Mizar

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Mizar en Alcor

Mizar (zeta Ursae Maioris) is 'n staar in 't starebeeld Groete Beer (Ursa Maior). 't Is de twiede staar in de steel vaan 't asterisme de Steelpan. Same mèt Alcor vörmp Mizar ouch weer 'n asterisme, "Peerd en Ruiter" geneump. Mizar ligk zoe'n 78 leechjaor vaan de Eerd verwijderd.

't Is de iers oontdèkte visueel dobbelstaar (woersjienelek in 1617 door Benedetto Castelli, 'ne lierling vaan Galileo, allewel Riccioli dèks weurt vermeld es oontdèkker in 1650) en de iers oontdèkte spectroscopische dobbelstaar (in 1889 door Pickering). In dit geval zien alletwie de stare vaan de visueel dobbelstaar eder weer dobbelstare. Dit beteikent tot de staar oet minstens 4 kleiner stare besteit. Ouch Alcor is 'n dobbelstaar. D'n aofstand tösse Mizar en Alcor is bijnao 3 leechjaor, en allewel ze dezelfde eigebeweging höbbe weure ze neet es echte dobbelstaar besjouwd.

Eexterne link[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Mizar&oldid=341604"