Nirve
Dit artikel is gesjreve (of begós) in 't Nuts. Laes hie wie v'r mit de versjillende saorte Limburgs ómgaon.
Nirve (Nederlands: Nierhoven) is 'n buurtsjap va Nut in de gemeinte Baekdale in Zuud Limburg. De häöëf en hoeëzer bevinge zich aan d'r waeëg Nirve, gelaeëge tösje Griëzegröbbe en Kamp, woeë-aa aoch Hoes Nirve gelaeëge is. Dit Landhoeës sjtamp oeët ca 1550. In 't biebehuurende lieëger gelaeëge park aan d'r uuëverkant va d'r waeëg, ligke groeëte vösjvieversj. Door dit dal sjtruimp de Pletsjbaek. Aan d'r uuëverkant van de baeëk bevingk zich 't gehuch Tervoeësj.
Hoes Nirve besjteet oeët 'ne baksjteine, gesjlote hieërehaoëf mèt binneplei, daeë te bereike is via 'ne paoërtgaeëvel mèt koepeldaak. Op 't woeënhoeës, mèt tösjedörpelvènstere, hingk in ankersj 't jaoërtal 1679. Naeëvebie sjteet 'n sjuur in sjpeklaoge. Bie 't complex huurt aoch 'n kapel mèt altaor oeët d'r 18e ieëw.
| Dörper: Awstroa · Bèngelder · Doevergenhout · Doonder · Hölsberg · Jaobik · Merkelbek · Nut · Oeësjbik · Pöt · Sjènne · Sjilvend · Sjömmert · Vaosje · Wienesrao · Zjweikese | |
| Buurtsjappe en gehuchte: Aolbaek · Arensgenhout · Billich · Brand · Brómmele · Doeve · Gekruts · De Grach · Griêzegröbbe · Groat Hazel · Groeët Doonder · G'n Heisterbrök · G'n Hèk · Hout · Ieëtselder · G'n Hèl · Hèllebrook · Hómmert · Hunnekem · Kamp · Kathage · Kleen Doonder · Klein Hazel · Kleingenhout · Kwabik · Laor · Lui · Nagelbek · Nirve · Oansel · Op de Bies · Op d'n Hiering · Oppeven · Raat · G'n Reuke · Tersjtraote · Tervoeësj · Töl · G'n Veel · Vink · Wisjegrach · Woufhage · Zjwier | |