Starebeeld

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Dit artikel geit euver astronomische starebeelde. Veur astrologische starebeelde zuug Astrologie

'n Starebeeld woar vaan aajdsheer 'n verzameling stare die 'n figuur vörme es ze door lijne zouwe weure verboonde. In de modern astronomie is 'n starebeeld 'n internationaal aofgesproke deil vaan d'n hiemelbol. De stare lieke kort bie-ein te stoon, mer in de praktijk ligke ze miestal hiel wied oeterein.

Historie[bewirk | brontekst bewerken]

Al bij de Grieke waor 'n lies vaan starebeelde opgestèld door Claudius Ptolomaeus. Väöl vaan de naome vaan de starebeelde die vaanaof 't noordelek haafroond te zien zien die heer gebruukde weure nog steeds gebruuk. Die naome koume veural oet de Griekse of Romeinse mythologie of vaan bieste.

Later, wie de wereld mie en mie oontdèk woort, woorte de nui starebeelde nao navigatiehölpmiddele en aander, in deen tied high-tech, zake geneump, wie de microscoop.

De indeiling vaan allewijl is veurnaomelek gebaseerd op de stare-atlas oet 1603 dee woort oetgegeve door Johannes Bayer.

Roond 1930 heet de Internationale Astronomische Unie (IAU) de perceize begrenzinge op d'n hiemelbol vaan alle 88 starebeelde vasgelag. De begrenzing maak 't meugelek um aander objekte in zoe'n gebeed te kinne beneume.

Aander starebeeldsysteme[bewirk | brontekst bewerken]

Chinees[bewirk | brontekst bewerken]

1rightarrow.png Betrach Chinese starebeelde veur 't hoofartikel euver dit óngerwerp.

De Chinese starebeelde wieke gaans aof vaan de westerse starebeelde. Dit kump umtot de Chinese astromie ziech gaans aofzunderlek vaan de westerse astronomie heet oontwikkeld.

Indiaans[bewirk | brontekst bewerken]

1rightarrow.png Betrach Jyotiṣa veur 't hoofartikel euver dit óngerwerp.

In de Vedische astrologie weure ouch 12 dierereem-teikes gebruuk. Die correspondere rechstreeks mèt die vaan de westerse astrologie.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Starebeeld&oldid=342569"