Frans Timmermans (politicus)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Frans Timmermans

Franciscus Cornelis Gerardus Maria (Frans) Timmermans (Mestreech, 6 mei 1961) is 'ne Nederlands-Limbörgse politicus veur de Nederlandse PvdA. Heer waor polliticus veur de Europese S&D en d'n allewijlege vice-prizzedent vaan de Europese Kemissie. Heer zaot vaan 19 mei 1998 tot 2006 in de Twiede Kamer. In 't Kabbinèt-Balkenende IV waor 'r staotssikkertaris veur Europese Zake en heer maakde, es einege staotssikkertaris, deil oet vaan de wekelekse Ministerraod. In 't boeteland waor Timmermans de Nederlandse minister van Europese Zake. Timmermans maakde daonao e paar jaor deil oet vaan de Nederlandse dillegatie vaan de Raod van Europa en pleitde sinds einegen tied veur 'n depollitisering van 't amb vaan de veurzitter. Wie in 2012 de PvdA weer in de regering góng (kabinèt-Rutte II), woort Timmermans minister vaan Boetelandse Zake.

Timmermans waor naomes de Europese sociaol-democraote in 2019 liestrèkker vaan de S&D um prizzedent vaan de Europese Kemissie te weure. Zien alliantie kaom evels twiede. Heer waor sinds dat jaor vice-prizzedent vaan de Europese Kemissie en Commissaris vaan Klimaot oonder leiing vaan Kemissie-prizzedent Ursula von der Leyen.

Jäög en studie

E deil vaan zien jäög brach heer in 't boeteland door, oonder mie in Breusel, Paries en Roeme, boe heer ouch nao 'n internationaol sjaol góng. Heer maakde zien middelbaar sjaol aof aon 't Bernardinus Colleesj in Heerle en góng daonao vaan 1980 tot 1985 in Nimwege Frans studere. 't Lèste jaor vaan zien studie brach heer aon de universiteit vaan Nancy door, boe heer ouch Europees Rech doog.

Diplomatiek en polletiek

Nao e jaor deenspliech en e jaor diplomaotesjaol vervölde heer versjèllende diplomatieke functies, oonder mie op de Nederlandse ambassaad in Moskou en es adviseur veur minderhede vaan Max van der Stoel, hoege commissair bij de OVSE. In 1998 woort heer in de Twiede Kamer gekoze. Bij alle verkezinge die daonao kaome (2002, 2003 en 2006) woort 'r herkoze. In 't parlemint heel 'r ziech veural bezeg mèt Europa en defensie en waor 'r vice-veurzitter vaan de vaste kemissie veur Boetelandse Zake.

Op 13 februari 2007 droog de PvdA häöm veur es staotssikkertaris vaan Boetelandse Zake in 't Kabbinèt-Balkenende IV. In 't Kabbinèt-Rutte II, wat in 2012 kaom, woort heer minister op 'tzelfde departemint. In 2014 woort heer veurgedrage es eurocommissair en zelfs es vice-veurzitter vaan de Europese Kemissie.

In Europa waor heer de jaore daonao veural belas mèt 't klimaotbeleid, get boeveur heer väöl erkinning kraog. In de zomer vaan 2023 woort heer trökgerope nao de Nederlandse polletiek. Heer woort veurgedrage um de gecombineerde fractie vaan PvdA en GreunLinks te goon aonveure. 'n Groete mierderheid vaan allebei de partije stumde daomèt in. In augustus 2023 woort heer per referendum definitief es liestrèkker gekoze.

Privé

Timmermans woent in Breusel en Heerle. Heer steit bekind um zien oetgebreide taolekinnes. Neve Limbörgs en Nederlands sprik heer vleujend Ingels, Duits, Frans, Italiaons en Rössisch.

Externe link

• Website op PvdA.nl