Robert Fico
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Robert Fico (gebore op 15 september 1964 in Topoľčany) is ‘ne Slowaakse politicus en leier vaan de linkse partij SMER. Sinds oktober 2023 is heer premier vaan Slowakije, ‘n positie die heer al twie kier ierder heet bekleid (2006-2010 en 2012-2018).
Slowakije sloot op 1 jannewarie 2009 ziech aon bij de Eurozone oonder leiing vaan Fico. Tegeliekertied drukde Fico op versjèllende gelegenhede sterke kritiek oet op de Europese Unie en versterkde heer de ben mèt len wie Servië en Rusland. In kwesties wie de Russisch-Georgische Oorlog in 2008 en later de annexatie vaan de Krim, stong Fico prominint aon de kant vaan Rusland. Fico erkint de onaafhankelikheid vaan Kosovo ouch neet. Volges Fico zien dees posities gebaseerd op "Slavische solidariteit".
Ind februari 2018 woort de Slowaakse journalis Ján Kuciak same mit zien vriendin vermaor. Kuciak had de ben tösse Fico-adviseurs en de Italiaanse maffia oonderzoch. Kritiek op Fico en zien passief beleid te opziechte vaan corruptie leide tot ‘t oontslaag vaan de premier nao de maord. Ziene partijcollega en vice-premier Peter Pellegrini woort veurgestèld es ziene opvolger. Fico naom weer ‘ne zedel in ‘t Slowaakse parlemint en bleef ouch partijleier vaan SMER.
In september 2023 voonte in Slowakije vreug parlemintsverkezinge plaots, boe-in Fico zien partij weer de groetse in ‘t land slaagde te zien. SMER verweerf roondum 23% vaan de stumme en 42 zedele. De verkezinge krege ouch väöl aandach boete Slowakije vaanwege Fico zien pro-Russische posities roond de Russische invasie vaan Oekraïne. Zien intentie um de Slowaakse militaire hulp aon de naburige Oekraïne te stoppe, veroerzaakde oonrus binne de Europese Unie en de NAVO. Fico smeide ‘n regeringscoalitie mit de HLAS-partij vaan Peter Pellegrini en de radicaol-rechse Slowaakse Nationaol Partij. Op 25 oktober 2023 naom heer veur de daarde keer ziene ambt es premier vaan Slowakije.
Op 15 mei 2024 raakde Fico ernstig gewoond bij ‘n sjeetpartij in Handlová, 150 km vaan de hoofstad Bratislava. Nao de sjeetpartij woort 'ne 71-jaorege verdachte onmiddellik gearresteerd.
 Polletieke leiers in d'n Europese Raod: regeringshoufde (RH) of sjtaotshoufde (SH) van de lidjstaote van de Europese Unie
|
|---|
| António Costa, President vaan d'n Europese Raod (gein sjtömrech), Ursula von der Leyen, President vaan de Europees Kemissie (gein sjtömrech)
|
 Belsj: De Croo (RH) |  Bulgarieë: Glavchev (RH) |  Cyprus: Christodoulides (SH) |  Daenemarke: Frederiksen (RH) |  Duutsjlandj: Scholz (RH) |  Eslandj: Michal (RH) |  Finlandj: Orpo (RH) |  Frankriek: Macron (SH) |  Griekelandj: Mitsotakis (RH) |  Hongarieë: Orbán (RH) |  Ierlandj: Harris (RH) |  Italië: Meloni (RH) |  Kroatië: Plenković (RH) |  Letlandj: Siliņa (RH) |  Litouwe: Nausėda (SH) |  Luxembörg: Frieden (RH) |  Malta: Abela (RH) |  Nederlandj: Schoof (RH) |  Oesteriek: Nehammer (RH) |  Pole: Tusk (RH) |  Portugal: Montenegro (RH) |  Roemenië: Iohannis (SH) |  Sjlowakieë: Fico (RH) |  Sjlovenië: Golob (RH) |  Sjpaanje: Sánchez (RH) |  Tsjechië: Fiala (RH) |  Zjwaeje: Kristersson (RH)
|