Lies van componiste

Van Wikipedia
Gank nao: navigatie, zeuke

Heioonder volg 'n lies vaan veurnaomelek klassieke componiste. De lies is geannoteerd: edere componis weurt veurzeen vaan summier informatie euver zien beteikenis. Componiste oet aander genres zien inkel touwgeveug wienie die bezoonder opvalle, umtot de notie vaan 'ne componis es de belaankriekste persoen vaan e meziekwerk typisch klassiek is.

Dees lies kin geinen direkten touwgaank geve tot alle klassieke meziek vaan beteikenis: veural meziek oet de middeliewe is dèks anoniem euvergelieverd. Zuug heiveur ouch Lies vaan bronne veur middeliewse meziek.


Inhawd:

A B C D E F G H I J K L M N O P Q R S T U V W X Y Z

A[bewirk | brontekst bewerken]

Componis Leve Umsjrieving Pleetsje
Michel van der Aa * 1971 Nederlandse componis, lierling vaan Louis Andriessen. Sjrijf meziek min of mie in de zin vaan de Haagse Sjaol.
Carl Friedrich Abel 1723 - 1787 Duitse gambis en componis, stiechde same mèt Johann Christian Bach in Londe de succesvol Bach-Abelkonzèrs. Carl Friedrich Abel.jpg
Pierre Abelard 1079 - 1142 Fransen theoloog, componis vaan zès planctus (klaagzeng) op Biebelse thema's.
Paul Abraham 1892 - 1960 Ábrahám Pál; Hongaars-Duitse operèttecomponis, bekind geweure veural mèt Die Blume von Hawaii (1931), e populair werk boe-in dudeleke jazz-invlood te herkinne vèlt.
Adolphe Adam 1803 - 1856 Franse componis vaan veural kemikke opera's meh ouch vaan belaank in de herleving vaan 't ballèt door zie werk Giselle. Adolphe Adam 1850 - Charles Vogt - Gallica.jpg
John Adams * 1947 Amerikaanse componis vaan wat soms post-minimalistische meziek weurt geneump; tonaol hermenieë in liechtelek vervreemdende contex. Gelt es eine vaan de groetste levende componiste. Is oonder mie bekind gewore mèt zien opera's euver contemporain oonderwerpe (wie Nixon in China) en mèt zie vioolconcert. JA-portrait-1-LW.jpg
Thomas Adès * 1971 Britse componis en pianis, greujde roond 2000 oet tot eine vaan de veurnaomste componiste vaan zien generatie.
Martin Agricola 1486 - 1556 Eigelek Martin Sore; Duitse meziekpedagoog, meziektheoreticus en componis vaan lutheraonse koraole.
Isaac Albéniz 1860 - 1909 Spaonse pianis en componis, riechde ziech nao 1890 ummer mie op Spaonse dansvörm wie de bolero en de fandango en inspireerde daomèt Debussy en Ravel. Isaac Albéniz, 1901.jpg
Domenico Alberti ca. 1710 - 1740 Italiaanse zenger, klavecinis en componis. Is es componis veural bekind vaan de Albertijnse bas, 'n techniek in de klaveermeziek boebij de linkerhand de begeleiding mèt gebroke akkaorde verzörg.
Tomaso Albinoni 1671 - 1751 Italiaanse componis vaan zoewel opera's es concerte en kamermeziek. Albinoni.jpg
Alfons de Wijze 1221 - 1284 Keuning vaan Castilië, samestèller (en oongetwieveld ouch mèt-componis) vaan e book cantigas (gezaange) veur de H. Maag. TumboAKing.jpg
Charles-Valentin Alkan 1813 - 1888 Franse pianis en componis. Ziene pianomeziek huurt tot 't lestegste wat oets veur 't instrumint is gesjreve. Alkan signature.png
Guillaume d'Amiens daartienden iew Trouvère en illustrator vaan manuscripte; sjijns naovolger vaan Adam de la Halle.
Louis Andriessen * 1939 Nederlandse componis, veurtrèkker vaan de Haagse Sjaol. Woort bekind mèt zienen eige, Stravinsky-echtege variant vaan de minimal music meh oontwikkelde ziech daonao tot 'ne väölzijege componis dee binne en boete Nederland väöl erkinning krijg, oonder mie um zien opera's. Louis Andriessen 1983.jpg
Jacques Arcadelt 1568 Franstaoleg-Vlaomse componis vaan chansons in madrigaolstijl.
Guido vaan Arezzo 991/2 - nao 1033 Theoreticus; bedinker vaan de notebalk, de solmisatie en de Hand vaan Guido; woersjijnelek ouch zelf componis vaan gezaange die zien theorieë móste illustrere. Statue of Guido of Arezzo.jpg
Moniot d'Arras 1239 Trouvère; componis vaan pastourelle Ce fut en mai.
Daniel Auber 1782 - 1871 Franse componis, pioneer vaan de grand-opéra. In ziene glorietied zier geleef in gans Europa, meh nao 1850 sterk oet de mode. Daniel FE Auber.jpg

B[bewirk | brontekst bewerken]

Componis Leve Umsjrieving Pleetsje
Milton Babbitt 1916 - 2011 Amerikaanse componis, oontwikkelde min of mie los vaan de Europese oontwikkelinge 'n eige serialisme en heel ziech ouch bezeg mèt elektronische meziek. Bleef wijers bekind door 't beröch essay Who cares if you listen?.
Carl Philipp Emanuel Bach 1714 - 1788 Duitse componis, klavecinis en pianis in jaorelangen deens vaan keuning Frederik de Groete vaan Pruses. Twiede zoon vaan Johann Sebastian Bach. In zien daog wie geinen aander geassocieerd mèt de Empfindsame stijl, de serieuze kant vaan de rococo. Carl Philipp Emanuel Bach.jpg
Johann Christian Bach 1735 - 1782 Duitse componis, nao zien werkplaots ouch de Milanese of Londese Bach geneump. Joonkste zoon vaan Johann Sebastian Bach, haafbroor vaan de veurgoonde. Typische rocococomponis, aander es zie broor ieder in de galante stijl. Stiechde in Londe mèt Carl Friedrich Abel de Bach-Abelkonzèrs, belaankriek in de oontwikkeling vaan 't commercieel konzèr. Vaan zier groeten invlood op Wolfgang Amadeus Mozart, dee häöm es keend trof. Johann Christian Bach by Thomas Gainsborough.jpg
Johann Sebastian Bach 1685 - 1750 Duitsen organis, klavecinis, violis en componis vaan de laatbarok. Lid vaan e riek geslach vaan musici (zuug veur zien zäöns heiveur en heinao). Wis de modes oet de Italiaanse meziek te verbinde mèt de contrapuntische Duitse (veural Noord-Duitse) tradities. Sjreef boetegewoen good doorwèrkde meziek in zoeget alle genres, gans in 't bezunder lutheraanse kèrkmeziek, klaveer- en örgelmeziek en kamermeziek. Ziene stijl gol op 't memint vaan zienen doed es awwerwèts, meh vaanaof de negentienden iew greujde zien reputatie weer, tot heer oetindelek bekind kaom te stoon es de groetste componis dee oets heet geleef. Bach.jpg
Wilhelm Friedemann Bach 1710 - 1784 Duitsen organis en componis, ajdste zoon vaan Johann Sebastian Bach. Leide e leve es reizende virtuoos. Ziene meziek aosemp deils nog de sfeer vaan de barok, meh is al gooddeils vaan rococo-aard. Portrèt vaan Wilhelm Friedemann Bach; othenticiteit umstreje.
Tekla Bądarzewska 1829/34 - 1861 Later Tekla Bądarzewska-Baranowska; Poolse componiste, sjreef 't piano-salonstök La prière d'une vierge. Dit werk woort de groetste blaadmeziekhit vaan de negentienden iew meh woort later veural oonderwerp vaan spot. Tekla Badarzewska.jpg
Mili Balakirev 1837 - 1910 Ми́лий Алексе́евич Бала́кирев; Russische componis, pianis en dirizjènt, opriechter vaan 't Mechteg Hemfelke en zelf componis vaan oonder mie orkes- en pianomeziek. Milij Aleksejevič Balakirev (Милий Алексеевич Бала́кирев).jpg
Adriano Banchieri 1568 - 1634 Organis, meziektheoreticus en componis oet Bologna; veural bekind um zien motètte mèt instrumintaol partije. BANCHIERI-C64 001ritratto.jpg
Carlos Baguer 1768 - 1808 Spaonsen organis en componis vaan oonder mie symfonieë in de klassieke stijl.
Samuel Barber 1910 - 1981 Amerikaanse componis vaan veural kamermeziek en orkesmeziek in laatromantische geis, meh ouch mèt invlood vaan versjèllende modernistische struiminge. Samuel Barber.jpg
Béla Bartók 1881 - 1945 Hongaarse componis vaan oonder mie orkeswerke, striekkwartètte en pianomeziek. Combineerde in zie werk d'n invlood vaan Stravinsky mèt 't idioom vaan de Hongaarse volksmeziek, deen heer zelf (mèt Kodaly) oonderzoch. Bartók Béla 1927.jpg
Philippe Basiron ca. 1449 - 1491 Componis vaan oonder mie mèsse in de geis vaan Dufay. Gilles Binchois (rechs) neve Guillaume Dufay.
Arnold Bax 1883 - 1953 Britse componis vaan vrij traditionele meziek (oonder mie symfonieë en striekkwartètte) boe-in heer romantisch en impressionistisch idioom vermingk, dèks in 'n fantasy-echtege setting. Arnold Bax, zittend, rechs, tösse versjèllende aander musici.
Amy Beach 1867 - 1944 Amerikaanse pianiste en componiste vaan meziek die rappeleert aon Brahms. Amy Beach 01.jpg
Beatriz vaan Dia twelfden iew Trobiaritz vaan rillatief volkse gezaange (cansò). Beatriz de Dia - BN MS12473.jpg
Ludwig van Beethoven 1770 - 1827 Duitse pianis en componis. Pakde de erfenis vaan Mozart en Haydn, 't Weens classicisme, op en vernuide 't sterk. Mèt zien groete vörm, groeter vrijheid in vörmsjema's en progressief hermenie dreug zienen meziek de weerdes vaan de romantiek: deep persoeneleke, unieke werke boe-in de kuns centraol steit. Heer waor vaan doorslaaggevende beteikenis veur alle componiste nao häöm en is daomèt mesjiens wel d'n invloodriekste componis oets. Beethoven.jpg
Vincenzo Bellini 1801 - 1835 Italiaanse componis vaan opera's. In zie werk wis heer 't bel canto te vertaole nao 't idioom vaan de romantiek. Daomèt waor heer vaan groeten invlood op 'n ganse generatie componiste, oonder wee de joonge Verdi. Vincenzo bellini.jpg
Georg Anton Benda 1722 - 1795 Jiří Antonín Benda; Boheemse componis, lid vaan 'n ganse femilie vaan musici, componeerde oonder mie populair melodramata. Georg Benda.jpg
William Sterndale Bennett 1816 - 1875 Britse pianis, dirizjènt en componis vaan meziek in de geis vaan Mendelssohn.
Alban Berg 1885 - 1935 Oosteriekse componis; lierling vaan Schönberg en daomèt lid vaan de Twiede Weense Sjaol. Naom de atonaliteit en 't twelftoenssysteem vaan ziene liermeister mer geleidelek aon euver en leet ummer de melodie veurgoon bove strikte touwpassing vaan de regele. Woort daomèt de populairste componis vaan atonaole meziek; veural zienen opera Wozzeck en zie vioolconcert zien nog ummer geleef. WP Alban Berg.jpg
Ludwig Berger 1777 - 1839 Duitse pianis en componis, liermeister vaan Mendelssohn. Sjreef lejer, koerwerke en pianomeziek. PhilippOttoRungeLudwigBerger1802.jpg
Luciano Berio 1925 - 2003 Italiaanse componis, lid vaan de nao-oorlogse avant-garde meh door aofwiekende technieke neet zier sterk daomèt geassocieerd. Bekind woorte veural zien Sequenze veur versjèllende solo-instruminte en zien Sinfonia, boe-in collaasjtechnieke weure gebruuk. Luciano Berio.jpg
Irving Berlin 1888 - 1989 Ізраіль Бэйлін, Wit-Russisch-Amerikaanse componis vaan songs en musicals, sterk geassocieerd mèt Tin Pan Alley. Väöl vaan zien leedsjes zien nog ummer bekind, wie I'm dreaming of a white Christmas en No business like show business. BerlinPortrait1.jpg
Hector Berlioz 1803 - 1869 Franse componis vaan koer- en orkesmeziek. Heer trok de lijn vaan Beethoven door: veur deen tied oongezeen groete orkeste, vrijheid vaan vörm en 'n sterke programmatische laojing. Um die kwaliteite neump me häöm wel ins d'n ierste gans romantische componis. Hector Berlioz Crop.jpg
Leonard Bernstein 1918 - 1990 Amerikaansen dirizjènt en componis, perbeerde es componis 'n synthese te bewèrke tösse de klassieke meziek en de amusemintsmeziek wie ieder Gershwin dat had gedoon. 't Bekindste woort zienen opera-echtege musical West Side Story, daoneve sjreef heer oonder mie twie symfonieë. Leonard Bernstein by Jack Mitchell.jpg
Franz Berwald 1796 - 1868 Zweedse componis en violis, de belaankriekste Zweedse componis vaan zienen tied, sjreef oonder mie symfonieë en kamermeziek die rappelere aon Mendelssohn. Franz Berwald Painting.jpg
Heinrich Ignaz Franz von Biber 1644 - 1704 Boheemse violis en componis vaan oonder mie de roezekranssonnate. Bekind um zien innovatieve viooltechnieke, boe-oonder scordatura (umstumming vaan de snaore) en dobbelspeul. Heinrich Biber.png
Gilles Binchois ca. 1400 - 1460 Vreug lid vaan de Nederlandse Sjole, oonder dudeleken invlood vaan Dunstable en d'n Ingelse stijl.
Hildegard von Bingen 1098 - 1179 Duitse mystica en componiste vaan Gregoriaans-echtege gezaange mèt e groet bereik en groete intervalle. Hildegard von Bingen.jpg
Georges Bizet 1838 - 1875 Franse componis vaan veural opera's. Deeg d'n opéra-comique emancipere tot 'n ambitieus en feitelek ouch vrij irnsteg werk. Ziene Carmen is allewijl de mies gegeven opera vaan allemaol. Georges bizet.jpg
Luigi Boccherini 1743 - 1805 Italiaanse cellis en componis in de klassieke stijl. Veural bekind gebleve door zien celloconcerte en aandere meziek veur 't instrumint. Luigi Boccherini.jpg
Jacopo da Bologna fl. 1340 - ca. 1386 Italiaanse componis vaan ars nova-echtege dreistummege madrigaole (trecento).
Guiraut de Bornelh ca. 1138 - 1215 Troubadour, componis vaan oonder mie Reis glorios Guiraut de Bornelh.jpg
Alexander Borodin 1833 - 1887 Алекса́ндр Порфи́рьевич Бороди́н; Russische sjemicus en componis, lid vaan 't Mechteg Hemfelke. Sjreef door zien drökke loupbaon in de wetensjap rillatief wieneg meziek, meh wat 'r sjreef weurt algemein geach tot de bèste Russische meziek oet zienen tied te hure. Borodin.jpg
Lili Boulanger 1893 - 1918 Franse componiste vaan werk wat oonder 't impressionisme vèlt te plaotse. Waor in 1913 de ierste vrouw die de Prix de Rome veur compositie won. Joonger zöster vaan Nadia Boulanger. Lili Boulanger 1.jpg
Nadia Boulanger 1887 - 1979 Franse componiste, dirizjènte en compositieliereres. Awwer zöster vaan Lili Boulanger. Vaan 't groetste belaank is neet häör eige werk meh häör groete klas vaan veural Amerikaanse compositiestudente die nao Paries kaome um in häören degeleke stijl te weure groetgebrach. Nadia Boulanger 1925.jpg
Pierre Boulez * 1925 Franse componis en dirizjènt, lierling vaan Messiaen en same mèt Stockhausen de groetste pioneer vaan 't serialisme. Componeert sinds de jaore viefteg nog mer sporadisch en heet ziech sindsdeen veural op zien dirizjeercarrièr geriech. Boulez25oct2004.jpg
William Boyce 1711 - 1779 Britse componis en keuninkleke kapelmeister. Sjreef oonder mie 'n serie vaan ach korte, rococo-echtege symfonieë. Boyce2.png
Johannes Brahms 1833 - 1897 Duitse componis in versjèllende genres, boe-oonder alle soorte kamermeziek, symfonieë, concerte, koermeziek en klaveermeziek. Es joongemaan protégé vaan Schumann. Door zienen degeleke, klassiek-echtege stijl geleef bij conservatief meziekleefhöbbers; dèks nao veure gebrach es tegehaanger vaan Wagner en Bruckner. Johannes Brahms portrait.jpg
Jehan Bretel 1272 Trouvère, meister vaan de jeu-parti.
Willem Breuker 1944 - 2010 Nederlandse saxofonis en componis. Pioneer vaan de geïmproviseerde meziek, meziek in 'n eclectisch idioom mèt jazz-echtege improvisatie. Riechde in 1974 't Willem Breuker Kollektief op. Willem Breuker 1970.jpg
Benjamin Britten 1913 - 1976 Britse componis vaan 'n euverwegend behawwend meh zier eclectisch idioom wat häöm de groetste Britse componis vaan zienen tied maakde. Zie divers werk umvat Anglicaanse koermeziek, opera's, orkesmeziek, kamermeziek en lejer. Benjamin Britten, London Records 1968 publicity photo for Wikipedia.jpg
Max Bruch 1838 - 1920 Duitsen dirizjènt en componis; allewijl weurt veural zien Ierste Vioolconcert nog gespäöld. Die Gartenlaube (1881) b 557.jpg
Anton Bruckner 1824 - 1896 Oosterieksen organis en componis. Begós op rillatief late leeftied mèt 't componere vaan ambitieus mèsse en veuroetstrevende, hoegromantische symfonieë. Ziene stijl is dèks vergeleke mèt Wagner, deen 'r hendeg bewoonderde. Anton bruckner.jpg
Antoine Busnoys 1492 Lid vaan de Twiede Nederlandse Sjaol, componis vaan ritmisch gecompleceerde meziek (veural motètte) in de geis vaan Ockeghem.
Ferruccio Busoni 1866 - 1924 Italiaanse componis en pianis, combineerde in zie werk 'n diechte contrapunctische structuur mèt 'n extreem chromatiek, al sjreef heer noets atonaol. Ferrucio Busoni.jpg
Jacques Buus ca. 1500 - 1565 Vlaomse componis en organis, liermeister vaan Willaert en eine vaan de ierste hoeggeachde componiste die instrumentaole meziek (oet)sjreef.
Dietrich Buxtehude ca. 1637 - 1707 Deens-Duitsen organis en componis vaan örgelmeziek en lutheraonse kèrkmeziek. Groetste meister vaan de Noordduitse Örgelsjaol en de groetste veurgenger vaan Bach. Buxtehude op viola da gamba. Detail oet 't sjèlderij Allegorie op de vrundsjap vaan Johannes Voorhout.
William Byrd 1543 - 1623 Väölzijegen Ingelse componis vaan zoewel kèrkmeziek (katheliek en Anglicaons) in de ars perfecta es wereldleke meziek en ouch instrumentaole meziek, dao-oonder ouch klaveermeziek. William Byrd.jpg

C[bewirk | brontekst bewerken]

Componis Leve Umsjrieving Pleetsje
Antonio de Cabezón 1510 - 1566 Spaonse, blinden organis en componis vaan oonder mie klaveermeziek.
Giulio Caccini 1551 - 1618 Italiaanse componis vaan de monodische stijl, sjreef madrigaole en opera's.
John Cage 1912 - 1992 Amerikaanse componis, eine vaan de radicaolste vernuiers vaan d'n twintegsten iew. Heer stoont 'ne focus eweg vaan 't notemateriaol nao ritmische structure veur, 'n filosofie die heer veur 1950 al oetgebreid oontwikkelde. Ouch maak heer daan al gebruuk vaan oongewoen instruminte wie de prepared piano. Daan veraandert ziene stijl radicaol, es heer de aleatoriek in ziene meziek touwliet en 't notemateriaol (binne vaan teväöre vasgestèlde bepaolinge) door 't lot liet bestumme. Haolt cultstatus mèt zie werk 4'33", boe-in d'n oetveurende gans 't stök niks te doen heet. John Cage (links) mèt Michael Bach, kort veur zienen doed.
Sethus Calvisius 1556 - 1615 Seth Kalwitz, Duitse componis vaan lutheraanse kèrkmeziek gooddeils nog in renaissancestijl. Sethus Calvisius.jpg
Christian Cannabich 1731 - 1798 Duitse violis en componis vaan orkesmeziek, lid vaan de Mannheimer Sjaol. Cannabich.jpg
Francesco Canova da Milano 1497 - 1543 Italiaanse componis vaan luitmeziek. E meugelek portrèt vaan Franscesco Canova da Milano.
Marco Cara † ca. 1525 Ouch Marchetto Cara; Italiaanse componis vaan frottole.
Cornelius Cardew 1936 - 1981 Britse componis, sjrief iers in 'n avant-garde-idioom op seriële en (later) aleatorische basis, meh bekierde ziech in zien lèste jaore op politieke grun tot 'nen tonaole, populistische stijl.
Giacomo Carissimi 1605 - 1674 Componis vaan de Romeinse Sjaol, sjreef veural cantate. Giacomo Carissimi.jpg
Johannes Carmen ind veertienden iew Franse componis vaan motètte mèt invlood vaan de Italiaonse caccia.
Elliott Carter 1908 - 2012 Amerikaanse componis, góng nao 'ne neoklassieken tied euver op 'nen atonaole, ritmisch complexe stijl. Bleef tot nao zien hoonderdste componere. Veural ziene kamermeziek weurt väöl gespäöld.
Giovanni da Cascia midde veertienden iew Italiaanse meister vaan 't trecento: polyfoon madrigaole oonder Fransen invlood.
Philipoctus de Caserta fl. 1370 - 1390 Franse componis vaan Italiaansen aofkóms; sjreef ballades in de ritmisch complexe ars subtilior
Emilio de' Cavalieri ca. 1550 - 1602 Italiaansen organis en componis vaan oonder mie intermedi (veurgengers vaan d'n opera); zelfbeneumden oetvinder vaan de monodische stijl. G. M. Milizio, Cappella de' Cavalieri a Santa Maria in Aracoeli1.jpg
Francesco Cavalli 1602 - 1676 Italiaanse componis vaan veural opera's, geïnspireerd op de late Monteverdi. Francesco Cavalli.png
Girolamo Cavazzoni ca. 1525 - nao 1577 Italiaansen organis en componis; zoon vaan de volgende en lierling vaan Willaert, belaankriek in de oontwikkeling vaan 't ricercare en de canzona.
Marco Antonio Cavazzoni ca. 1490 - ca. 1560 Italiaansen organis en componis vaan polyfonen örgelmeziek; zoon vaan de veurgoonde.
Emmanuel Chabrier 1841 - 1894 Franse componis vaan oonder mie opera's en pianomeziek, rillatief modern veur 't Fraankriek vaan zien daog. Belaankrieke inspiratiebron veur de impressionistische componiste. Emmanuel Chabrier.jpg
Luigi Cherubini 1760 - 1842 Italiaanse, in Fraankriek wèrkende componis vaan veural opera's en kèrkmeziek. Weurt algemein tot de vreugromantiek gerekend. Sterk bewoonderd door Beethoven. Luigi Cherubini3.jpg
Frédéric Chopin 1810 - 1849 Fryderyk Franciszek Chopin, Pools-Franse pianis en componis. Wiedoet 't mieste vaan zie werk is veur zien eigen instrumint en besteit oet zier romantische nocturnes, preludes, mazurka's. Oetvinder vaan de konzèr-etude ('n etude die ouch es veurdrachstök gesjik is). Frederic Chopin photo.jpeg
Johannes Ciconia ca. 1370 - 1412 Vlaomse componis vaan de late ars nova/ars subtilior zoewie vaan nao de renaissance veuroetwiezend werk.
Jacobus Clemens non Papa ca. 1510 - ca. 1556 Vlaomse of Ziewse meister vaan de Veerde Nederlandse Sjaol, componis vaan oonder mie parodiemèsse, motètte, chansons en de psalmberijming Souterliedekens.
Muzio Clementi 1752 - 1832 Italiaanse, in 't Vereineg Keuninkriek wèrkzame pianis en componis in de klassieke stijl. Väöl vaan zien werke (zoegeneumde sonatines) weure ouch noe nog veur didactische doele gebruuk; waor evels ouch vaan invlood op Beethoven. Muzio Clementi.jpeg
Jacques Colebault 1483 - 1595 Ouch Jaques vaan Mantua, Franse componis vaan kèrkmeziek. Sjreef neve mèsse en motètte ouch sumpeler hymnes, mie in de geis vaan 't Concilie vaan Trente.
Samuel Coleridge-Taylor 1875 - 1912 Britse, zwarte componis vaan romantische meziek in versjèllende genres. Zien cantaat Hiawatha waor bij leve zie bekindste werk. Samuel Coleridge-Taylor.jpg
Loyset Compère 1518 Noord-Franse meister van de Daarde Nederlandse Sjaol, lierling vaan Gaspar van Weerbeke, componis vaan rillatief löchteg, geïtalianiseerde motètte en chansons.
Aaron Copland 1900 - 1990 Amerikaanse componis, studeerde wie väöl vaan zien landgenoete bij Nadia Boulanger en woort dao in de neoklassieke sjaol groetgebrach. Later woort ziene stijl moderner, wie heer ziech veur 't twelftoenssysteem góng intrèssere. Aaron Copland 1970.JPG
Arcangelo Corelli 1653 - 1713 Italiaanse violis en componis vaan d'n hoegbarok, ierste meister vaan 't concerto grosso en oontwikkeleer vaan de tonaliteit wie de westerse meziek ze kint. Arcangelo corelli.jpg
John Corigliano * 1938 Amerikaanse componis vaan oonder mie orkesmeziek in tonaole stijl. Sjreef de filmmeziek bij The Red Violin, dee heer later umwèrkde tot e vioolconcert.
Peter Cornelius 1824 - 1874 Duitse componis en diechter, Wagneriaon en oteur vaan inkel opera's. Peter cornelius.jpg
William Cornysh 1523 Ingelse meister vaan polyfone kèrkmeziek mèt zier lang en ritmisch gecompleceerde melismata.
Francesco Corteccia 1502 - 1571 Florentijnse componis vaan zoewel kèrkmeziek es intermedi.
Henry Cowell 1897 - 1965 Amerikaanse componis en pianis. Waor 'ne pioneer mèt 't gebruuk vaan oonorthodoxe pianotechnieke wie clusters en tokkele.
Johann Baptist Cramer 1771 - 1858 Duits-Britse pianis en componis vaan vreugromantische pianomeziek.
Petrus de Cruce ind daartienden iew Obscure (Pierre de la Croix?) meh invloodrieke meister en theoreticus vaan 't klassiek motèt.
François Couperin 1668 - 1733 Franse componis, organis en klavecinis, bijgeneump Le Grand. Vereinegde Franse en Italiaansen invlood in veur häöm typische suites. Neefke (noonk-zègker) vaan de volgende. Francois Couperin 2.jpg
Louis Couperin ca. 1626 - 1661 Franse componis en instrumintalis, vernuide oonder invlood vaan Froberger de Franse klaveermeziek sterk. Noonk vaan de veurege, dee väöl ouch vaan häöm euvernaom.
César Cui 1835 - 1918 Це́зарь Анто́нович Кюи́; Frans-Litouwse componis en militairen inzjenieur, lid vaan 't Mechteg Hemfelke meh sjreef zelf euver 't algemein in 'ne westerse stijl. Cesar cui.jpg
Carl Czerny 1791 - 1857 Boheems-Oosteriekse pianis, lierling vaan Beethoven, sjreef 'n enorm opus aon didactische pianowerke bijein meh componeerde ouch in aander genres. Czerny 2.jpg

D[bewirk | brontekst bewerken]

Componis Leve Umsjrieving Pleetsje
Arnaut Daniel fl. 1180 - 1200 Ridder-troubadour, taolvirtuoze meister vaan de trobar clus. Arnaut Daniel - BN MS fr 12473.jpg
Aleksander Dargomyzjki 1813 - 1869 Александр Сергеевич Даргомыжский; Russische componis vaan nationalistisch getinte meziek, boe-oonder opera's. Alexander Dargomyzhsky.jpg
Claude Debussy 1862 - 1918 Franse componis, vaajer vaan de stijl die me impressionisme is goon neume. Sjreef 'nen opera, orkesmeziek, kamermeziek en klaveermeziek, boemèt heer 'n revolutie op geng brach in 't conservatief Frans meziekleve. Claude Debussy ca 1908, foto av Félix Nadar.jpg
Léo Delibes 1836 - 1891 Franse componis vaan oonder mie opera's en ballètte. Leo Delibes 1888 BNF Gallica.jpg
Josquin Desprez 1521 Ouch wel gewoen Josquin. Groetste meister vaan de Daarde Nederlandse Sjaol en eine vaan de groetste componiste vaan de renaissance. Heer componeerde in alle groete genres die 't toen gaof. Euver 't algemein versóppelt heer de streng canonische werke vaan ziene veurgenger Ockeghem. 't Motèt weurt bij (en daankzij) häöm belaankrieker es liturgisch genre. DESPREZ.jpg
Anton Diabelli 1781 - 1858 Oosteriekse meziekoetgever en componis. Sjreef oonder mie sonatines die noe nog wel veur didactische doele weure gespäöld; daoneve componeerde heer 't welske boe-euver Beethoven zien 33 Diabelli-variaties sjreef. Anton Diabelli.jpg
Alphons Diepenbrock 1862 - 1921 Nederlandse componis vaan bekaans exclusief vocaole meziek, dèks mèt koer, in laatromantische stijl. Waor bevrund mèt Mahler, deen heer zeker heet beïnvleujd. Alphons Diepenbrock.jpg
Carl Ditters von Dittersdorf 1739 - 1799 Oosteriekse violis en componis in versjèllende genres, boe-oonder symfonieë en Singspiele. Gerekend tot 't Weens classicisme. Carl Ditters von Dittersdorf - Heinrich Eduard Wintter.jpg
Theodor Döhler 1814 - 1856 Duitse, in Italië woenende pianovirtuoos en componis, sjreef veural composities die zien eige talent móste tuine. Theodor Döhler.jpg
Gaetano Donizetti 1797 - 1848 Italiaanse componis vaan opera's. Wie ziene generatiegenoet Bellini ligk zien veurnaomst verdeenste in 't oontwikkele vaan 'n eigetiedse (romantische) versie vaan de aw opera seria. Gaetano Donizetti (portrait by Giuseppe Rillosi).jpg
John Dowland 1563 - 1626 Ingelse componis vaan lejer mèt luitbegleiding die in zienen tied hendeg populair waore.
Benedictus Ducis ca. 1492 - 1544 Zuid-Duitse componis vaan vreuge protestantse kèrkmeziek.
Guillaume Dufay ca. 1397 - 1474 Franse componis, zier belaankriek in d'n euvergaank vaan middeliewse meziek nao renaissancemeziek. Vaan invlood zien zien mèsse meh veural de fauxbourdontechniek oet zien chansons. Guillaume Dufay (links) mèt Gilles Binchois.
Paul Dukas 1865 - 1935 Franse componis vaan mer e hemfelke werke in impressionistische geis. Veural 't symfonisch scherzo L'apprenti sorcier heel rippertoir. Paul Dukas 01.jpg
Tan Dun * 1957 Chinese componis dee zie werk drejt um de confrontatie tösse Oosterse en Westerse meziek. Raakde in 1996 internationaol bekind mèt zienen opera Marco Polo. Tan Dun.JPG
John Dunstable ca. 1390 - 1453 Ingelse componis in de typerende stijl vaan zie land (mèt väöl tertse en sexte), wèrkzaam in Fraankriek en dao zier invloodriek op de ierste generatie echte renaissancecomponiste.
Marcel Dupré 1886 - 1971 Fransen organis, pianis en componis, in 't bezunder vaan gemaoteg modern örgelwerk. Dupre.jpg
Maurice Duruflé 1902 - 1986 Fransen organis en componis vaan rillatief conservatief werk, in 't bezunder bekind gebleve door zie requiem oet 1947. Durufle.gif
Jan Ladislav Dusík 1760 - 1812 Johann Ludwig Dussek, Boheemse pianis en componis vaan klassieke en vreugromantische klaveermeziek. Dussek.jpg
Henri Dutilleux 1916 - 2013 Franse componis vaan rillatief conservatieve, ecletische meziek. Dutilleux 2008 cardiff.JPG
Antonín Dvořák 1841 - 1904 Boheemse componis vaan oonder mie symfonieë en kamermeziek. Combineerde de romantiek succesvol mèt eleminte oet de Boheemse volksmeziek en, in later werk, soms ouch mèt Afro-Amerikaanse meziek. Dvorak1.jpg

E[bewirk | brontekst bewerken]

Componis Leve Umsjrieving Pleetsje
Edward Elgar 1857 - 1934 Britse componis vaan veural orkesmeziek in romantischen trant. De groetsten Ingelse componis sinds Purcell. Edward Elgar.jpg
Duke Ellington 1899 - 1974 Amerikaanse jazzpianis, bandleader en componis. Belaankriekste figuur oet 't swingtiedperk, en deeginnege dee 't mies oetgesproke gebruuk maakde vaan klassieke veurbeelder. Duke Ellington - publicity.JPG
George Enescu 1881 - 1955 Roemeense, in Fraankriek wèrkende componis, pianis en violis (dao bekind es Georges Énesco). Zien orkeswerke zien nog oetgesproke romantisch, ziene kamermeziek is get moderner, meh neet väöl.
Ferenc Erkel 1810 - 1893 Erkel Ferenc, Franz Erkel; Hongaarse pianis, dirizjènt en componis vaan oonder mie opera's boe-in heer es eine vaan de ierste eleminte oet de Hongaarse volksmeziek verwèrkde. Erkel Ferenc Györgyi Alajos.jpg

F[bewirk | brontekst bewerken]

Componis Leve Umsjrieving Pleetsje
Manuel de Falla 1876 - 1946 Spaonse componis; hanteerde 'n neoklassieke stijl boe-in heer väöl eleminte oet de Spaonse volksmeziek verwèrkde. ManuelDeFalla.JPG
Michel Fano * 1929 Franse componis oet de sjaol vaan Messiaen, mesjiens de sjriever vaan de allerierste serieel compositie. Later ouch filmcomponis, väölal mèt elektronische middele.
Gabriel Fauré 1845 - 1924 Fransen organis, pianis en componis vaan romantisch werk wat veuroetwijs nao 't neoclassicisme. Bekind vaan oonder mie ziene pianomeziek en zie Requiem. Fauré-by-Eugéne-Pirou.jpg
Morton Feldman 1926 - 1987 Amerikaanse componis, wie John Cage geassocieerd mèt de aleatoriek. De werke oet zien lèste tien jaor (beveurbeeld 't twiede striekkwartèt) dore dèks extreem laank. Morton Feldman 1976.jpg
Brian Ferneyhough * 1943 Britse componis vaan complexe, op de nao-oorlogsen avant-garde trökgriepende meziek mèt hiel väöl oongewoen maotverdeilinge.
Luc Ferrari 1929 - 2005 Fransen avant-gardecomponis in diverse genres, veural bekind gewore door zie musique concrètestök Presque rien. Luc Ferrari Composer of France.jpg
Antoine de Févin ca. 1470 - 1512 Fransen edelmaan, naovolger vaan Josquin en sjijn d'n oetvinder vaan de parodiemès.
John Field 1782 - 1837 Ierse pianis en componis, sjreef veural klaveerconcerte en nocturnes, e genre wat heer zelf oontwikkelde en boe-in Chopin häöm later zouw naovolge. John field.jpg
Gherardello da Firenze 1363 Italiaanse componis (trecento) vaan ballate en caccie.
Julian Fontana 1810 - 1869 Poolse pianis en componis, mèt-lierling, generatiegenoet en geisverwant vaan Chopin.
César Franck 1822 - 1890 Nederlands/Belsj/Fransen organis, pianis en componis. De veurnaomste componis vaan örgelmeziek oet de romantiek; sjreef daoneve ouch pianomeziek, kamermeziek en orkesmeziek (boe-oonder 'n symfonie). César Franck by Pierre Petit.jpg
Robert Franz 1815 - 1892 Duitse componis vaan oonder mie lejer die veur hunnen tied zier modern waore. Verzörgde ouch 'gemoderniseerde' edities vaan 't werk vaan Bach en Händel. Robert Franz.jpg
Girolamo Frescobaldi 1583 - 1643 Italiaansen organis en klavecinis, neve Sweelinck eine vaan de veurnaomste meister vaan de vreugbarokke klaveermeziek. Frescobaldi.jpg
Johann Jakob Froberger 1616 - 1667 Duitse, in Fraankriek wèrkende klavecinis, organis en componis vaan oonder mie partite/suites, welk genre heer in Fraankriek populair maakde.
Walter Frye †1474? Rillatief conservatieve componis vaan typisch Ingelse polyfone meziek in de geis vaan Power en Dunstable.
Johann Joseph Fux 1660 - 1741 Oosteriekse componis en meziektheoreticus, sjreef opera's, kèrkmeziek en instrumentaole meziek meh bleef veural vaan belaank door zie contrapuntlierbook Gradus ad Parnassum. Johann Joseph Fux1.jpg

G[bewirk | brontekst bewerken]

Componis Leve Umsjrieving Pleetsje
Andrea Gabrieli ca. 1532 - 1585 Italiaanse componis, noonk vaan de volgende. Wèrkzaom aon de San Marco in Venetië. Pioneer vaan de mierkoeregheid in zien gruuts opgezatte mèsse die d'n inzèt vaan meziekinstruminte implicere; 'n oontwikkeling typerend veur de contrarifformatie. Agabrieli.jpg
Giovanni Gabrieli ca. 1553 - 1612 Italiaanse componis, neef vaan de veurgoonde en op dezelfde plaots wèrkzaam. Zien motètte zien wie de noonk zien mèsse mierkoereg en vraoge es ierste werke um specifieke instruminte; Gabrieli jr. is daomèt d'n ierste componis dee 'n orkes veursjrijf.
Niels Gade 1817 - 1890 Deense componis en dirizjènt, domineerde 't meziekleve in zie land. Niels Gade Litho.jpg
Marco da Gagliano 1582 - 1643 Italiaanse componis vaan madrigaole en opera's. Marco da Gagliano (ritratto) bis.jpg
Vincenzo Galilei ca. 1530 - 1591 Italiaanse luitis, sjriever vaan polemische stökker boe-in heer ageerde tege de polyfonie. Pa vaan d'n astronoom Galileo Galilei.
Jacobus Gallus 1550 - 1591 Eigelek Jacob Handl, Duits-Sloveense componis vaan mystieke kèrkmeziek boe-in heer technieke vaan de madrigaliste touwpasde. Jakobus Händl Gallus dictus Carniolus 1590.png
Baldassare Galuppi 1706 - 1785 Italiaanse componis in de rococostijl, veural bekind gewore door opere buffe zoewie door zien innovatief klaveersonnate. Baldassare Galuppi, Venetian School of the 1750s.jpg
Joseph Gelinek 1758 - 1825 Joseph Jelínek; Boheems-Oosteriekse pianis en componis in vreugromantische stijl. Josef Gelinek after Louis René Letronne.jpg
George Gershwin 1898 - 1937 Amerikaanse componis en pianis. Waor mèt Irving Berlin de groetste sjriever vaan songs en musicals vaan Tin Pan Alley, meh sjreef ouch serieus werk (orkesmeziek en pianomeziek) boe-in heer de romantische traditie perbeerde te verminge mèt idioom oet de jazzmeziek zoewie aander componiste dat mèt volksmeziek hadde gedoon. George Gershwin 1937.jpg
Carlo Gesualdo 1560 - 1613 Prins vaan Venosa en componis vaan soms extreem chromatische madrigaole. Gesualdo3.jpg
Johannes Ghiselin fl. 1491 - 1507 Noord-Franse componis, lid vaan de Daarde Nederlandse Sjaol.
Girolamo Giacobbi 1569 - 1629 Italiaanse componis vaan kèrkmeziek en opera's.
Alberto Ginastera 1916 - 1983 Argentijnse componis, oonder mie vaan orkesmeziek. Sjreef iers in 'n nationalistische stijl geveujd door d'n Argentijnse folklore, meh kaom nao d'n oorlog tot 't zoegeneump neo-expressionisme, boebij heer inspiratie haolde bij oonder mie Schönberg. Ginastera.jpg
Philip Glass * 1937 Amerikaanse componis, neve Reich de bekindste figuur vaan de minimal music. Riechde ziech mier es Reich op groeter vörm wie d'n opera (beveurbeeld Einstein on the Beach). Góng ind jaore 1980 euver op 'ne minder minimaole stijl, dee soms es neoromantisch weurt umsjreve. Sjrijf neve opera's ouch symfonieë, concerte en striekkwartètte. Philip Glass 018.jpg
Michail Ivanovitsj Glinka 1804 - 1857 Михаи́л Ива́нович Гли́нка; Russische componis vaan oonder mie opera's, eine vaan de ierste musici vaan beteikenis oet zie land en vaan zier groeten invlood op de generaties nao häöm. Michael Glinka.jpg
Christoph Willibald von Gluck 1714 - 1787 Duitse componis vaan opera's, wèrkzaam in Paries. Brach 'n gemoderniseerde, klassieke versie vaan de irnstegen opera en waor daomèt de tegespeuler vaan Niccolò Piccini. Christoph Willibald Ritter von Gluck.jpg
Sofija Goebajdoelina 1931 In 't Russisch Софи́я Асгатовна Губайду́лина, in 't Tataars Sofia Äsğät qızı Ğöbäydullina; Russische componiste vaan euverwegend atonaole meziek mèt bekaans ummer 'nen apert christeleken inspiratiebron. Sofia Gubaidulina July1981 Sortavala ©DSmirnov.jpg
Karel Goeyvaerts 1923 - 1993 Belzje componis. Es pioneer in 't serialisme en d'n elektronische meziek waor heer vaan groeten invlood op veural Stockhausen, allewel tot me ziene meziek zelf neet väöl mie huurt.
Nicolaes Gombert ca. 1495 - ca. 1560 Vlaomse componis, lid vaan de Veerde Nederlandse Sjaol, sjreef veural motètte mèt streng imitatie en väöl dissonante.
Henryk Górecki 1933 - 2010 Poolse componis. Begós te componere in e sterk modernistisch idioom, meh góng vaanaof de jaore 1970 euver op e christelek geïnspireerd minimalisme. Zien Symfonie vaan klaaglejer woort in de jaore 1990 hendeg populair, ouch in 't weste. Henryk Mikołaj Górecki Polish composer.jpg
François-Joseph Gossec 1734 - 1829 Franse componis vaan opera's, koerwerke, symfonieë en striekkwartètte in de klassieke stijl; geassocieerd mèt de Franse Revolutie en Napoleon. Gossec-portrait.jpg
Claude Goudimel ca. 1514 - 1572 Franse componis vaan chansons, zoewie harmonisator vaan 't Geneefs psalter. Claude Goudimel.jpg
Charles Gounod 1818 - 1893 Franse componis vaan veural vocaol werk. Zien beteikenis ligk bij d'n opera, allewel tot heer neet de beteikenis vaan ziene generatiegenoet Bizet heet kinne hole. Charles Gounod.jpg
Enrique Granados 1867 - 1916 Spaonse componis vaan folkloristisch getinte pianomeziek en lejer. Granados.jpg
Edvard Grieg 1843 - 1907 Noorse pianis en componis vaan oonder mie klaveermeziek en koerwerke. In ziene meziek weurt de romantiek verriek mèt invlood oet de Noorse volksmeziek. In zie later werk weure de hermenieë dissonanter, zoetot ziene meziek al de modernistische kant op geit. Edvard Grieg (1888) by Elliot and Fry - 02.jpg
Guymont ind veertienden iew? Oonbekinde meister vaan e modern Kyrie oet 't Apt-manuscrip (geassocieerd mèt Avignon en de tegepause).

H[bewirk | brontekst bewerken]

Componis Leve Umsjrieving Pleetsje
Alois Hába 1893 - 1973 Tsjechische componis vaan meziek in diverse genres, oonder mie kamermeziek. Hanteerde es eine vaan de ierste microtoene, veural kwarttoene. Oondaanks dees beteikenisvol vernuiing weurt zienen meziek allewijl koelek nog gespäöld. Hába.JPG
Jacques-Fromental Halévy 1799 - 1862 Franse componis vaan veural opera's in de stijl vaan de grand-opéra. Fromental Halevy by Etienne Carjat-crop.jpg
Adam de la Halle † ca. 1307 Belaankriekste vaan de trouvères (en eine vaan de lèste), actief in versjèllende vaste veersvörm. Adam de la halle.jpg
Georg Friedrich Händel 1685 - 1759 Duitse componis en organis, in Italië bekind es Giorgio Federico Hendel, in 't Vereineg Keuninkriek es George Frideric Handel. Woort 't bekindste mèt opere serie en Ingelstaolege oratoria, meh sjreef ouch orkessuites, concerte (boe-oonder de vrij unieke concerte veur örgel en orkes), klaveersuites en nog aander werk. Woort in zienen tied es de groetste levende componis gezeen. Georg Friedrich Händel.jpg
Lou Harrison 1917 - 2003 Amerikaanse componis, zoch zien inspriratie väöl in de neet-westerse meziek en wèrkde naovenant mèt rein stumminge en microtoene.
Karl Amadeus Hartmann 1905 - 1963 Componis vaan oonder mie cantates, symfonieë en striekkwartètte in e gemaoteg modern, expressionistisch idioom. Góng in 't Daarde Riek in innerleke emigratie, meh publiceerde zie werk nao d'n oorlog mèt väöl succes. Ruhmeshalle Muenchen Karl Amadeus Hartmann Komponist-1.jpg
Johann Adolph Hasse 1699 - 1783 Duitse componis vaan opera's in Italiaanse stijl, in laatbarok mèt de ierste kinmerke vaan 't rococo/vreugklassiek al in ziech. Wèrkde väöl same mèt meisterlibrettis Pietro Metastasio. Waor op zie huugdepunt oongekind populair in groete deile vaan Europa, meh waor nao zienen doed gaw vergete. Johann Adolf Hasse.jpg
Josef Matthias Hauer 1883 - 1959 Oosteriekse componis en theoreticus. Nump de atonaliteit, later de twelftoensmeziek, euver vaan Schönberg en weurt daorum wel ins tot de Twiede Weense Sjaol gerekend. Heer behandelt deze techniek ummer mie wiskundeg en ummer minder creatief, tot heer oetindelek vaan Zwölftonsspiel (en neet 'compositie') geit spreke.
Joseph Haydn 1732 - 1809 Oosteriekse componis, jaorelaank in deens vaan de Hongaarse femilie Esterházy. Sjreef veur de voors werke in alle genres die 't toen gaof. Waor oondaanks of zjus daankzij zien isolatie de sleutelmaan in de ganse oontwikkeling vaan de klassieke meziekstijl, vaan de naodaog vaan de barok tot aon 't begin vaan de romantiek. Maakde vaan de symfonie en 't striekkwartèt, in 1750 nog compleet oonbeteikenend, de mies prestigieus meziekgenres. Had invlood op alle componiste oet zienen tied, neet in 't minste oet Mozart en Beethoven. Op 't ind vaan zie leve blees heer 't oratorium nui leve in. Joseph Haydn.jpg
Michael Haydn 1737 - 1806 Oosteriekse componis vaan oonder mie opera's en symfonieë, broor vaan de veurege. Michaelhaydn1.jpg
Wim Hendrickx * 1962 Belzje componis vaan eclectische meziek in versjèllende genres. Docent aon 't Amsterdams conservatorium.
Roy Henry 1367 - 1413?
1386 - 1422?
Keuning Hendrik IV of Hendrik V vaan Ingeland, aon wee twie liturgische zèttinge, deils in Ingelse stijl (mèt frequinte tertse en sexte) weure touwgesjreve. Hendrik V, eine vaan de twie meugeleke bedoelde Roys Henry.
Fanny Hensel 1805 - 1847 Gebore Mendelssohn; Duitse pianiste en componiste, veural solowerk veur häör instrument. Zöster vaan Felix Mendelssohn. Fanny Hensel 1842.jpg
Hans Werner Henze 1926 - 2012 Duitse componis vaan oonder mie tien symfonieë in e gemaoteg modern, eclectisch idioom. Väöl vaan zie werk is geteikend door zie links engagemint. Bundesarchiv B 145 Bild-F008277-0008, Köln, Schloss Brühl, Meisterkurse Musik.jpg
Paul Hindemith 1895 - 1963 Duitse componis en altviolis. Componeerde in 'n neoklassieke stijl. In vergelieking mèt de Franse neoklassieke is zie werk agressiever. Zien meziekfilosofie is antiromantisch, neet allein in esthetiek meh ouch in zien idee euver de beteikenis vaan de meziek: heer propageert Gebrauchsmusik, d.w.z. meziek die veur de gelegenheid weurt gesjreve. Paul Hindemith 1923.jpg
E.T.A. Hoffmann 1776 - 1822 Duitse sjriever, componis en criticus. Allewel tot zie muzikaol werk (oonder mie de vertèlselkesopera Undine) neet tot de wereldtop huurt, waor heer door zien zier sterke associatie mèt de romantiek vaan wezelek belaank in de oontwikkeling vaan 't dinke euver meziek. ETA-Hoffmann.JPG
Leopold Hofmann 1738 - 1793 Oosteriekse rocococomponis, sjreef veural väöl concerte veur oetereinloupende solo-instruminte. Leopold Hofmann (composer).jpg
Gustav Holst 1874 - 1934 Britse componis vaan werke in diverse genres. Allewijl 't bekindste um zien orkeswerk The Planets, boe-in laatromantische, impressionistische en expressionistische invlode te hure zien. Gustav Holst.jpg
Simeon ten Holt 1923 - 2012 Nederlandse componis. Begós in 'ne neoklassieke, gemaoteg modernistische stijl, die heer in de jaore 1960 verruilde veur e radicaol modernisme. Vaanaof ind jaore 1970 góng heer weer tonaol componere, in 'n eige versie vaan de minimal music. Zie Canto ostinato zouw hendeg populair weure.
Arthur Honegger 1892 - 1955 Zwitsers-Franse componis vaan neoklassiek werk, lid vaan Les Six. Arthur Honegger (timbre RFA).jpg
Johann Nepomuk Hummel 1778 - 1837 Oosteriekse pianis en componis vaan oonder mie klaveerconcerte in de vreugromantiek. Johann Nepomuk Hummel.jpg
Engelbert Humperdinck 1854 - 1921 Duitse componis, veural bekind gebleve door zienen opera Hänsel und Gretel. Humperdinck Postcard-1910.jpg

I[bewirk | brontekst bewerken]

Componis Leve Umsjrieving Pleetsje
Sigismondo d'India ca. 1582 - 1629 Italiaanse componis vaan zoewel polyfoon es monodische werke.
Vincent d'Indy 1851 - 1931 Franse componis vaan opera's in de Franse traditie (opéra lyrique), meh mèt zekeren invlood vaan Wagner. Vincent d'Indy.jpg
Heinrich Isaac ca. 1450 - 1517 Oersprunkelek Vlaomse, in Duitsland en Italië wèrkende componis vaan talloes kèrkeleke en wereldleke werke.
Charles Ives 1874 - 1954 Amerikaanse verzekereer en amateurcomponis vaan progressief, meh veural excentriek werk, boe-in heer de meziek vaan zien jäög koppelt aon technieke wie atonaliteit, polytonaliteit, polyritmiek, clusters, kwarttoene etc. De mieste vaan zien werke bleve bij zie leve oonoetgeveurd. CharlesEdwardIves1913.jpg

J[bewirk | brontekst bewerken]

Componis Leve Umsjrieving Pleetsje
Leoš Janáček 1854 - 1928 Tsjechische componis, hanteerde in zienen instrumentaole meziek nog 'ne romantische stijl meh experimenteerde in zien opera's mèt natuurleke, op gesproke taol geènte zaanklijne die heer in 'ne moderne componeertrant verwèrkde. Janáček mèt zien vrouw Zdenka.
Clément Janequin ca. 1485 - 1558 Franse preester en componis vaan populair, onomatopeïsche chansons.
Guus Janssen * 1951 Nederlandse componis vaan posmoderne meziek boe stijlcitaote in 'n statische, quasi-tonaol umgeving zien ingebèd.
Joseph Joachim 1831 - 1907 Duitse violis, dirizjènt en componis, componeerde veural virtuoze vioolmeziek veur eige gebruuk. Joseph Joachim.jpg
Niccolò Jommelli 1714 - 1774 Italiaanse componis vaan rococo-opera's en geisteleke meziek. Niccolò Jommelli.jpg
Scott Joplin 1867/8? - 1917 Amerikaanse componis en pianis vaan ragtimes, woort de Keuning vaan de rag geneump. Zie werk umvat neve ragtimes veur piano ouch 'nen opera in Afro-Amerikaans idioom, Treemonisha. Scott Joplin 19072.jpg

K[bewirk | brontekst bewerken]

Componis Leve Umsjrieving Pleetsje
Mauricio Kagel 1931 - 2008 Argentijns-Duitse componis, groetgebrach in de Sjaol vaan Darmstadt. Componeerde in diverse genres en stijle; verbindend elemint in zie werk is 't theatraolt: ouch bij concertante werke sjrijf 'r ziechbaar acties veur. Mauricio Kagel (1985).jpg
Emmerich Kálmán 1882 - 1953 Imre Koppstein, Kálmán Imre, Hongaarse componis vaan operètte wie Die Czardasfürstin. Mèt Lehár geassocieerd mèt 't Zèlvere Tiedperk vaan de operèt. Kalman Imre.jpg
Wilhelm Kienzl 1857 - 1941 Oosteriekse componis, sjreef in diverse genres meh had 't mieste succes mèt zien opera's. Wilhelm Kienzl.JPG
Hikari Kiyama * 1983 Japanse componis vaan astrante meziek mèt jazz- en rockinvlood, dèks geïnspireerd op de Japanse cultuur.
Bernhard Klein 1793 - 1832 Duitse componis vaan rillatief conservatief werk in diverse genres, oonder mie vaan lejer. Bernhard Josef Klein.jpg
Zoltán Kodály 1882 - 1967 Kodály Zoltán, Hongaarse componis en etnomusicoloog. Zoch mèt Bartók 't land aof nao volksmeziek en verwèrkde die ouch in ziene meziek; ziene stijl is evels traditioneler es dee vaan ziene collega. Kodály Zoltán Pécs.JPG
Erich Wolfgang Korngold 1897 - 1957 Oosterieks-Amerikaanse componis, sjreef aonvenkelek werke in laatromantische stijl meh woort nao zien migratie nao de VS pioneer in de filmmeziek. Erich Wolfgang Korngold 01.jpg
Anna Korsoen * 1986 Анна Корсун, Oekraïens componiste vaan meziek mèt 'ne sterke theatraole componint en dèks e lieg volume.
Joseph Martin Kraus 1756 - 1792 Duits-Zweedse componis vaan oonder mie symfonieë, vaan vitaol belaank veur de meziekcultuur in zie twiede vaajerland. Kraus es student in Erfurt.
Johann Ludwig Krebs 1713 - 1780 Duitse componis en organis, lierling vaan Bach. Oondaanks invlood vaan d'n empfindsame stijl aoseme zien werke veural de stijl vaan ziene meister; ze gelle daorum es awwerwèts veur hunnen tied.
Franz Krommer 1759 - 1831 Eigelek František Vincenc Kramář; Boheemse violis en componis, veural vaan vioolconcerte en kamermeziek veur zien instrumint. Frantisek Krommer 1871 Maixner.jpg
Friedrich Kuhlau 1786 - 1832 Duits-Deense componis, veural nog bekind um ziene klaveermeziek (sonatines) meh ouch d'n oteur vaan d'n opera Lulu. Friedrich Kuhlau.gif
Johann Kuhnau 1660 - 1722 Duitse componis en sjriever, componeerde oonder mie zien Biebelse sonnate. Johann Kuhnau.png
Karol Kurpiński 1785 - 1857 Poolse componis en dirizjènt, componeerde kemikke opera's mèt Poolsen invlood. POL Karol Kurpiński.jpg
György Kurtág * 1926 Hongaarse componis vaan modernistische meziek mèt versjèllende invlode. Kurtag academy.JPG

L[bewirk | brontekst bewerken]

Componis Leve Umsjrieving Pleetsje
Helmut Lachenmann * 1935 Duitse componis vaan modernistische meziek in d'n trant vaan Luigi Nono.
Francesco Landini 1325 - 1397 Blinden organis en componis in 'Franse' stijl; groetste meister vaan 't trecento. Landini.jpg
Vanessa Lann * 1968 Amerikaans-Nederlandse componiste vaan tonaole meziek in versjèllende genres.
Joseph Lanner 1801 - 1843 Oosteriekse componis en violis, neve Johann Strauss sr. de groondlègker vaan de Weense wals. Joseph Lanner by Philipp Steidler.jpg
Orlando di Lasso 1532 - 1594 Ouch Orlandus Lassus of Orlande de Lassus. Henegouwse, in Italië wèrkende componis vaan oonder mie de sterk chromatische Prophetiae Sibyllarum. Orlando di Lasso.png
Ton de Leeuw 1926 - 1996 Nederlandse componis, aonvenkelek neoklassiek meh nao lesse bij Messiaen en bezeuke aon Darmstadt 'nen euvertuigden avantgardis, dee in zie werk perbeerde 't serialisme te verbinde mèt de oosterse meziek.
Louis James Alfred Lefébure-Wély 1817 - 1869 Fransen organis en componis vaan salonechtege stökker. 100px
Franz Lehár 1870 - 1948 Lehár Ferenc, Hongaars-Oosteriekse componis vaan operètte. Gelt es de belaankriekste meister in 't genre nao d'n doed vaan Johann Strauss jr. en weurt daomèt geassocieerd mèt 't zèlvere tiedperk vaan de operèt' . Bain News Service - Franz Lehár.jpg
John Lennon 1940 - 1980 Britse songsjriever, gitaris en zenger. Lid vaan de Beatles, tenao solo. Waor mèt Paul McCartney de drievende krach achter de Beatles en woort daomèt eine vaan de mies invloodrieke songsjrievers vaan de gansen iew. JohnLennonpeace.jpg
Ruggiero Leoncavallo 1858 - 1919 Italiaanse componis vaan opera's, bekind gebleve door I Pagliacci. Naovolger vaan Mascagni en wie dee sterk geassocieerd mèt 't verisme. Leonkavallo Postcard-1910.jpg
Leoninus † ca. 1201? Meister vaan 't mierstummeg organum aon de Nôtre Dame, entans volgens Anonymus IV.
György Ligeti 1923 - 2006 Hongaarse componis. Heer oondersjeide ziech vaan aander leie vaan de nao-oorlogsen avant-garde door zien geriechheid op versjuivende clusters en klaankvelder, die heer mèt micropolyfonie tot stand brach. György Ligeti (1984).jpg
Paul Lincke 1866 - 1946 Duitse componis, groondlègker vaan de Berliense operèt (oonder mie Frau Luna oet 1899). Paul Lincke (timbre allemand).jpg
Magnus Lindberg * 1958 Finse pianis en componis vaan sterk modernistisch werk mèt invlode wie serialisme en clusters, meh ouch computergesjikde compositie. Magnus Lindberg 3811.jpg
Karol Lipiński 1790 - 1861 Poolse violis en componis, beïnvlood door Paganini. Karol Lipiński.PNG
Franz Liszt 1811 - 1888 Liszt Ferenc(z); Hongaarse pianis en componis, algemein gezeen es eine vaan de groetste pianovirtuoze oets. Sjreef 'n umvaankriek corpus aon pianowerke bijein meh sjreef ouch symfonieë, concerte en kèrkmeziek. Väöl vaan zien werke kinne invlood oet de Zigeundermeziek. Liszt 1858.jpg
Theo Loevendie * 1930 Nederlandse componis vaan posmoderne meziek mèt jazzinvlood. Theo Loevendie (links) mèt Lodewijk de Boer
Carl Loewe 1796 - 1869 Duitse componis vaan typisch romantische lejer. Carl Loewe.jpg
Antoine de Longueval fl. 1498 - 1525 Franse zanger en componis; aon häöm weurt 'n polyfoon passie touwgesjreve.
Albert Lortzing 1801 - 1851 Duitse componis vaan kemikke opera's, veural bekind vaan Zar und Zimmermann. Albert Lortzing-Stahlstich.jpg
Jean-Baptiste Lully 1632 - 1687 Gebore Giovanni Battista Lulli, Italiaans-Franse componis vaan opera's aon d'n hoof vaan Lewie XIV. Wis 'n eige, typisch Franse stijl te sjöppe mèt gepuncteerde ritmes, wieneg chromatiek en väöl ballèt. Jean-Baptiste Lully Nicolas Mignard.jpg
Martin Luther 1483 - 1546 Duitsen theoloog en kèrkhervörmer; amateurcomponis vaan motètte en vaan bepaolde lutheraonse koraolmelodieë. Martin Luther by Lucas Cranach der Ältere.jpeg
Witold Lutosławski 1913 - 1994 Poolse componis en dirizjènt, haakde aon bij versjèllende oontwikkelinge vaan de avant-garde meh is toch e stök minder radicaol es zien tiedgenoete. Lutoslawski2.jpg

M[bewirk | brontekst bewerken]

Componis Leve Umsjrieving Pleetsje
Paul McCartney * 1942 Britse songsjriever, zenger en basgitaris, lid vaan de Beatles, daonao solo. Woort door zie werk in de Beatles mèt John Lennon eine vaan de groetste songsjrievers vaan d'n twintegsten iew. Nao hun breuk sjreef heer solowerk vaan wisselende kwaliteit, en sinds ind jaore 1990 ouch 'klassieke' stökker veur orkes en striekkwartèt. Paul McCartney black and white 2010.jpg
Edward MacDowell 1860-1908 Amerikaanse componis, eine vaan de ierste in zie land dee ziech waogde aon orkesmeziek. Edward A. MacDowell.jpg
Guillaume de Machaut 1377 Mies verierden diechter en componis vaan zienen tied, groetste figuur vaan d'n ars nova. Sjreef neve motètte en virelais ouch es ierste 'n complete mès. Machaut (rechs) nump de Natuur en drei vaan häör kinder in oontvangs.
Bruno Maderna 1920 - 1973 Italiaanse, later Duitse componis en dirizjènt, lid vaan de nao-oorlogse avant-garde. Zie werk aosemp de sfeer vaan de Sjaol vaan Darmstadt.
Gustav Mahler 1860 - 1911 Oosteriekse componis en dirizjènt. Sjreef veural laatromantische symfonieë vaan oongewoen proporties en mèt bezèttinge vaan hoonderde speulers en zengers. Gustav-Mahler-Kohut.jpg
Stephan Mahu 1480-90 - nao. 1541 Dinkelek Vlaomse componis; sjreef polyfoon bewèrkinge vaan lutheraonse koraolmelodieë.
Gian Francesco Malipiero 1882 - 1973 Italiaanse componis en musicoloog. Sjreef lesteg te plaotse werk (oonder mie symfonieë) wat neoklassiek te neume vèlt. Oonder zien lierlinge waore Luigi Nono en Bruno Maderna.
Marcabru fl. 1130-1150 Troubadour vaan oonder mie pastorelas. BnF ms. 12473 fol. 102 - Marcabru (1).jpg
Luca Marenzio 1553 - 1599 Italiaonse madrigalis, pioneer in väöl technieke vaan de madrigaliste wie woordsjèldere en wiedgoonde chomatiek. Luca marenzio.jpg
Heinrich Marschner 1795 - 1861 Duitsen operacomponis, belaankriek es sjakel tösse 't werk vaan Weber en Wagner. Heinrich Marschner Carte-de-Visite Kunsthandlung H. Kuntzmann & Comp Berlin 1860er.jpg
Johannes Martini 1498 Franco-Vlaomse componis vaan oonder mie subtiel chansons.
Bohuslav Martinů 1890 - 1959 Tsjecho-Slowaakse componis vaan gemaoteg moderne meziek mèt dudeleken invlood vaan de volksmeziek oet zie vaajerland. Martinů in 1945.
Giuseppe Martucci 1856 - 1909 Italiaanse pianis, dirizjènt en componis, sjreef väöl klaveermeziek en symfonieë in 'nen tied tot zie land gedomineerd woort door opera. Holp ouch 't werk vaan Wagner in Italië te verspreie. Giuseppe Martucci.jpg
Pietro Mascagni 1863 - 1945 Italiaanse componis vaan opera's, muzikaol neet zoe aanders es die vaan Verdi meh inhajdelek e stök realistischer (verisme). Pietro Mascagni 2.jpg
Lorenzo Masini † ca. 1372 Italiaanse componis vaan ballate.
Jules Massenet 1842 - 1912 Franse componis vaan d'n opéra lyrique. Roond 1880 hendeg populair in Paries. Jules Massenet portrait.jpg
Johann Simon Mayr 1763 - 1845 Duitse, in Italië wèrkende componis vaan e groet aontal populair opera's. Johann Simon Mayr.jpg
Étienne-Nicolas Méhul 1763 - 1817 Franse componis vaan opera's en instrumentaole meziek, eine vaan de ierste vertrejjers vaan de romantiek. Étienne Méhul 1799 portrait by Antoine Gros - Insecula.jpg
Heinrich von Meissen 1318 Minnesänger, diechter vaan Frauenlob. Codex Manesse Heinrich von Meißen (Frauenlob).jpg
Felix Mendelssohn 1809 - 1847 Ouch Felix Mendelssohn Bartholdy; Duitse componis, pianis en organis. Zien werke, die in de negentienden en twintegsten iew zier populair bleve, aoseme de sfeer vaan de vreugromantiek. Wijers is heer vaan beteikenis es d'n heroontdèkker vaan Bach zien Mattheuspassie. Felix Mendessohn Bartholdy.jpg
Misha Mengelberg * 1935 Nederlandse componis en pianis, geassocieerd mèt de improvisatiescene roond Willem Breuker. ICP Orchestra.jpg
Claudio Merulo 1533 - 1604 Italiaansen organis en componis vaan toccata's; eine vaan de ierste groete klaveercomponiste. Claudio Merulo.jpg
Olivier Messiaen 1908 - 1992 Franse componis, organis en pianis, eine vaan de belaankriekste componiste vaan d'n twintegsten iew. Zienen invlood löp vaan diverse stijle vaan 'klassieke' meziek euver Oosterse mezike (en filosofie) tot vogelgeluid. Heer stèlde diverse modi en typische ritmes op, die 't theoretisch fundamint vaan zie werk vörme. Zien experimint mèt seriële meziek kort nao d'n oorlog maakde groeten indrök op Boulez en Stockhausen, al kierde heer ziech dao zelf snel weer vaan aof. Zie werk umvat 'n symfonie, diverse lejer en väöl piano- en örgelmeziek. Olivier Messiaen 1930.jpg
Giacomo Meyerbeer 1791 - 1864 Jacob Liebmann Beer, Duitse, in Frankriek wèrkende componis, wie geinen aandere geassocieerd mèt de grand-opéra, boe heer enorm succes mèt had. Zie bekindste werk is Les Huguenots. Meyerbeer d'après P. Petit b 1865.jpg
Darius Milhaud 1892 - 1974 Franse componis, lid vaan Les Six en zoonder mie de mies productieve vaan hun. Zie werk dreug alle typische eleminte vaan dees gróp: neoclassicisme, polytonaliteit en aofkier vaan groete proporties. Leet ziech ouch inspirere door de jazz. Milhaud Darius 1926.jpg
Raimon de Miraval † ca. 1215 Troubadour, diechter vaan cansò. Raimon de Miraval.jpg
Nikolaj Mjaskovski 1881 - 1950 Никола́й Я́ковлевич Мяско́вский, Russische daan wel Sovjet-Russische componis vaan veurnaomelek orkeswerke, nog gooddeils in e romantisch idioom. Nikolai Myaskovsky.jpg
Modest Moessorgski 1839 - 1881 Модест Петрович Мусоргский, Russische componis, lid vaan 't Mechteg Hemfelke. Sjreef oonder mie de pre-modernistischen opera Boris Godoenov en de pianosuite Sjèlderijetentoenstèlling, later door Ravel veur orkes bewèrk. Modest Musorgskiy, 1870.jpg
Jean-Joseph de Mondonville 1711 - 1772 Franse componis vaan rococomeziek in diverse genres. Jean-Joseph Cassanéa de Mondonville (original replica) by Maurice Quentin de La Tour.jpg
Stanisław Moniuszko 1819 - 1872 Poolsen dirzjènt en componis vaan lejer en opera's mèt nationalistischen inhaajd. Stanisłaŭ Maniuška. Станіслаў Манюшка (1865).jpg
Claudio Monteverdi 1567 - 1643 Italiaanse componis, aonvenkelek vaan polyfoon madrigaole, meh later sjriever vaan de ierste groete meisterwerke in de monodische stijl, boe-oonder ouch versjèllende opera's. Bernardo Strozzi - Claudio Monteverdi (c.1630).jpg
Kate Moore * 1979 Australische componiste vaan instrumentaole minimal music.
Cristóbal de Morales ca. 1500 - 1553 Spaonse componis vaan kèrkmeziek. Cristóbal de Morales by James Caldwall.jpg
Thomas Morley 1557/8 - 1602 Ingelse componis vaan madrigaole in Ingelse stijl, boe-oonder Now is the month of maying.
Ennio Morricone * 1928 Italiaanse componis, veural bekind door ziene filmmeziek bij spaghettiwesterns; sjreef ouch meziek veur hoonderde aander films zoewie veur de konzèrzaol. Ennio Morricone Cannes 2012.jpg
Robert Morton ca. 1430 - 1479 Ingelse componis vaan kèrkmeziek.
Ignaz Moscheles 1794 - 1870 Boheems-Oosteriekse pianis, componis en pianopedagoog. Sjreef oonder mie zeve pianoconcerte. Liermeister vaan Grieg. Zie werk heel nao zienen doed gei rippertoir. Ignaz Moscheles.jpg
Franz Xaver Wolfgang Mozart 1791 - 1844 Ouch wel W.A. Mozart Sohn, Oosteriekse pianis en componis, zoon vaan Wolfgang Amadeus Mozart en kleinzoon vaan Leopold Mozart. Ziene vreugromantische klaveermeziek wijs al veuroet nao Chopin. Franz Xaver Mozart (Wolfgang Jr) 1825.jpg
Leopold Mozart 1719 - 1787 Duits-Oosteriekse violis en componis. Vaajer vaan Wolfgang Amadeus Mozart. Reisde gans Europa door mèt zien begaafde kinder. Zien belaankriekste werk is de vioolmethode Versuch einer gründlichen Violinschule. Leopold Mozart.jpg
Wolfgang Amadeus Mozart 1756 - 1791 Oosteriekse componis, pianis en (alt-)violis. Woort al vreug door ziene pa (zuug bove) es woonderkeend door Europa mètgeveurd, boe heer in aonraking kaom mèt versjèllende stijle oet 't rococo/ de vreugklassieken tied. Oonbetwiste meister vaan 't Weens classicisme. Excelleerde es volwassene in alle genres die toen bestoonte; waor zelf vaan zier groet belaank in de oontwikkeling vaan 't klaveerconcert en 't Duitstaoleg Singspiel. Sinds zienen doed eine vaan de mies bewoonderde en geleefde componiste oets. Mozart-by-Croce-1780-81.jpg
Georg Muffat 1653 - 1704 Ouch George Muffat, Duits-Franse componis en organis, oteur vaan oonder mie toccata's.

N[bewirk | brontekst bewerken]

Componis Leve Umsjrieving Pleetsje
Blondel de Nesle ca. 1155 - 1202? Eine vaan de ierste trouvères. STATUE OF BLONDELL NEAR DURNSTEIN IN THE WACHAU VALLEY.jpg
Otto Nicolai 1810 - 1849 Duitse componis vaan oonder mie de kemikken opera Die lustigen Weiber von Windsor en opriechter vaan de Wiener Philharmoniker. Otto Nicolai.jpg
Luigi Nono 1924 - 1990 Italiaanse componis dee werke in seriële stijl mèt 'n sterk politieke laojing sjreef. Heer componeerde oonder mie d'n opera Intolleranza 1960. Luigi Nono (1979).jpg
Anthonie van Noordt 1619 - 1675 Nederlandsen organis en componis vaan 'n aontal zèttinge vaan calvinistische psalm- en gezaankmelodieë.
Jean de Noyers ca. 1370 - 1408-10 Ouch Jean Tapissier. Franse componis tösse middeliewe en renaissance; heer stoont in hoeg aonzien tijens zijn leve meh wieneg composities vaan häöm zien bewoerd.

O[bewirk | brontekst bewerken]

Componis Leve Umsjrieving Pleetsje
Jacob Obrecht 1457/8 - 1505 Ouch Hobrecht; Vlaomse of Noord-Braobantse componis vaan sterk gelierde kèrkmeziek. Jacob Obrecht.jpg
Johannes Ockeghem 1410 - 1497 Groetste meister vaan de Twiede Nederlandse Sjaol. Gebruuk dèks gecompleceerde sjema's wie proportiecanons in zine mèsse. Vaan groeten invlood op zien tiedgenoete en de generatie nao häöm, zeker ouch op Josquin. Johannes Ockeghem.jpg
Galina Oestvolskaja 1919 - 2006 Гали́на Ива́новна Уство́льская, Sovjet-Russiche daan wel Russische componiste van veur häören tied zier opmerkeleke en progressieve meziek (toenclusters, oonorthodoxe späölwijze etc.) dee pas nao de Val vaan de Moer wijer oonder de aondach kaom.
Jacques Offenbach 1819 - 1880 Duits-Franse componis en cellis, oontwikkelde oet de kemikken opera de operèt. Jacques offenbach.jpg
Carl Orff 1895 - 1982 Duitse componis en meziekpedagoog. In zie gemaoteg modern werk is 'n ummer touwnummende spaorzaamheid mèt 't muzikaol materiaol te herkinne, zoewie 'n veurleefde veur archaïsch aondoende (modaol) melodieë. Carl Orff.jpg
Antoni Orłowski 1811 - 1861 Poolse pianis, violis, dirizjènt en componis, mètlierling vaan Chopin.
Diego Ortiz ca. 1510 - ca. 1550 Spaonsen instrumentalis, publiceerde e tractaot euver verseringe en improvisatie. TrattadoDeGlosas.gif
Lucas Osiander sr. 1534 - 1604 Duitse lutheraonsen dominee, theoloog en amateurmusicus, geassocieerd mèt 't geistelek leed Christ lag in Todesbanden. Osiander Lucas.jpg
Hans Otte 1926 - 2007 Duitse componis en pianis, sjreef veural meditatief, minimalistische meziek.

P[bewirk | brontekst bewerken]

Componis Leve Umsjrieving Pleetsje
Johann Pachelbel 1653 - 1706 Duitsen organis en componis vaan örgelmeziek. Lèste groete meister vaan de Zuid-Duitse Örgelsjaol veur Bach.
Marchetto da Padova 1326 Meister vaan 't trecento, madrigalis.
Niccolò Paganini 1782 - 1840 Italiaanse violis en componis. Leide e leve es zwervende virtuoos en haolde dao in groete deile vaan Europa enorm sucesse mèt. In zien composities combineert heer e romantisch idioom mèt 'n boetegewoen virtuositeit, die de stökker tot op d'n huiegen daag tot ultiem oetdaginge maak. NiccoloPaganini.jpeg
Arvo Pärt * 1935 Estische componis vaan christelek geïnspireerde, minimalistische en zier touwgenkeleke meziek. Sinds ind jaore 1990 bezunder populair ouch in 't weste. Arvo Pärt.jpg
Harry Partch 1901 - 1974 Amerikaanse componis vaan meziek mèt rein stumminge en microtoene; bouwde veur ziene meziek 'n aontal zier oonorthodoxe, bezunder oetziende instruminte. Harry Partch high school graduation photo 1919.jpg
Giovanni Pierluigi da Palestrina ca. 1525 - 1594 Italiaanse componis vaan mèsse en motètte, gezeen es 't summum vaan de ars perfecta (de late renaissancepolyfonie). Ziene stijl zouw iewelaank maotgevend blieve veur de lier vaan 't contrapunt in de westerse meziek. Giovanni Pierluigi da Palestrina.jpg
Krzysztof Penderecki * 1933 Poolse componis, sjreef aonvenkelek avant-gardistische meziek mèt sterke, statische clusters, meh góng later euver op 'ne neoromantische stijl. Zie bekindste werk is Klaagzaank veur de slachoffers vaan Hiroshima; wijers genete ouch zien symfonieë populariteit. Krzysztof Penderecki 20080706.jpg
Johann Christoph Pepusch 1667 - 1752 Duitse componis en meziekhistoricus, wèrkzaam in Londe. Veural bekind gewore (en gebleve) mèt The Beggar's Opera (op libretto vaan John Gay), 'n parodie op de opere serie vaan Händel. John Christopher Pepusch by Thomas Hudson.jpg
Giovanni Battista Pergolesi 1710 - 1736 Italiaanse violis en componis. Historisch vaan belaank zien veural zien komische opera's wie La serva padrona, die de weeg nao de rococo plavejje; heer sjreef evels ouch zier serjeuze (en barokke) kèrkmeziek en kamermeziek. Ziene vreugen doed zörgde veur legendarische status; heidoor heet heer oongewoen väöl composities oondergesjove gekrege. Postuum portrèt vaan Pergolesi. Of 't liekent is de vraog; op 'n karikatuur oet zienen tied weurt heer gans get minder wierdeg geteikend.
Jacopo Peri 1561 - 1633 Italiaanse componis. Pioneer vaan de monodie, weurt algemein gezeen es de sjriever vaan d'n alleriersten opera (Dafne, ca. 1597) zoewie d'n ierste bewoerden opera (Euridice, 1600). Jacopo Peri 1.jpg
Perotinus fl. ca. 1200 D'n aandere groete meister vaan 't Paries organum, volgens Anonymus IV; opvolger vaan Leoninus. Zie bestoon vèlt neet vas te stèlle; de magnifieke veerstummege organa die me häöm touwsjrijf zien evels wel bewoerd.
Astor Piazzolla 1921 - 1992 Argentijne componis vaan tangomeziek, welk genre heer mèt invlood vaan de klassieke meziek en jazz tot e nui niveau lufde. Astor Piazzolla.jpg
Niccolò Piccinni 1728 - 1800 Italiaanse, in Paries wèrkende componis, mèt zien komische opera's de tegespeuler vaan Gluck, meh feitelek same mèt häöm de groete vernuier vaan de Fransen opera. Piccinni, Niccolò 1.JPG
Maestro Piero ca. 1300 - 1350 Italiaon (trecento), pioneer vaan 't madrigaol.
Willem Pijper 1894 - 1947 Nederlandse componis vaan neoklassieke meziek in Franse stijl, mèt frequint gebruuk vaan bitonaliteit. Maakde gebruuk vaan 't zoegeneump kiemcelprinciep, boebij 'n ganse compositie weurt opgegbouwd oet 't materiaol wat gans aon 't begin (beveurbeeld in ein of twie maote) weurt geëxposeerd.
Ignaz Josef Pleyel 1575 - 1831 Oosteriekse componis en pianobouwer. Sjreef oonder mie symfonieë en striekkwartètte in de stijl vaan ziene meister Haydn. Ignaz Pleyel.jpg
Amilcare Ponchielli 1834 - 1886 Italiaanse componis vaan opera's nao 't model vaan de Franse grand-opéra; bekind bleef veural zien La Gioconda.
Francis Poulenc 1899 - 1963 Franse componis vaan neoklassiek werk, geassocieerd mèt Les Six. Ziene latere meziek begint vaan 't typisch Les Six-idioom aof te wieke. Francis Poulenc mèt Wanda Landowska.
Henri Pousseur 1929 - 2009 Belzje componis oet de Sjaol vaan Darmstadt, ouch (meh neet allein) vaan spraokmakende elektronische meziek nao serieel principes.
Leonel Power 1445 Ingelse componis, pioneer vaan de cantusfirmusmès.
Michael Praetorius 1571 - 1621 Eigelek Michael Schultheiß; Duitse componis vaan zoewel renaissance- es barokmeziek, veural bekind gebleve um zien lutheraonse kèrkmeziek. Michael Praetorius.jpg
Adam Precentor 1146 Alias Adam vaan Sint-Victor. Componis vaan tientalle sequense, boe-oonder Lauda Sion.
Sergej Prokovjev 1891 - 1953 Сергей Сергеевич Прокофьев; Russische componis vaan neoklassieke meziek in versjèllende genres. Vlöchde nao de Revolutie nao de Vereinegde Staote meh kierde oet eige beweging trök nao de Sovjet-Unie, boe heer ziech nog herhaoldelek um zie te modern idioom mós verantwoorde. Sergei Prokofiev 02.jpg
Giacomo Puccini 1858 - 1924 Italiaanse componis vaan opera's, in stijl verwant aon ziene groete concurrent Verdi. Tot aon zienen doed populair; eine vaan de lèste groete meisters vaan de romantiek. GiacomoPuccini.jpg
Henry Purcell 1659 - 1695 Veeroet de belaankrieksten Ingelse componis vaan de barok, geassocieerd mèt de Restauratie. Sjreef meziek in hiel väöl actueel genres; zienen opera Dido and Aeneas is 'n unicum. Henry Purcell by John Closterman.jpg
Pycard fl. ind 14en iew Mesjiens Jean Pycard, 'ne Franse keplaon in Ingelsen deens, componis vaan motètechtege mèsdeile.

Q[bewirk | brontekst bewerken]

Componis Leve Umsjrieving Pleetsje
Johann Joachim Quantz 1697 - 1773 Duitse fluitis en componis vaan talloes sonnate en concerte veur zien instrumint. In deen vaan Frederik de Groete vaan Pruses, neet allein es componis meh ouch es fluitlierer. Johann Joachim Quantz.jpg

R[bewirk | brontekst bewerken]

Componis Leve Umsjrieving Pleetsje
Sergej Rachmaninov 1873 - 1943 Russisch-Amerikaanse pianis en componis. Vlöchde nao de revolutie nao de VS. Heer bleef zie leve laank in 'ne romantische stijl componere; ziene pianomeziek, concerte en symfonieë genote evels groete populariteit. Sergei Rachmaninoff LOC 33968 Cropped.jpg
Nicolaus de Radom 14en iew Poolse naovolger vaan d'n ars nova.
Joachim Raff 1822 - 1882 Zwitsers-Duitse componis vaan oonder mie programmatische symfonieë in e Mendelssohn-echteg idioom. Jjraffportrait.jpg
Jean-Philippe Rameau 1683 - 1764 Franse componis en meziektheoreticus. In zien theoretische gesjrifte waor heer eine vaan de groondlègkers vaan de hermenielier en de bedinker vaan d'n term dominant; es componis waor heer de belaankrieksten operacomponis in Fraankriek nao d'n doed vaan Lully. Attribué à Joseph Aved, Portrait de Jean-Philippe Rameau (vers 1728) - 001.jpg
Einojuhani Rautavaara * 1928 Finse componis, sjreef aonvenkelek in 't twelftoenssysteem meh góng later euver op 'n neoromantische, soms filmische componeerstijl boe heer veural roond 2000 väöl succes mèt had. Rautavaara sep 2003 helsinki.JPG
Maurice Ravel 1875 - 1937 Franse componis, weurt mèt Debussy dèks bij 't impressionisme ingedeild meh hanteerde väöl mier es dee 'n neoklassieke esthetiek. 'ne Kundegen orkestrator. Maurice Ravel 1925.jpg
Max Reger 1873 - 1916 Duitsen organis, pianis en componis, veural bekind um zienen örgelmeziek. Hei-in combineert heer de contrapunctische vörm vaan Bach (ziene favoriete componis) mèt de laatromantische chromatiek. Reger Max Postcard-1910.jpg
Steve Reich * 1936 Amerikaanse componis, eine vaan de groetste meisters vaan de minimal music. Zien radicaolste werke (Piano phase, Four organs) hure nog ummer oonder zien bekindste; wijer succes had heer mèt 't striekkwartèt-mèt-band Different trains. Steve Reich2.jpg
Johann Friedrich Reichardt 1752 - 1814 Duitse componis en criticus, sjreef Singspiele en talloes lejer die bij Goethe in de smaak vele. JohannFriedrichReichardtMusikerS130.jpg
Johann Adam Reincken 1643 - 1722 Nederlands-Duitsen organis, gambis en componis vaan de Noord-Duitse Örgelsjaol en daomèt sjriever vaan invloodrieke fuga's, sonnate en koraolveurspeule. Johann Adam Reincken.jpg
Carl Reinecke 1824 - 1910 Duitse componis, hoof vaan 't conservatorium in Leipzig en dirizjènt vaan 't Gewandhausorchester vaan 1860 tot 1895. Sjreef bezunder conservatief romantische meziek in diverse genres. Had 'n mechtege positie in 't meziekleve en väöl bekinde lierlinge. Reinecke (young).jpg
Ottorino Respighi 1879 - 1936 Italiaanse componis, musicoloog en dirizjènt, veural bekind um zien drei 'Romeinse' symfonische gediechter boe-in heer laatromantische en impressionistischen invlood vermingk.
Neidhardt von Reuenthal † ca. 1250 Kruusridder en Minnesänger, componis vaan danslejer (Sommerlieder en Winterlieder). Codex Manesse Neidhart.jpg
Josef Gabriel Rheinberger 1839 - 1901 Liechtensteins-Duitse componis en organis, sjreef diverse sonnate veur zien instrumint. Rheinberger.jpg
Richard I vaan Ingeland 1157 - 1199 Bekinde keuning ('Richard Liewehart') en trouvère, eine vaan de vreugere dee de Occitaanse troubadours in 't Frans naovolg. Church of Fontevraud Abbey Richard I effigy.jpg
Wolfgng Rihm * 1952 Duitse componis vaan werk geènt op 't modernisme meh mèt ouch tonaol passages en doordroonge vaan 't romantisch ideaol vaan expressie. Rihm Wolfgang Philharmonie koeln 0806 2007.jpg
Terry Riley * 1935 Amerikaanse minimalistische componis; d'n ierste dee in die stijlriechting dreiklaanke góng gebruke. Zie werk In C oet 1964 brach 'n klein revolutie op gaank in de meziekwereld. Terry Riley.jpg
Nikolaj Rimski-Korssakov 1844 - 1908 Николай Андреевич Римский-Корсаков; Russische componis, lid vaan 't Mechteg Hemfelke en vaan hun 't mieste bedreve in orkestratie. Väöl vaan ziene meziek is deep folkloristisch geteikend. Rimsky-Korsakov Serow crop.png
Jehan Robert fl. 1380-1400 Alias 'Trebor', diechter-componis vaan de ars subtilior.
Cipriano de Rore ca. 1515 - 1565 Franco-Vlaomse, in Italië wèrkende lierling vaan Willaert, meh ouch eine vaan de ierste dee, in zien madrigaole, mèt de streng contrapuntregele vaan ziene liermeister braok. CiprianoDeRore.jpg
Gioachino Rossini 1792 - 1868 Italiaanse componis vaan opere buffe (kemikke opera's), die mèt hun melodische dimensie sterk aon Mozart rappelere en häöm de bekindste componis vaan zienen tied maakde. Veel nao 1829 zoe good wie compleet stèl. GiorcesRossini1.jpg
Hans Rott 1858 - 1884 Joonkgestorven Oosteriekse componis en organis. Zien symfonie is vaan groet belaank in de oontwikkeling vaan Bruckner nao Mahler.
Albert Roussel 1869 - 1937 Franse componis, kaom rillatief laat mèt 'n aontal composities boe-in romantische en impressionistische invlode trök te vinde zien. Veural zien symfonieë bleve bekind. Waor lierling vaan d'Indy en liermeister vaan Satie en Varèse. Roussel Albert 1913.jpg
Edmund Rubbra 1901 - 1986 Britse componis vaan koermeziek, kamermeziek en symfonieë. Bleef wie väöl vaan zien landgenoete trouw aon de romantische stijl.
Anton Rubinstein 1829 - 1894 Антон Григорьевич Рубинштейн, Russische componis, pianis en dirizjènt. Zie werk in diverse vocaol en instrumintaol genres is Westers geriech en conservatief. 't Waor bij zie leve zier populair, meh nao zienen doed heel 't gei rippertoir. Anton Rubinstein door Ilja Repin.
Luigi Russolo 1883 - 1947 Italiaanse, futurististische componis en sjèlder. Gebruukde veur zien composities gein toene mie meh roesjklaanke, mèt speciaol mesjiene die heer intonarumori neumde. Zien partiture en instruminte zien neet bewoerd gebleve. Luigi Russolo
John Rutter * 1945 Britse componis en dirizjènt. Sjrijf veural koermeziek in touwgenkeleke stijl. Heer woort 't bekindste door zie requiem oet 1985. John Rutter.jpg
Frederic Rzewski * 1938 Amerikaanse pianis en componis. Sjrijf rillatief touwgenkeleken, tonaole pianomeziek (meh wel mèt invlood oet d'n avant-garde) mèt 'n oetgesproke links engagemint.
Vincenzo Ruffo ca. 1508 - 1587 Italiaonse componis vaan kèrkmeziek in de geis vaan 't Concilie vaan Trente, mèt 'n sterk versumpelde textuur.

S[bewirk | brontekst bewerken]

Componis Leve Umsjrieving Pleetsje
Hans Sachs 1494 - 1576 Rillatief late Meistersinger, oonsterfelek gemaak in Wagner zienen opera Die Meistersinger von Nürnberg. Hans Sachs.jpg
Joseph Bologne de Saint-Georges 1745 - 1799 Fransen edelmaan, componis en violis, gebore op Guadeloupe es zoon vaan 'ne planter en 'n slavin. Bijgenaomp de 'Zwarte Mozart'. Zien bekindste werke zien zien virtuoos en geveulege vioolconcerte. Waor neve musicus ouch militair en atleet. Chevalier de Saint-Georges.JPG
Camille Saint-Saëns 1835 - 1921 Franse componis, organis, pianis en dirizjènt, veural bekind vaan diverse orkeswerke. Waor in zien jong jaore deil vaan de Franse avant-garde, meh woort al gaw oetgesproke conservatief, in 't bezunder nao 't ind vaan zie leve touw. Zie werk is evels ummer populair gebleve. Saintsaens.jpg
Antonio Salieri 1750 - 1825 Italiaanse componis vaan veural opera's, wèrkzaam in Wene en dao zier succesvol. Had oonder mie Schubert, Beethoven en Liszt es lierlinge. Allewijl veural bekind door legendevörming roond d'n doed vaan ziene concurrent Mozart. Joseph Willibrod Mähler 001.jpg
Claudio Saracini 1586 - 1630 Italiaanse componis en luitis; eine vaan de pionere vaan de monodische stijl, die heer in lejer oetoefende.
Pablo Sarasate 1844 - 1908 Spaonse violis en componis, eine vaan de groete vioolvirtuoze vaan zienen iew. Ziene meziek geïnspireerd op 't zigeunderidioom is nog ummer geleef. Sarasate.gif
Erik Satie 1866 - 1925 Franse componis vaan veural, meh neet oetsletend, pianomeziek vaan besjeien opzat. Mèt zien anti-romantische, meh ouch anti-impressionistische esthetiek had heer groeten invlood op de generatie Franse componiste nao häöm (Les Six). Erik Satie - BNF1-cropped.jpeg
Alessandro Scarlatti 1660 - 1725 Italiaanse componis vaan opera's en cantate; algemein geassocieerd mèt de neoklassieken opera en d'n dao-op volgenden opera seria, dee begin achtienden iew zier populair zouw zien. Alessandro Scarlatti.jpg
Domenico Scarlatti 1685 - 1757 Italiaanse componis in Spaonsen deens, veural bekind door e groet aontal eindeilege klaveerwerke die me allewijl sonnate neump, en boe-in d'n euvergaank vaan barok nao klassiek dudelek vèlt aon te wieze. Zoon vaan Alessandro Scarlatti. Retrato de Domenico Scarlatti.jpg
Heinrich Scheidemann ca. 1596 - 1663 Duitsen organis en componis, lierling vaan Sweelinck en eine vaan de ierste figure vaan de Noord-Duitse Örgelsjaol. Liermeister ouch vaan Reincken. Arolsen Klebeband 03 279 4.jpg
Samuel Scheidt 1587 - 1654 Duitsen organis en componis vaan örgelmeziek in tabulatuur zoewie kèrkmeziek. Lierling vaan Sweelinck. Samuel Scheidt.jpg
Andreas Anton Schmelzer 1653 - 1701 Oosteriekse violis en componis, zoon vaan de veurege.
Johann Heinrich Schmelzer ca. 1623 - 1680 Oosteriekse violis en componis vaan instrumentale meziek. Zien beteikenis is te vergelieke mèt die vaan [Heinrich Ignaz Franz von Biber|Biber]]. Schmelzer.jpg
Franz Schmidt 1874 - 1939 Oosteriekse componis vaan laatromantisch werk, boe-oonder veer symfonieë.
Alfred Schnittke 1934 - 1998 Альфред Гарриевич Шнитке, Russische componis en pianis, sjreef posmodern geneumde meziek die sterk gebruuk maak vaan collaasjtechnieke en stijlcitaote. Alfred Schnittke April 6 1989 Moscow.jpg
Arnold Schönberg 1874 - 1951 Oosteriekse, later Amerikaanse componis, in 't Ingels miestens es Schoenberg gesjreve. Oontwikkelde d'n atonale meziek, dee heer later systematiseerde in d'n twelftoensmeziek. Heer leet de Twiede Weense Sjaol nao, mèt neve häöm Alban Berg en Anton Webern es belaankriekste figure. Zie werk is divers: 't umvat oonder mie 'nen opera, versjèllende koerwerke, concerte en kamermeziek. Arnold Schoenberg la 1948.jpg
Jörg Schönfelder fl. ca. 1510 Obscuren Duitse componis vaan Tenorlieder, boe-oonder 't later door Brahms gebruuk 'Von edler Art'.
Franz Schreker 1878 - 1934 Eigelek Schrecker; Oosteriekse componis vaan laatromantisch werk, veural opera's. Raakde nao zienen doed in de vergetelheid. Schreker 1912.jpg
Franz Schubert 1797 - 1828 Oosteriekse componis vaan de vreugromantiek. Sjreef in de versjèllende gernes vaan 't Weens classicisme (symfonieë, kamermeziek en klaveersonnate), meh is veural bekind gewore door zien lejer op tekste vaan groete Duitse diechters, zoewie door zien impromptu's veur klaveer. Veural gepreze um zie melodisch talent. Neet-contemporain portrèt vaan Franz Schubert oet 1875 nao 'n aquarel oet 1825.
Erwin Schulhoff 1894 - 1942 Duits-Tsjechische componis. Waor artistiek geïntrèsseerd in 't dadaïsme, meh hanteerde in de praktijk 'n gemaoteg modernistische stijl mèt dudeleken invlood vaan de versjèllende modern struiminge oet deen tied. Erwin Schulhoff mèt Milča Mayerová.
Johann Abraham Peter Schulz 1747 - 1800 Duitse componis, pioneer vaan de volkse leedzètting die later tot 't kunsleed zouw oetgreuje. Johann Abraham Peter Schulz (Jügel) Detail 2.jpg
Clara Schumann 1819 - 1896 Gebore Wieck; Duitse pianiste en componiste, vrouw vaan Robert Schumann. Sjreef composities min of mie in de geis vaan häöre maan; häör lejer en pianostökker zien de bèste. Ouch geassocieerd (in eder geval artistiek, mesjiens ouch romantisch) mèt Johannes Brahms. Clara Schumann 1878.jpg
Robert Schumann 1810 - 1856 Duitse componis, pianis en criticus, veural bekind gewore door lejer boe-in heer de lijn vaan Schubert wijerzat. Portrait of Robert Schumann.jpg
Heinrich Schütz 1585 - 1672 Duitse componis vaan wereldleke en kèrkeleke vocaol werke in versjèllende stijle die zienen tied te beie had. Sjreef oonder mie de concertante motètte Symphoniae sacrae, 'n Duitstaolege passie en d'n iersten Duitstaolegen opera, Daphne (verlore gegaange). Schutz.jpg
Carlos de Seixas 1704 - 1742 Portugese componis en klavecinis. Geisverwant vaan Scarlatti en wie heer oteur vaan e groet aontal vernuiiende klaveerwerke. Carlos Seixas.jpg
Ludwig Senfl ca. 1486 - ca. 1543 Ouch Sennfl; Zwitserse lierling vaan Isaac. Ludwig Senfl.jpg
Claudin de Sermisy ca. 1490 - 1562 Franse componis vaan kèrkmeziek en chansons, boe-oonder 't zier populair Tant que vivray.
Giovanni Sgambati 1841 - 1914 Italiaanse pianis en componis vaan klaveermeziek en orkesmeziek. Giovanni Sgambati.JPG
Jean Sibelius 1865 - 1957 Finse componis vaan orkesmeziek, veural symfonieë, in e laatromantisch meh zier persoenelek idioom, die nog ummertouw väöl weure gespeuld. Jean sibelius.jpg
Hucblad vaan Sint-Amand 930 Meziektheoreticus, vreuger besjriever vaan de modi en d'n ierste dee note mèt lètters beneumde; ouch componis vaan oonder mie laude um in zie werk zien theorieë te illustrere.
Dmitri Sjostakovitsj 1906 - 1975 Дмитрий Дмитриевич Шостакович; Russische componis vaan gemaoteg modern, lesteg te plaotse werk. Bleef nao de Revolutie in zie vaajerland, boe heer e groet deil vaan zie leve (veural oonder Stalin) te make had mèt vervolging en berispinge um ziene meziek. Bij leve woort heer in 't weste wieneg serjeus genome, meh vaanaof de jaore tachteg steeg de internationaol waardering veur zien oeuvre sterk. Dmitri1.jpg
Alexander Skrjabin 1872 - 1915 Алекса́ндр Никола́евич Скря́бин; Russische, in Fraankriek wèrkende componis vaan oonder mie pianomeziek en orkesmeziek. Begós in 'ne stijl sterk beïnvleujd door Chopin, meh naom begin twintegsten iew, door ziene zin veur mystiek en lidmaotsjap vaan de theosofe, 'n compleet eige stijl aon, boe-in heer de traditioneel tonaliteit vervóng door 't zoegeneump mystiek akkoord. Skrjabin Alexander.jpg
Bedřich Smetana 1824 - 1884 Gebore es Friedrich Smetena, Boheemse componis, naovolger vaan Liszt. Sjreef oonder mie symfonische gediechte en opera's. Cultiveerde in ziene meziek ummer mie e Boheems/Tsjechisch nationalisme. Bedrich Smetana.jpg
Johann August Söderman 1832 - 1876 Zweedsen dirizjènt en componis vaan buunmeziek in zien mojertaol.
Solage ind 14en iew Componis vaan de ars subtilior, sjreef veur middeliewse meziek oongewoen chromatische rondele.
Antonio Soler 1729 - 1783 Spaonse paoter, componis en organis. Sjreef klaveersonnate die aonvenkelek dudelek geènt zien op 't werk vaan Scarlatti meh later aonsleting zeuke bij nuier trends oet de res vaan Europa.
Fernando Sor 1778 - 1839 Spaonse gitaris en componis, veural vaan serieuze meziek veur zien eigen instrument. Fernando Sor.jpg
Phil Spector * 1939 Amerikaanse componis en producent vaan popleedsjes, geassocieerd mèt 't Brill building-tiedperk. De typische productie vaan zien leedsjes duide zoe zwoer op zie werk tot ze de oetveurende acts gans gónge euverheerse, mier es bij welken aandere producent 't geval is. Phil Spector, mugshot (2009).jpg
Francesco Spinacino fl. 1507 Italiaanse luitis, componis vaan de ierste twie deile vaan luitmeziek in tabulatuur oetgegeve door Ottaviano Petrucci.
Louis Spohr 1784 - 1859 Duitse componis, violis, dirizjènt en meziekpedagoog. Zie werk is typerend veur de vreugromantiek. Nahl spohr.jpg
Gaspare Spontini 1774 - 1851 Italiaanse componis vaan opera's in nog gooddeils achtienden-iewse stijl; nao zienen doed gaw in de vergetelheid geraak. Gaspare Spontini.jpg
Carl Stamitz 1745 - 1801 Duitse componis en violis, de bekindste meister vaan de Mannheimer Sjaol en daomèt oteur vaan väöl symfonieë zoewie concerte veur alderlei instruminte. Zoon vaan Johann Stamitz. Karel Stamic.jpeg
Johann Stamitz 1717 - 1757 Jan Stamic, Boheems-Duitse violis en componis. Bouwde de hofkapel in Mannheim oet tot 't bèste orkes vaan de wereld en is daomèt de stiechter vaan de Mannheimer Sjaol. Waor zelf belaankriek in de oontwikkeling vaan de symfonie. Vaajer vaan Carl Stamitz. Johann Stamitz.jpg
Karlheinz Stockhausen 1928 - 2007 Duitse componis en compositielierer, de groetste figuur vaan de nao-oorlogse avant-garde. Waor mèt Pierre Boulez veurtrèkker vaan 't serialisme, wat heer op zien eige meneer oontwikkelde. Reep al vreug de hölp vaan elektronica in. Vaanaof de jaore 1970 verruilde heer 't serialisme veur de zoegeneumde formulaïsche meziek, boe 't mie um de melodie geit. Al gaw begós heer ziech oetsletend bezeg te hawwe mèt zien opera-heptalogie Licht, die in 2004 veerdeg kaom. Zienen invlood reik tot wied boete de avant-garde, neet in 't minste zien ouch väöl popmusici door häöm beïnvlood. Stockhausen March 2004 excerpt.jpg
Bernardo Storace fl. 1664 Obscuren (oonvindbaren) Italiaanse componis vaan klaveermeziek, bekind allein oet 'n gedrökde blomlezing vaan ziene meziek.
Johann Strauss sr. 1804 - 1849 Oosteriekse componis vaan amusemintsmeziek: väöl walse en de Radetzkymarsj. Vaajer vaan de volgende. StraußVaterLitho.jpg
Johann Strauss jr. 1825 - 1899 Oosteriekse componis vaan walse (bekind es Der Waltzerkönig) en de ierste Weense operètte. Johann Strauss II by August Eisenmenger 1888.jpg
Josef Strauss 1827 - 1870 Oosteriekse componis, zoon vaan Johann Strauss sr. en broor vaan Johann Strauss jr., sjreef wie zien femilie väöl walse die ouch noe nog weure gespäöld. Josef Strauss (1).jpg
Richard Strauss 1864 - 1949 Duitse componis en dirizjènt. Oontwikkelde in de jaore 1900 'n zier laat romantische, bekaans atonaole stijl (zien opera's Salome en Elektra zien de bèste veurbeelder), meh góng kort daonao weer väöl traditioneler componere. Gein femilie vaan de Weense Strauss-componiste. Der junge Richard Strauss.JPG
Igor Stravinsky 1882 - 1971 Игорь Фёдорович Стравинский; Russische, daan Franse en tot slot Amerikaanse componis. Begós in 'n romantische stijl mèt typisch Russische eleminte, meh góng kort nao d'n Ierste Wereldoorlog euver op 'n neoklassieke stijl. Neve ziene meziek waor ouch zien filosofie oetgesproke antiromantisch; heer verworp veural de krach vaan meziek um boetemuzikaol dinger oet te beelde. Heer waor 't boegbeeld vaan de neoklassieke componiste, veural ouch umtot heer 'ne zekere vörm vaan tonaliteit aonheel, meh verbaosde kort nao d'n Twiede Wereldoorlog door Schönberg zien twelftoenssysteem euver te numme. Igor Stravinsky LOC 32392u.jpg
Barbara Strozzi 1619 - 1677 Italiaanse zengeres en componiste vaan veural cantate en madrigaole die ze publiceerde en die bij häör leve väölgevraog waore. De gambiste, door Bernardo Strozzi. Me nump aon tot dit Barbara Strozzi is, al is neet zeker of de sjèlder femilie vaan häör is, en zoe jao wat veur femilie.
Arthur Sullivan 1842 - 1900 Britse componis vaan savoy operas, de Londesen tegehenger vaan de operèt, die heer sjreef op tekste vaan W.S. Gilbert (zuug Gilbert & Sullivan). Sir Arthur Seymour Sullivan.jpg
Johan Svendsen 1840 - 1911 Noorse componis en dirizjènt, noe veural nog bekind um zien Romance in G veur viool en orkes. Johan+Svendsen.jpg
Jan Pieterszoon Sweelinck 1562 - 1621 Nederlandse componis vaan vocaole meziek en klaveermeziek in diverse genres; invloodrieke stiechter vaan de Noord-Duitse Örgelsjaol. Jan Pieterszoon Sweelinck.png
Maria Szymanowska 1789 - 1831 Poolse pianiste en componiste vaan veural pianomeziek, dèks mèt invlood oet de Poolse volksmeziek en daomèt 'n belaankrieke veurluipster vaan Chopin. Maria Szymanowska.jpg
Karol Szymanowski 1882 - 1937 Poolse componis, begós in e romantisch idioom meh góng al gaw nao 'ne modernere stijl euver, aoventouw tot kortbij de atonaliteit. Karol Szymanowski.jpg

T[bewirk | brontekst bewerken]

Componis Leve Umsjrieving Pleetsje
Toru Takemitsu 1930 - 1996 Japanse componis vaan avantgardistische meh oondogmatische meziek.
Thomas Tallis ca. 1505 - 1585 Ingelse componis vaan vocaole meziek, boe-oonder de Lamentaties vaan Jeremias. Thomas Tallis.jpg
Tannhäuser 13en iew Beierse Minnesänger, naovolger vaan Neidhardt, bekind gewore door de gelieknaomegen opera vaan Wagner.
John Taverner ca. 1490 - 1545 Ingelse componis en organis, sjreef polyfoon werke mèt extreem lang melisma's en zoonder doorgoonde imitatie (wie op 't continent gebrukelek). Sjijnbaar karikatuur vaan Taverner in e verserend kapiteel in 'n Ingels koerbook.
Georg Philipp Telemann 1681 - 1767 Duitse componis vaan oonder mie orkesmeziek en lutheraonse kèrkmeziek, gesjreve in 'nen Italiaons getinte laatbarok. Zier productief en zier populair bij leve, raakden 't nao zienen doed snel in de vergetelheid. Pas mèt de koms vaan de awwemeziekbeweging in d'n twintegsten iew kaom heer weer trök op 't repertoir. Telemann.jpg
Sigismund Thalberg 1812 - 1871 Oosteriekse pianis en componis. Zie werk besteit oet pianocomposities mèt 'n meujelekheidsgraad vergeliekbaar mèt zien generatiegenoete Chopin en Liszt. Sigismond Thalberg.jpeg
Ambroise Thomas 1811 - 1896 Franse componis, geassocieerd mèt d'n opéra lyrique. Hippolyte Flandrin - Ambroise Thomas - 1834.jpg
Johannes Tinctoris ca. 1435 - 1511 Franco-Vlaomse meziektheoreticus en componis vaan veural mèsse en chansons. Tinctoris.jpg
Michael Tippett 1905 - 1998 Britse componis, de modernste vaan zien generatie en de belaankriekste Britse componis vaan zienen tied nao Britten.
Jacopone da Todi ca. 1230 - 1306 Florentijnse componis vaan geistelek werk geïnspireerd op de troubadours.
Wenzel Johann Tomaschek 1774 - 1850 Václav Jan Tomášek, Boheemse meziekpedagoog en componis vaan de vreug romantiek. Tomasek jv.jpg
David Del Tredici * 1937 Amerikaanse componis, eine vaan de veurtrèkkers vaan de neoromantiek en d'n trökkier nao tonaliteit.
Pjotr Iljitsj Tsjaikovski 1840 - 1893 Пётр Ильи́ч Чайко́вский; Russische componis vaan de romantiek. Sjreef in versjèllende genres, wie d'n opera, de symfonie, 't concert en de sonnaat; zien groetste beteikenis ligk evels bij de oontwikkeling vaan de ballètmeziek. Tchaikovsky 1906 Evans.PNG

U[bewirk | brontekst bewerken]

Componis Leve Umsjrieving Pleetsje
Ignaz Umlauf 1746 - 1796 Oosteriekse componis en altviolis. Wèrkde in Wene mèt Mozart same.

V[bewirk | brontekst bewerken]

Componis Leve Umsjrieving Pleetsje
Johann Baptist Vanhal 1739 - 1813 Jan Křtitel Vaňhal, Boheemse componis vaan kamermeziek, symfonieë en kèrkmeziek in de stijl vaan 't Weens classicisme. Vanhal353.jpg
Edgard Varèse 1883 - 1965 Frans-Amerikaanse componis vaan zier moderne meziek, neet allein atonaol meh ouch oongewoen vaan textuur. Mier es in melodie of hermenie waor heer in klaankkleur en ritme geïntresseerd. Al in de jaore daarteg dach heer nao euver elektronische meziek; nao d'n Oorlog maakde heer dees druim es eine vaan de ierste woer. Edgard Varese.gif
Ralph Vaughan Williams 1872 - 1958 Britse componis vaan oonder mie symfonisch werk en filmmeziek in e conservatief idioom.
Bernart de Ventadorn † ca. 1200 De bekindste en hoegs geachde vaan alle troubadours, componeerde veural cansò (lejer vaan hoofse leefde). BnF ms. 12473 fol. 15v - Bernart de Ventadour (1).jpg
Philippe Verdelot ca. 1480 - ca. 1530 Noord-Franse componis vaan chansons. Verdelot1.jpg
Giuseppe Verdi 1813 - 1901 De groetsten Italiaanse componis vaan zienen tied. Moderniseerde d'n opera door häöm mie op 't drama te sjrieve en minder op de kwaliteite vaan de zengers. Sjreef daoneve ouch kèrkmeziek vaan beteikenis. Verdi-photo-Brogi.jpg
Johannes Verhulst 1816 - 1891 Nederlandsen dirizjènt en componis in de stijl vaan Duitse romantische meisters wie Mendelssohn en Robert Schumann. Sjreef oonder mie 'n mès en lejer op tekste vaan J.P. Heije. Waor 'ne centraole figuur in 't Nederlands meziekleve, meh zien weigering um modern meisters wie Wagner oet te veure leide tot zien oontslaag en isolatie. Johannes Verhulst.png
Matthijs Vermeulen 1888 - 1967 Eigelek Matheas van der Meulen, Nederlandse criticus componis vaan atonaole meziek, in 't bezunder symfonieë. Zoch in Paries e beter klimaot veur zienen moderne meziek, meh umtot dao 't neoclassicisme in de mode waor, bleve ouch in Fraankriek zien werke gooddeils oongehuurd.
Lodovico Viadana ca. 1560 - 1627 Italiaanse geisteleke en componis vaan concertante motètte die al nao de monodie neige.
Tomás Luis de Victoria 1548 - 1611 Spaonse componis vaan groet opgezètte motètte, die heer in Roeme had liere sjrieve. Tomás Luis de Victoria.jpg
Louis Vierne 1870 - 1937 Fransen organis en componis. Sjreef veural werk veur zien eigen instrumint, dèks in 'ne breie, symfonischen örgelstijl. Vierne 1910.JPG
Henri Vieuxtemps 1820 - 1881 Belzje vioolvirtuoos en componis, in de ierste plaots veur zien eige instrumint. Henri Vieuxtemps 1842 Litho.jpg
Jheronimus Vinders fl. 1525-6 Vlaomse componis vaan de Veerde Nederlandse Sjaol, veural bekind gewore door zie motèt O mors inevitabilis.
Giovanni Battista Viotti 1755 - 1824 Italiaanse violis en componis vaan oonder aandere talrieke vioolconcerte. Noe en daan weurt nog ins eint gespäöld. Giovanni Battista Viotti.jpg
Philippe de Vitry 1291 - 1361 Componis en groete theoreticus en polemis vaan de ars nova.
Antonio Vivaldi 1678 - 1741 Italiaanse violis en componis vaan kèrkmeziek, opera's, kamermeziek meh veural mier es 600 concerte veur alle meugeleke solo-instruminte. Door zienen invlood kreeg 't concert d'n dreideilege vörm. Antonio Vivaldi.jpg
Claude Vivier 1948 - 1983 Canadese componis, lierling vaan Stockhausen. Ziene stijl kint oostersen invlood en concentreert ziech op klaankkleur- en bovetoeneffekte.
Walther von der Vogelweide † ca. 1230 Oosteriekse Minnesänger, de belaankriekste vaan de ierste generatie. Codex Manesse Walther von der Vogelweide.jpg

W[bewirk | brontekst bewerken]

Componis Leve Umsjrieving Pleetsje
Richard Wagner 1813 - 1883 Duitse componis; groondege hervörmer vaan d'n Duitsen opera, die heer maakde tot wat heer meziekdrama neumde. Zie zier chromatisch idioom en de zoegeneumde unendliche Melodie waore vernuiinge die de romantische meziek op d'n door tot kortbij de atonaliteit brachte. Zien persoen wèrkde bij leve zier polariserend, meh op de langen door stoonte alle componiste nao häöm wel oonder zienen invlood. RichardWagner.jpg
Siegfried Wagner 1869 - 1930 Duitse componis en dirizjènt, zoon vaan Richard Wagner (dee häöm de Siegfried-Idyll componeerde) en componis vaan 'n aontal opera's in de geis vaan ziene pa. Leide sinds 1908 de Bayreuther Festspiele. Siegfried Wagner mèt zien vrouw Winifred.
Johann Gottfried Walther 1684 - 1748 Duitsen organis en componis vaan örgelmeziek, boe-oonder väöl bewèrkinge vaan soloconcerte. Walther-Johann-Gottfried-01.jpg
Unico Wilhelm van Wassenaer 1692 - 1766 Nederlandsen edelmaan, diplomaot en amateurcomponis. Kaom de meziekhistorie binne es oteur vaan de Concerti armonici, die iewelaank oonterech aon Pergolesi waore touwgesjreve. Unico Wilhelm van Wassenaer-Obdam door George de Marees 1697-1776.jpg
Andrew Lloywd Webber * 1948 Britse componis, veural vaan 'n aontal zier populair musicals. Sjreef wijer oonder mie e requiem. AndrewLloydWebber3.png
Carl Maria von Weber 1786 - 1826 Duitse pianis en componis vaan de vreugromantiek. Zienen orkesmeziek en kamermeziek is nog rillatief conventioneel, meh in zien opera's, in 't bezunder Der Freischütz, wijs heer al veuroet nao de meziek vaan Wagner. Caroline Bardua - Bildnis des Komponisten Carl Maria von Weber.jpg
Anton Webern 1883 - 1945 Tot 1919 Anton von Webern, Oosteriekse componis en dirizjènt. Lierling vaan Schönberg en lid vaan de Twiede Weense Sjaol. Heer oondersjeide ziech vaan Schönberg en Berg door zien strikte, bekaans wiskundege behandeling vaan 't twelftoenssysteem, boeveur heer oonder mie inspiratie zoch bij de Nederlandse Sjole. Bij leve waor zie werk vrij oonbekind, meh componiste vaan de nao-oorlogsen avant-garde, veural Boulez en Stockhausen, lepe mèt häöm weg. Anton Webern in Stettin, October 1912.jpg
Gaspar van Weerbeke ca. 1455 - nao 1517 Zuid-Nederlandse componis vaan de Daarde Nederlandse Sjaol, meh stilistisch nog sterk sjtapliechteg aon de generatie veur häöm.
Kurt Weill 1900 - 1950 Duits-Amerikaanse componis vaan meziektheater, de Dreigroschenoper in Duitsland, versjèllende musicals in de VS, boe-in door vervreemden amusemintsmeziek 'n politieke kemissie weurt euvergebrach. Bundesarchiv Bild 146-2005-0119, Kurt Weill.jpg
Felix von Weingartner 1863 - 1942 Sinds 1919 Felix Weingartner; Oosteriekse componis en pianis, heel 'ne laatromantische stijl aon. Felix Weingartner.jpg
Jacques de Wert 1535 - 1596 Antwerpse, in Italië wèrkende componis vaan madrigaole.
Charles-Marie Widor 1844 - 1937 Fransen organis en componis, späölde 'n groete rol in de opleving vaan de Franse örgelkuns. Haolde inspiratie bij Franck, meh ouch bij Duitse meisters wie Reger. Voont de zoegeneumde 'örgelsymfonie' oet. Charles-Marie Widor (2).jpg
Henryk Wieniawski 1835 - 1880 Poolse violis en componis, wèrkzaam in Rusland; vaan belaank in de oontwikkeling vaan de viooltechniek in 't algemein en de Russische Sjaol in 't bezunder. Wieniawski Henryk.png
Philip van Wilder ca. 1500 - 1554 Vlaomse componis in deens vaan keuning Hendrik VIII vaan Ingeland; sjreef dao geisteleke werke in de ars perfecta.
Adriaen Willaert ca. 1490 - 1562 Vlaomse componis vaan kèrkmeziek; 't groet veurbeeld veur theoretici vaan 't contrapunt veur de opkoms vaan Palestrina en daomèt geassocieerd mèt de ars perfecta. Adrian Willaert.jpg
Wipo 11en iew Duitse monnek, componis vaan de paossequens Victimae paschali laudes.
Oswald von Wolkenstein ca. 1376 - 1445 Late Minnesänger, sjreef ouch polyfoon Minnesänge. Oswald von Wolkenstein 2.jpg
Hugo Wolf 1860 - 1903 Oosterieks-Sloveense componis vaan lejer in chromatische, laatromantische stijl. Hugo Wolf radiert von Schmutzer.jpg
Ermanno Wolf-Ferrari 1876 - 1948 Italiaans-Duitse componis vaan opera's in d'n Italiaanse stijl. Ze gónge dèks in Duitsland en première en höbbe daorum es regel 'n Duitstaolege versie. Ermanno Wolf-Ferrari 1906.jpg
Wöllem IX vaan Aquitanië 1071 - ca. 1127 Hertog en troubadour; d'n ierste middeliewsen diechter in de volkstaol vaan wee werk is bewoerd gebleve. William IX of Aquitaine - BN MS fr 12473.jpg

X[bewirk | brontekst bewerken]

Componis Leve Umsjrieving Pleetsje
Jannis Xenakis 1922 - 2001 Γιάννης Ξενάκης, Iannis Xenakis, Grieks-Franse componis en arsjitek, oontwikkelde es reactie op 't serialisme de stochastische meziek, dee ziech minder op de individueel note meh mie op de ganse structuur riech. Had wijers 'ne veurkäör veur glissandi. XenakisMDaniel.jpg

Y[bewirk | brontekst bewerken]

Componis Leve Umsjrieving Pleetsje
La Monte Young * 1935 Amerikaanse componis, sterk geobsedeerd mèt kwinte en rein stumminge. Vaan groeten invlood op Terry Riley, algemein erkind es de stiechter vaan de minimal music.
Eugène Ysaÿe 1858 - 1931 Belzje violis en componis, bleef veural bekind door zien virtuoos composities veur viool solo. EugèneYsaÿe.jpg

Z[bewirk | brontekst bewerken]

Componis Leve Umsjrieving Pleetsje
Frank Zappa 1940 - 1993 Amerikaansen avant-gardepopmusicus dee gans naodrökkelek zien inspiratie bij modern componiste wie Varèse (en bij modernen jazz) haolde. Sjreef zelf neve zie popwerk ouch modern-klassieke stökker, die heer door 't Ensemble InterContemporain mèt Boulez leet oetveure. Zappa 16011977 01 300.jpg
Gioseffe Zarlino 1517 - 1590 Italiaonse componis en meziektheoreticus. Stèlde aon de hand vaan de groete polyfoniste invloodrieke regele veur 't contrapunt op. Had väöl invloodrieke musici oonder zien lierlinge, boe-oonder Claudio Merulo en Vincenzo Galilei, dee de polyfone stijl later hel zouw aonvalle. Gioseffo Zarlino.jpg
Carl Friedrich Zelter 1758 - 1832 Duitse componis en dirizjènt, liermeister vaan Mendelssohn. In zien lejer wiek heer es eine vaan de ierste aof vaan 't volksleedechtege ideaol um 't klaveer mie ruimte te geve. Carl-Friedrich-Zelter.jpeg
Alexander von Zemlinsky 1871 - 1942 Sinds 1919 Alexander Zemlinsky; Oosteriekse componis en dirizjènt vaan laatromantische meziek, boe-oonder twie symfonieë. Zie wèrk heet 'n hoeg kwaliteit meh haolt 't neet bij tiedgenoete wie Mahler, Schönberg en Berg. Zemlinsky.jpg
Anton Zimmermann 1741 - 1781 Oosteriekse componis vaan vreug-klassieke werke, oonder mie striekkwartètte.
Bernd Alois Zimmermann 1918 - 1970 Duitse componis, sloot ziech bij de nao-oorlogse avant-garde en de Sjaol vaan Darmstadt aon en góng seriële meziek sjrieve. Bekind woort zienen opera Die Soldaten, dee dèks is vergeleke mèt Wozzeck vaan Alban Berg.
Niccolò Antonio Zingarelli 1752 - 1837 Italiaanse componis vaan veural opera's. Nicola Antonio Zingarelli.jpg
Heinrich Zöllner 1854 - 1941 Duitse componis en dirizjènt, naovolger vaan Wagner.
Johann Rudolf Zumsteeg 1760 - 1802 Oosteriekse componis vaan dramatisch werk en leedechtege ballades. JohannRudolfZumsteeg.jpg
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Lies_van_componiste&oldid=360828"