Kabbinèt-Balkenende IV

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

't Kabbinèt-Balkenende IV waor e Kabbinèt vaan Nederland vaan 22 februari 2007 tot 14 oktober 2010. 't Kabbinètberöste op 'n coalitie vaan CDA, PvdA en ChristenUnie. Sinds de nach vaan 19 op 20 februari 2010 waor 't Kabbinèt demissionair. Nao 't valle vaan 't Kabbinèt kaomde verkezinge die 'n ind maakde aon Balkenendes premiersjap. De VVD'er Mark Rutte naom 't euver in zien controversiele minderheidscoalitie Kabbinèt-Rutte I.

Formatie

Nao de verkezinge veur de Twiede Kamer vaan 22 november 2006 waor de kamer sterk verdeild tösse linkse en rechse partije en waore de meugelekhede veur 'n coalitie beperk. E kabinet mèt CDA en PvdA laog evels wel wiedoet 't meiste veur de haand; zaak waor 'n daarde partij debij te vinde die veur 'n mierderheid kós zörge. Veural de PvdA stuurde aon op 'n coalitie mèt de SP. Nao korte oonderhandelinge oonder auspicië vaan Rein Jan Hoekstra bleek tot CDA en SP ziech oonderein neet verdroge en lepe de oonderhandelinge kepot. Nao 't keersrecès, op 3 januari 2007, begós me oonder leiing vaan CDA'er Herman Wijffels aon oonderhandelinge tösse CDA, PvdA en de ChristenUnie, die achter geslote deure geveurd woorte. Dit leide relatief snel tot e regeerakkoord, wat op 6 februari definitief goodgekäörd woort. Keuningin Beatrix beneumde Balkenende dao-op tot formateur. Op 14 februari waore alle ministers en staotssecretaire bekind. Opvallend waor tot bij 't CDA veural lui mèt ervaring in de lendeleke politiek woorte oetgekoze, dewijl de PvdA veural lui vaan boete D'n Haag aontrok.

't Motto vaan 't Kabbinèt luit Samen werken, samen leven. 't Beleid wie 't in 't regeerakkaord is aofgesproke is gemaoteg links en brik dudelek mèt 't liberaol beleid vaan zoewel de twie kabinette Kok es de ierste drei kabinette Balkenende.

Bezètting

Dao zien zestien ministers en elf staotssecretaire. 't CDA heet ach ministers en veer staotssecretaire, de PvdA zes ministers en zes staotssecretaire, de ChristenUnie twie ministers en eine staotssecretair.

Ministers

Jan Peter Balkenende	Minister van Algemein Zake, premier	CDA
Wouter Bos	Minister van Financië, vicepremier	PvdA
Maxime Verhagen	Minister van Boetelandse Zake	CDA
Ernst Hirsch Ballin	Minister van Zjustitie	CDA
Guusje ter Horst	Minister van Binnelandse Zake en Keuninkrieksrelaties	PvdA
Ronald Plasterk	Minister van Oonderwies, Cultuur en Weitesjap	PvdA
Eimert van Middelkoop	Minister van Defensie	CU
Camiel Eurlings	Minister van Verkier en Waterstaot	CDA
Maria van der Hoeven	Minister van Economische Zake	CDA
Gerda Verburg	Minister van Landbouw, Natuur en Voedselkwaliteit	CDA
Piet Hein Donner	Minister van Sociaol Zake en Werkgelegeheid	CDA
Ab Klink	Minister van Volksgezoondheid, Welzien en Sport	CDA
Jacqueline Cramer	Minister veur Miljeu (VROM)	PvdA
Bert Koenders	Minister veur Oontwikkelingssamewèrking (z.p., BuZa)	PvdA
Ella Vogelaar	Minister veur Woene, Wieke en Integratie (z.p., VROM)	PvdA
André Rouvoet	Minister veur Jäög en Gezin (z.p., VWS), vicepremier	CU

Staotssecretaire

Ank Bijleveld, Binnelandse Zake (CDA)
Frans Timmermans, Europese Zake (BuZa; PvdA)
Cees van der Knaap, Defensie: Personeel en Materieel (CDA); op 18 december 2007 opgevolg door Jack de Vries
Frank Heemskerk, Boetelandse Handel (EZ; PvdA)
Jan Kees de Jager, Fiscaol Zake (Financië; CDA)
Nebahat Albayrak, Vreemdelingezake en tbs-beleid (Zjustitie; PvdA)
Marja van Bijsterveldt, Oonderwies (CDA)
Sharon Dijksma, Kinderopvaank en Emancipatie (Oonderwies, PvdA)
Ahmed Aboutaleb, Arbeidsmerret, Werk en Bijstand, Lier- en Werkpliech en Sociaol Veurzeninge (SZW; PvdA)
Tineke Huizinga, Verkier en Waterstaot (CU)
Jet Bussemaker, Volksgezoondheid, Welzien en Sport (PvdA)

Plaetjes

Aboutaleb
Albayrak
Balkenende
Bijleveld
Van Bijsterveldt
Bos
Bussemaker
Cramer
Dijksma
Donner
Eurlings
Heemskerk
Hirsch Ballin
Van der Hoeven
Ter Horst
Huizinga
De Jager
Klijnsma
Klink
Van der Knaap
Koenders
Middelkoop
Plasterk
Rouvoet
Timmermans
Verburg
Verhagen
Vogelaar
De Vries

Verloup

De verhaajding tösse veural CDA en PvdA waor altied al oongemekelek, meh verslechterde tege 't ind vaan 2009. Gesjèlpunte waore 't rapport-Davids euver de Nederlandse steun aon d'n Twiede Golfoorlog (oonder 't kabinet-Balkenende II) en 't al of neet verlènge vaan de militair missie in Afghanistan. De PvdA waor tege 't lèste, dewijl veural de ministers vaan 't CDA daoveur waore. Euver allebei de oonderwerpe woorte in januari en februari 2010 lang oonderhandelinge geveurd; bij 't thema Afghanistan lökden 't neet um droet te koume. De bewindslui vaan de PvdA stapde dao-op oet 't kabinèt. In de week nao 20 februari woort beslote gei roomp-kabinèt te vörme (wie Balkenende III dat waor), meh demissionair door te goon mèt de aongebleve bewindslui vaan CDA en ChristenUnie. Nui verkezinge stoon veur 9 juli gepland.