Groete Beer

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Kaart vaan 't starebeeld Groete Beer.

De Groete Beer (Ursa Maior[1]) is 'n starebeeld of constellatie, wat aon de noorderhiemel te zien is. Umtot 't circumpolair is, is 't 't gaanse jaor te zien ('t geit noets oonder). 't Is te herkinne aon d'n hiemel door 't asterisme bestaond oet 7 stare wat in Nederland de Steelpan weurt geneump. De Steelpan kin gebruuk weure veur 't opzeuke vaan aander stare (beveurbeeld door 'n lijn te trèkke van ß nao α en die daan weier door te trèkke kumps te bij Polaris, de Poolster).

De twiede staar vaan de steel in de Steelpan, Mizar (aongegeve door ζ in de kaart) is eigelek 'n visuele dobbelstaar en 'n spectroscopische dobbelstaar (heer besteit oet minstens 4 stare), daoneve vörmp de staar ouch nog 'n dobbelstaar mèt Alcor, 't "Ruiterke".

De naom vaan 't starebeeld weurt al sinds iewe in versjèllende culture geassocieerd mèt 'n berin. De Nederlandse naom is daan ouch eigelek fout, 't zouw Groete Berin mote zien. De naom verwijs nao de godin Artemis die es Groete Berin de loup vaan de stare regeerde.

In de Groete Beer zien tamelek väöl mèlkweegstèlsels te vinde, zuuch heiveur de lies vaan Messierobjekte.

Externe link[bewirk | brontekst bewerken]

Referenties[bewirk | brontekst bewerken]

  1. De door de Internationale Astronomische Unie opgegeve officieel spelling vaan de naom vaan dit starebeeld is Ursa Maior, de spelling Ursa Major weurt evels ouch väöl gebruuk.
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Groete_Beer&oldid=345150"