Ella Vogelaar

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Ella Vogelaar in 2007.

Catharina Pieternella (Ella) Vogelaar (23 dieëtsember 1949, Steenbergen - 7 oktoeaber 2019, Utrech) waas 'n Nederlandjse politica veure PvdA.

Op 22 fibberwarie 2007 woort zie dore minister-prizzendèntj Jan Peter Balkenende beneump toet minister sónger portefeuille in zie veerdje kabinèt veur Wone, Wieken en Integraasje; det bleef zie toet 11 november 2008. Zie steit bekandj veuren aanpak vanne perbleemwieke, die me saerden ouch kèntj es de Vogelaarwieke.

In november 2008 kwaam zie inne perbleme door 't aafsjaffe vanne Verwiesindex Antilliane, e register van Antilliaanse perbleemjeug. Zie dieëj det kort op e bezeuk ane Antille, wersjienlik ónger Antilliaansen drök, sónger veuraaf steun te zeuke bieje achterban of 't parlemènt. Eberhard van der Laan naam Vogelaar zien taken es minister euver.

Op 7 oktoeaber 2019 plieëgdje Vogelaar zelfmaord; zie leej al gelangentied aan depressie.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Ella_Vogelaar&oldid=438167"