Gäöl (dörp)

Dit artikel is gesjreve (of begós) in 't Gäöls. Laes hie wie v'r mit de versjillende saorte Limburgs ómgaon.

---

Gäöl (Geulle) Gewaeze gemeinte in Nederlandj
{{{locatie}}}
Gevörmp	?
Opgehaeve	1982
Opgegange in	Meersje
Provincie	Nederlands Limbörg
Hoofplaats	Gäöl aan de Maas
Opperflaakde (bie opluffing)	6,96 km²
– daovan water:	0,37 km²
Inwoeners (kort veur opluffing)	2.690 (1971)
– deechde:	387/km²
Lies van börgemeisters

Gäöl (Nederlands: Geulle) is ein dörp in de gemeinte Maersje en is gelaege aan 't Julianakanaal en de Maas. Tösje 't Julianakanaal en de Maas ligk Gäöl aan de Maas, dat eigelek de ouw dörpskern is. De knaal splits Gäöl dus in twje deile.

De naam is aafgeleid van de Geul, die vreuger ónger of tegenéuver 't dörp in de Maas oetmóndde. Dat gebäört noe, naodat de Maas lang geleje de struim van 't letste deil van de Geul is gaon volge, 5 km zudeliker bie 't Voelwames. Ouwer sjriefwieze zin: Goila, Guel en Goelle.

't Kestjièl van Gäöl en ouch de ouw parochiekèrk (Sint Maarten) ligke in de vreuger dörpskern. In 1953 is 'n nuu parochie gestich mèt de kèrk van 't Ónbevlek Hart van Maria. Dees bevungk zich eigelek in de bövenste kern van Gäöl: Mwórveld.
Op de Sniedersberg drièjt de óngerste watermeule oet 1850 in de Meulebaek.

't Dörp haet gein eige NS-stasje mje aan 't spaor van Mestreech nao Remung.

Vreuger werd eder jaor Knastercross gehaute.

Waope

---

De volgende sectie van dit artikel is gesjreve in 't Mestreechs.

---

De gemeinte Gäöl kraog op 10 miert 1941 vaan d'n Hoege Raod vaan Adel 't volgend waope touwgekind:

Gedeild: I. In zèlver (wit) 'nen umgewènden dobbelstartege liew vaan keel (roed), getongk, genageld en gekroend vaan goud; II. gedweersbalk vaan ach stökker zèlver en keel, euver alles heer 'nen dobbelstartege liew vaan sabel (zwart), gekroend en genageld vaan goud, getongk vaan keel. 't Sjèld gedèk mèt 'ne gouwe kroen mèt drei blaajer en twie perele.

't Waope is 'n combinatie vaan de waopes vaan Valkeberg en Gebrook, die achterein euver Gäöl heersde.

Historische inwoenertalle

Jaor Aontal Greuj (gans Limbörg) 1830 923 -- 1840 955 +3,5% (+5,6%) 1849 985 +3,1% (+4,3%) 1859 1.010 +2,5% (+4,4%) 1869 1.038 +2,8% (+4,5%) 1879 1.036 -0,2% (+7,0%) 1889 1.031 -0,5% (+6,8%) 1899 1.059 +2,7% (+10,2%)

Jaor Aontal Greuj (gans Limbörg) 1909 1.084 +2,4% (+17,8%) 1920 1.215 +12,1% (+32,6%) 1930 1.528 +25,8% (+25,1%) 1947 1.916 +25,4% (+24,2%) 1956 2.100 +9,6% (+27,3%) 1960 2.245 +6,9% (+7,4%) 1971 2.690 +20% (+13,9%)

Opmerking

• De getalle veur 1971 zien aofgerund op ganse vieftalle. Gelèt op 't klein aontal inwoeners vaan Gäöl is 't greujciefer veur dat jaor daorum neet exakter es op ganse percinte; in tiende perceis is dit +19,8%.

Rillatief oontwikkeling vaan 1830 tot 1971

(v₁₈₃₀=100)

Greun: Gemeinte Gäöl
Blauw: Provincie Limbörg

Buurtsjappe

Gehuchte en buurtsjappe:

• Brookhaove (Broekhoven)
• Brómmele (Brommelen)
• Mwórveld (Moorveld)
• de Husjeberg (Hussenberg)
• 't Klei-Brook (Oostbroek)
• Sniedersberg (Snijdersberg)
• 't Sjtómmeveldsje (Stommeveld)
• 't Grwat-Brook (Westbroek)
• Hölse (Hulserstraat)
• De Peel (De Peel)
• Aan de Maas (Aan de Maas)

Dörpsvereiniginge

• Toneelvereninging Gäöl '62
• Fanfaar: Sint Maarten (Martinus)
• Harmonie Sint Caecilia
• Gäöls Mannekoar
• Carnavalsvereiniging de Bokkerieërs
• Heemkundevereiniging Gäöl
• Vrouwenvereniging ZijActief Moorveld

Persone

Inweunersj:

• Marie Koenen (1879 - 1959), Nederlandse sjriefster
• Felix Rutten (1882 - 1971), sjriever in 't Nederlands en in 't dialek
• Johan (Jan) Melchior van der Mey (1878-1949), arsjitek van de Amsterdamse Sjwal

Gebaore:

• Theo Engelen (1951), hwagljeraar geschiedenis en sjriever van kengerbeuk

Extern links

• http://www.geulle.com
• http://www.teamgaol.com
• http://www.harmoniegeulle.nl
• http://www.gmk-geulle.nl (Gäöls Mannekoar)
• http://www.buurtverenigingwaalssen.nl
• https://web.archive.org/web/20090307151202/http://www.tevoot.nl/ (Stichting TeVoot)
• https://web.archive.org/web/20100916084143/http://clustering.ning.com/ (Parochie Gäöl etc.)