Alaska

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Veendel vaan Alaska
Alaska en de res vaan Amerika

Alaska (aofkorting: AK) is ein vaan de staote vaan de VS. 't Heet 'n oppervlak vaan 1.481.347 km², en is daomèt de groetste staot vaan de VS qua oppervlak. 't Heet evels mer 655.435 inwoeners. De staot weurt ouch wel De Lèste Grens (The Last Frontier) geneump. De hoofstad vaan Alaska is Juneau.

Historie[bewirk | brontekst bewerken]

Tot 1867 huurde de staot bij Rusland, mer woort verkoch aon de VS veur $ 7,2 miljoen dollar. Allewijl weurt Alaska nog wel 's veur de grap Russisch Alaska geneump. In 1964 woort de staot getroffe door de Gooie Vriedeg Eerdbeving, aongezeen deen eerdsjók gebäörde op 'ne Gooie Vriedeg. 't Koste 131 lui 't leve.

De zeve klein stare op de vlag vaan Alaska zien geplaots nao 't evebeeld vaan de kläöregste sterre vaan 't starebeeld de Groete Beer (de Steelpan), dewijl de groete staar Polaris symboliseert.

Benny Benson (de bedinker vaan de vlag) sjreef weier euver de symboliek:

Cquote1.png The blue field is for the Alaska sky and the forget-me-not, an Alaskan flower. The North Star is for the future state of Alaska, the most northerly in the union. The Dipper is for the Great Bear — symbolizing strength.
Cquote2.png

(Limbörgse vertaoling: 't Blauw veld steit veur de loch vaan Alaska en 't Myosotis, 'n Alaskaanse blom. De Poolster steit veur de touwkomstege staot Alaska, de mies noordeleke in de unie. De Steelpan steit voor de Groete Beer, dee krach veurstèlt.)

Geografie[bewirk | brontekst bewerken]

Alaska grens allein (in het ooste) aon Canada en aon gein aander staot of land. 't Ligk veur 't groetste deil in de Alaska-tiedzone terwijl e deil vaan de Aleoete in de Aleoete-Hawaï tiedzone ligke. 't Noorde vaan Alaska kump tot boven de poolcirkel.

1rightarrow.png Betrach Lies vaan arrondissemente in Alaska veur 't hoofartikel euver dit óngerwerp.

In tegedeil tot 48 aander staote in de VS (Louisiana heet "parishes") heet Alaska gein graofsjappe, mer arrondissemente. Arrondissemente zien get groeter daan graofsjappe, mer de groond veurwat Alaska arrondissement heet is umtot Alaska in d'n tied tot de graofsjappe woorte ingeveurd nog neet bij de VS huurde. In totaol heet Alaska 16 arrondissemente.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Alaska&oldid=344054"