UEFA Europa League 2019/20

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


De UEFA Europa League 2019/20 is 'n Europees voetbaltoernooj veur clubs. 't Is 't twiede Europees toernooj, zjus oonder de UEFA Champions League datzelfde jaor. 't Weurt de 49e kier tot d'n twieden Europese beker weurt gespäöld, en d'n èlfde kier tot dit oonder de naom Europa League gebäört. De veurrundes beginne op 27 juni, de eigeleke competitie (dat wèlt zègke de grópsfaas) op 19 september. De finaal is op 27 mei 2020 in 't Stadion Energa Gdańsk in Gdańsk (Pole). In totaol doen neet minder es 215 clubs aon mèt 't toernooj (inclusief alle veurrundes, kwalificatierundes en play-offs): 158 direk geplaotsde plus nog 57 clubs die via de Champions League instroume.

Plaotse en instroummeminte[bewirk | brón bewèrke]

De mieste len mage drei clubs aofveerdege: de bekerwinner en twie clubs oet de (sub-)top vaan de competitie. Veur 't daarde ticket weure dèks (oonder mie in 't Belsj en Nederland) play-offs gehawwe. Es de bekerwinner al nao de Champions League maag, trejje vervaangende regele in wèrking. Bekaans alle len veerdege drei len aof, met oetzundering vaan de veer minste voetballen (die mer 1 of 2 teams sjikke) en Liechtenstein, boevaan de clubs in de Zwitserse competitie speule en boe dus allein 'ne bekerwinner vaandan kin koume. 't Memint vaan instappe versjèlt evels sterk. Op basis vaan de UEFA-coëfficiëntelies weurt bepaold wienie (vaan ierste veurrunde tot de grópsfaas) de clubs mage instroume.

Oonderweeg zalle nog diverse clubs oet de Champions League instroume: de verleerders vaan de diverse kwalificatie- en play-offsrundes zoewie de daardes vaan de grópsfaas oet dat toernooj stroume allemaol in de Europa League in. Details dao-euver vint me heioonder.

Pos. Boond Coëff. Clubs Instroum
1. Spaanje 106,998 3 GF, GF, KW2
2. Ingeland 79,605 GF, GF, KW2
3. Italië 76,249 GF, GF, KW2
4. Duitsland 71,427 GF, GF, KW2
5. Fraankriek 56,415 GF, GF, KW2
6. Rusland 53,382 GF, KW3, KW2
7. Portugal 47,248 GF, KW3, KW2
8. Oekraïne 41,133 GF, KW3, KW2
9. Belsj 38,500 GF, KW3, KW2
10. Turkije 35,800 GF, KW3, KW2
11. Oosteriek 32,850 GF, KW3, KW2
12. Zwitserland 30,200 GF, KW3, KW2
13. Tsjechië 30,175 KW3, KW2, KW2
14. Nederland 29,749 KW3, KW2, KW2
15. Griekeland 28,600 KW3, KW2, KW2
16. Kroatië 26,000 KW3, KW2, KW1
17. Denemarke 25,950 KW3, KW2, KW1
18. Israël 21,750 KW3, KW1, KW1
19. Cyprus 21,550 KW2, KW1, KW1
Pos. Boond Coëff. Clubs Instroum
20. Roemenië 20,450 3 KW2, KW1, KW1
21. Pole 20,125 KW2, KW1, KW1
22. Zwede 19,975 KW2, KW1, KW1
23. Azerbeidzjan 19,125 KW2, KW1, KW1
24. Bulgarije 19,125 KW2, KW1, KW1
25. Servië 18,750 KW2, KW1, KW1
26. Sjotland 18,625 KW1, KW1, KW1
27. Wit-Rusland 18,625 KW1, KW1, KW1
28. Kazachstan 18,125 KW1, KW1, KW1
29. Noorwege 17,425 KW1, KW1, KW1
30. Slovenië 14,500 KW1, KW1, KW1
31. Liechtenstein 13,000 1 KW1
32. Slowakije 12,125 3 KW1, KW1, KW1
33. Moldavië 10,000 KW1, KW1, KW1
34. Albanië 8,500 KW1, KW1, KW1
35. Iesland 8,250 KW1, KW1, KW1
36. Hongarije 8,125 KW1, KW1, KW1
37. Noord-Macedonië 7,500 KW1, KW1, KW1
Pos. Boond Coëff. Clubs Instroum
38. Finland 6,900 3 KW1, KW1, KW1
39. Ierland 6,700 KW1, KW1, KW1
40. Bosnië-Herzegovina 6,625 KW1, KW1, KW1
41. Letland 5,625 KW1, KW1, KW1
42. Esland 5,500 KW1, KW1, KW1
43. Litouwe 5,375 KW1, KW1, KW1
44. Montenegro 5,000 KW1, KW1, KW1
45. Georgië 5,000 KW1, KW1, KW1
46. Armenië 4,875 KW1, KW1, KW1
47. Malta 4,500 KW1, KW1, KW1
48. Luxembörg 4,375 KW1, KW1, VR
49. Noord-Ierland 4,250 KW1, VR, VR
50. Wales 3,875 KW1, VR, VR
51. Faeröer 3,750 KW1, VR, VR
52. Gibraltar 3,000 2 VR, VR
53. Andorra 1,331 VR, VR
54. San Marino 0,499 VR, VR
55. Kosovo 0,000 1 VR

Veurrunde[bewirk | brón bewèrke]

Aon de veurrunde doen 14 teams mèt oet de zeve zwaakste voetballen (zuug bove). De zeve sterkste clubs (op basis vaan de clubcoëfficiënt, neet op basis vaan de landecoëfficiënt) kriege besjermde status: ze zitte in dezelfde pot en kinne neet tegenein weure geloot. De veurrunde weurt in twie deile gespäöld, op 27 juni en 4 juli.

Ierste kwalificatierunde[bewirk | brón bewèrke]

De veer winners vaan de veurrunde stroume hei in, zoe good wie 87 nui clubs, veural oet modaol tot zwake voetballen (meh zuug bove). Dit maak dus 94 clubs. Ouch hei kriege de bèste 47 (op basis vaan de clubcoëfficiënt) 'ne besjermde status bij de loting. De ierste kwalificatierunde weurt in twie deile gespäöld, op 11 en 18 juli.

Twiede kwalificatierunde[bewirk | brón bewèrke]

Neve de 47 winners vaan de ierste runde stroume hei ouch 27 clubs oet maoteg sterke voetballen in. Die 74 clubs voetballe weer op dezelfde meneer tegenein: geloot in 37 paore sterk-zwaak, boevaan de winners nao de volgende runde doorgoon.

Dao bovenop koume nog de 16 verleerders vaan de ierste kwalificatierunde oet de Champions League, en de drei verleerders vaan de drei verleerders vaan de veurrunde veur datzelfde toernooj. Dat maak dus 19 clubs; umtot dat 'n ooneve getal is, weurt ein vaan de clubs oet de ierste runde vrijgeloot en geit direk door nao de daarde runde. De euverege achtien clubs speule weer in nege pare sterk-zwaak tegenein.

De hei instroumende clubs mote in de veurrundes gesjeie blieve vaan de clubs die direk nao de Europa League goon. De UEFA heet naomelek 't exak aontal landskampioene en neet-landskampioene vasgestèld wat de grópsfaas moot hole. Daorum weure die in de veurrundes neet tegenein geloot, meh gief 'n apaarte "kampioeneroute" en "ligaroute".

De twiede kwalificatierunde weurt gespäöld in twie matche, op 25 juli en 1 augustus.

Daarde kwalificatierunde[bewirk | brón bewèrke]

Hei stroume dus 47 clubs nao door: 37 oet de ligaroute en tien oet de kampioeneroute (boevaan ein vrijgelote). Dao koume bij: twelf of daartien clubs oet de subtop vaan Europa en twelf of daartien verleerders vaan de twiede kwalificatierunde oet de Champions League, boevaan tien veur de kampioeneroute en drei veur de ligaroute. Dat maak dus 72 clubs, verdeild volgens de bekinde paore sterk-zwaak.

De daarde kwalificatierunde is op 8 en 15 augustus.

Play-offrunde[bewirk | brón bewèrke]

Neve de 36 doorstroumende winners koume hei nog zès verlerende clubs oet de daarde kwalificatierunde vaan de Champions League binne. 't Geit hei allein um landskampioene (veur de ligaroute: zuug oonder). In totaol maak dat 16 landskampioene en 26 neet-kampioene, die hei dus um 8 respectievelek 13 plaotse speule.

De play-offs weure gespäöld op 22 en 29 augustus.

Grópsfaas[bewirk | brón bewèrke]

Aon de grópsfaas doen 48 clubs mèt: de 21 doorstroumende clubs oet de play-offs, 17 nui instroumende clubs oet de sterkste voetballen (zuug bove), de zès verleerders vaan de play-offs in de Champions League en de veer verleerders vaan de daarde kwalificatierunde op de "ligaroute". Dees 48 clubs weure in 12 poules vaan veer verdeild, die in zès späöldaog allemaol twie kier tegenein speule. Vaan eder poule goon de bèste twie door nao de knock-outrundes. De grópsfaas begint op 19 september en löp tot en mèt 12 december.

Knock-outfaas[bewirk | brón bewèrke]

Heiveur plaotse ziech dus 24 clubs oet de grópsfaas. Daobij koume nog ach clubs die daarde zien gewore in de grópsfaas vaan de Champions League. Dat gief e totaol vaan 32, wat es mach vaan 2 wèrkbaar is veur 'n knockoutrunde.

Zèstiende finales[bewirk | brón bewèrke]

Op 20 en 27 fibberwarie.

Achste finales[bewirk | brón bewèrke]

Op 12 en 19 miert.

Kwartfinales[bewirk | brón bewèrke]

Op 9 en 16 aprèl.

Haaf finales[bewirk | brón bewèrke]

Op 30 aprèl en 7 mei.

Finaal[bewirk | brón bewèrke]

Op 27 mei.