Brigitte Heitzer

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

Brigitte Heitzer (Haeële, 23 augustus 1979) is 'n Nederlandse zangeres en actrice va Ge Kruuts, 'n buurtsjap van Norbik. Heitzer wont in Sjeveninge, deelsjtad va Den Haag.

Ze won op 21 oktober 2007 't televisieprogramma Op zoek naar Evita en zal daodäör de hoofdrol vervulle in d'r musical Evita dae in 2008 in première zal gaoë.

Biografie

Heitzer keumt oet 'n muzikaal familie. Ze zong bie d'r zaank De Eendracht en sjpeulde toneel in toneelgroep De Bron. Later gong ze nao 't conservatorium en volgde 'n opleiding töt professioneel musicalactrice en zengeres.

Waerk

Hoofdrol in d'r Limburgstalige film De Valkevallei oet 1997 dae toneelgroep De Bron maakde mèt regisseur Jos Salden en cameraman Huub Bervoets. D'r film waoërt in 1998 oetgerope töt bètste amateurfilm va Nederland. Op 22 oktober 2007 waor 'n sjtökske oet dae film te zieë in 't actualitèteprogramma Pauw en Witteman
Understudy van Chantal Janzen vör de rol Beauty in d'r musical Beauty and the beast. Opveuring in o.m. Theater 't Vrijthof in Mestreech 2006.
Klènger rolle in ander musicals.
Hoofdrol in d'r musical Evita.

Externe link