Gäöl-aan-de-Maas

Van Wikipedia
(Doorverweze van Gäöl aan de Maas)
Naar navigatie springen Naar zoeken springen

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


De kèrk in Gäöl aan de Maas 2005

.

Gäöl-aan-de-Maas (Nederlands: Geulle aan de Maas) ies 'n dörp behuèrend bie Gäöl in de gemeinte Meersje gelege tösje 't Julianakanaal en de Maas in Zuud Limburg. 't Dörp ies de vreuger dörpskern van Gäöl, dat aan de oaszie van 't Julianakanaal liek. Dit kanaal sjpliets Gäöl in 2 deile. De naam ies aafgeleid van de Geul, die vreuger ónder of tegenéuver 't dörp in de Maas oetmóndde. Dat gebeurt noe 5 km zudeliker bie 't Voelwames. Ouwer sjriefwies zint: Goila, Guel en Goelle.

Gesjiedenis[bewirk | brón bewèrke]

Kesjtièl Gäöl 2005

.

Van Kesjtièl Gäöl, oet de 17e ièw, besjteit allein nog 't poorthoes en de haof. 't Hièrehoes ies in 1847 aafgebroke. 't Complex ies umgrach.

't Dörp aan de Maas[bewirk | brón bewèrke]

In de parochie sjteit de Sint Martinuskèrk. De westore sjtamp oet de 14e ièw. Ander deile van de kèrk zint geboewd in de 17e ièw ónder leiding van Wolter van Hoensbroeck en Ulrich van Hoensbroeck. In 1920 vingk ein groate verboewing plaats, woabie de oudste tore en de kapel bewaard blieve. Binne sjteit 'ne 17e ièwse praeksjtool woa-op ziech panele bevinge mèt de oetgesjneje figure van de heilige Sint Maarten en de veer evangeliste. Dao bevingk ziech ouch 'n Binvignat-örgel.

Gäöl-aan-de-Maas grens aan 't Belsj. Aan de euverkant van de Maas liegke Uikhove (Ukeve) en Rekem. Mèt 't vaer ('n klein veerpont) kèn de euversjteek gemaak were. Veural fietsersj en fietsrennersj, die euver de grens de aangelagde fietsroutes wille volge, make dao gebroek van. Die routes höbbe 'n lengde van 500 km, woavan 200 km autovrie.

 
Gemeinte Meersje
Vaan van Meersje
Dörper: Meersje · Bung · Gäöl · Gäöl-aan-de-Maas · Mwórveld · Raotem · Ulesjtraote
Buurtsjappe en gehuchte: Brómmele · Brookhaove · Genzon · 't Grwat-Brook · Grwat Bergem · Humkove · De Husjeberg · Kaze · 't Klei-Brook · Klein Bergem · Meersje-Wes · Raor · Sjietekove · Sniedersberg · 't Sjtómmeveldsje · Vliek · 't Voelwames · Waert · Waterval
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Gäöl-aan-de-Maas&oldid=338483"