Maer (Nederlands Limburg)

Dit artikel is gesjreve (of begós) in 't Maersj. Laes hie wie v'r mit de versjillende saorte Limburgs ómgaon.

---

Maer (Mheer) Gewaeze gemeinte in Nederlandj
Gevörmp	?
Opgehaeve	1982
Opgegange in	Mergraote
Provincie	Nederlands Limburg
Hoofplaats	Maer
Opperflaakde (bie opluffing)	8,98 km²
– daovan water:	0,0 km²
Inwoeners (kort veur opluffing)	1.355 (1971)
– deechde:	151/km²
Lies van börgemeisters

Kesjtieël va Maer

Maer (Nederlands: Mheer) is e dörp in de gemeente Èèsjde-Mergraote op 't plateau i Zuud Limburg an de Belzje grens. Pies 1982 waor Maer 'n zelfsjtendige gemeente. Daonao huërde 't pies 2011 bie de gemeente Mergraote. In 't dörp woëne in 2012 960 luuj. D'r naam kump va 't Middel-Nederlandse ma(e)rsch (moerasland).

Waope

---

De volgende sectie van dit artikel is gesjreve in 't Mestreechs.

---

Maer kraog pas op 28 juni 1967 vaan d'n Hoege Raod vaan Adel e waope touwgekind, wat ziech zoe liet umsjrieve:

Gekwartileerd: I. in keel (roed) drei zwaone vaan zèlver (wit), stoonde 2 en 1; II. in goud drei päöl vaan lazuur (blauw) mèt e sjèldhoof vaan keel, belaoje mèt 'n zèspuntege staar vaan goud; III. in keel e sjèld vaan zèlver, vergezèld vaan nege zuimsgewijs gezatte gouwe sjelpe, veer aon de bovenkant, 2 aon edere zijkant en ein aon d'n oonderkant; IV. in zèlver 'n geweerhaokde kram vaan sabel (zwart), mèt de eupening nao oonder.

't Waope is samegestèld oet de waopes vaan veer aw femilies: Van Mere (I), Van Liebeek (II), Van Imstenraedt (III) en Von Loh (IV).

Historische inwoenertalle

Maer waor tot aon d'n Twiede Wereldoorlog 'n kwakkelgemeinte, die eve dèks kroomp es tot ze greujde.

Jaor Aontal Greuj (gans Limbörg) 1830 872 -- 1840 867 -0,6% (+5,6%) 1849 970 +11,9% (+4,3%) 1859 1.017 +4,8% (+4,4%) 1869 916 -1,0% (+4,5%) 1879 930 +1,5% (+7,0%) 1889 816 -12,3% (+6,8%) 1899 878 +7,6% (+10,2%)

Jaor Aontal Greuj (gans Limbörg) 1909 866 -1,4% (+17,8%) 1920 899 +3,8% (+32,6%) 1930 954 +6,1% (+25,1%) 1947 1.094 +14,7% (+24,2%) 1956 1.178 +7,7% (+27,3%) 1960 1.196 +1,5% (+7,4%) 1971 1.355 +13% (+13,6%)

Opmerking

• Bij de volkstèlling vaan 1971 zien de inwoenertalle op ganse vieftalle aofgeroond. Gelèt op 't klein aontal inwoeners vaan Maer is 't greujciefer veur dat jaor daorum neet exakter es in ganse percinte.

Rillatief oontwikkeling vaan 1830 tot 1971

(v₁₈₃₀=100)

Greun: Gemeinte Maer
Blauw: Provincie Limbörg

Bezeenswaerdig

• Maer sjtaët op de nominatie um besjermp dörpsgezich te weëre.
• 't Kesjtiël va Maer
• Keërk in neo-gotische sjtiël dur Pierre Cuypers oet Remung
• Väöl bewaarde vakwerkhoezer en boerderieje
• Maria-Kapel
• RAF-monument dur d'r keunstenaer Charles Eyck
• De galg va Maer, tusje Bruusterbösj en Tebannet

Dörpsvereniginge

• Sjötteriej Sint Sebastianus, oet 1567
• Joonkhaed Sint Aloysius, oet 1690. De jonge plaante op d'r uursjte zotterdig va mei d'r mei-den
• Harmenie Sint Cecilea, de oudste harmenie va Nederland oet 1821
• Karnevalsvereniging de Sjravelerre
• Heemkunde Maer.
• Mheer voor Fako

Traditie

• Op d'r deensdig va de vurjaorskèrmes vingk 't Päölke Howwe plaatsj. De bielemanne van de sjötteriej howwe da in 't ganse dörp päölkes um en dan gaet de flesj, die d'r nevve sjtaet roond. De joonkhaed reijt da op de cramignons va de harmenie.

Trivia

• In juni 1763 sjtart d'r 7-jäörige Mozart mit 'n roondrèès dör Europa die 3 jaor zów dore. In september van dat jaor reest-e va Aoke, via Gulpe en Voere, nao Luuk. Dizze weëg va Gulpe nao Voere löp langs Maer över de Voeresjtraot en gaet da över i Sjnosberrig. D'r sjpäölfilm De valkenvalei handelt o.m. över dit bezeuk va Mozart a Maer. 'n Hoofdrol waoèrt gesjpäöld dör Brigitte Heitzer.

Sjriever

• Joep Leerssen, sjriëver en dichter in 't Maers, väörzitter van de commissie die wirkde väör de erkenning van 't Limburgs es Europese regionaal taal.