
  • Winnaer eindjklassement Olympia's Tour + 2 etappe euverwinninge

1996

  • Drielandenomloop

1998

Tourdeilnames[bewirk | brontekst bewerken]

Externe links[bewirk | brontekst bewerken]

http://www.danny-nelissen.com/ Officiële website
http://www.eurosport.com/
http://www.ibvg.nl/ Stichting IBVG

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Danny_Nelissen&oldid=349062"