Frédéric Chopin

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Chopin, 1835

Frédéric-François Chopin (gebore es Fryderyk Franciszek Chopin; Zelazowa Wola, Pole, 1 miert 1810 - Paries 17 oktober 1849) waor 'ne Poolse componis vaan veurnaomelek werke veur piano solo. Same mèt Franz Liszt weurt heer es eine vaan de groondlègkers vaan de romantische pianistiek en eine vaan de groetste pianiste vaan alle tije gezeen.

Leve[bewirk | brontekst bewerken]

Chopin woort gebore es zoon vaan 'ne Franse vajer en 'n Poolse mojer. Al mèt 7 jaor begós heer te componere. In 1826 góng heer nao 't conservatorium in Warschau veur piano te studere. In 1831 vestigde heer ziech iers in Wene, later in Paries, boe heer naom maakde es componis en pianis vaan veural zien eige werk. Heer späölde väöl in salons en gaof veer oor per daag pianolès.

In de jaore daarteg begós heer aon tuberculose te lije, boeveur heer in de winter vaan 1838 tot 1839 op Mallorca verbleef same mèt de sjrijfster George Sand (pseudoniem vaan Amandine-Aurore-Lucile Dupin), die dao, op doktersadvies verbleef mèt häör twie kinder, boevan zoon Maurice reumatisch waor. Sinds 1836 had Chopin 'n relatie mèt häör. In de zomer woende ze in alle rös op 't landgood van Sand in Nohant in de Creuse.

Oondanks zien slechte gezoondheid bleef heer componere tot zienen doed op 17 oktober 1849. Heer ligk begraove op 't fameus Père Lachaise-kèrrekhof in Paries, meh zie hart woort op zien verzeuk ingemetseld in 'ne pileer vaan de kèrk vaan 't Heilig Kruus in Warschau.

Werke[bewirk | brontekst bewerken]

Piano solo[bewirk | brontekst bewerken]

Piano en orkes[bewirk | brontekst bewerken]

Aander werke[bewirk | brontekst bewerken]

Commons
Op de pazjena Category:Frederic Chopin van Wikimedia Commons zeen media gerelateerd aan dit óngerwerp te vènje

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Frédéric_Chopin&oldid=349166"