Bung

Van Wikipedia
Gank nao: navigatie, zeuke

Dit artikel is gesjreve in 't Bungs. 't Weurt gewaardeerd óm in dit artikel 't Bungs aan te hauwe of aan te gaeve welk anger dialek gebroek is.


Bung (Bunde)
Gewaeze gemeinte in Nederlandj

Bunde wapen.svg

{{{locatie}}}

Gevörmp 1626
Opgehaeve 1982
Opgegange in Meersje
Provincie Nederlands Limburg
Hoofplaats Bung
Opperflaakde (bie opluffing) 5,34[1][2] km²
– daovan water: 0,13[2] km²
Inwoeners (kort veur opluffing) 4.420 (1971)
deechde: 828[2]/km²
Lies van börgemeisters
Bung: de aw Agneskèrk

Bung (Nederlands Bunde) is 'n kern bie de Geul en 't Julianakanaal in de gemeinte Meersje in Nederlands Limburg. Tot 1982 waor 't 'n zelfsjtandige gemeinte. In vreuger jaore ouch waal Bundt, Bunn, Bunna (Latien), Buonde en Bonde geneump. In 2002 haet Bung 5868 inwonersj.

Buurtsjappe[bewirk | brón bewèrke]

De gehuchte en buurtsjappe

Bezeenswaerdig[bewirk | brón bewèrke]

  • De nuu kèrk van Bung, die in 1960 is geboed in plaats van de aw St. Agneskèrk, in Maaslandse barok, is ouch gewied aan de heilige Agnes, de patrones van kuisheid, kinger van Maria, maagde en tuinmanne. Ze is oontworpe door de architekte Fanchamps en Van der Pluym. De kruusweegsjtasies woorte gemaak door de Limburgse kunstenaer Martin Linnartz. De Glaas-in-betonvinsters zin van de Bunger kunstenaer Daan Wildschut. Wiejer sjteit 'r 'n Maaslands Madonnabeeld, dat vermoedelik oet de 14e ièw sjtamp. 't Beeld van de Heilige Agnes aan d'n ingank is van de Bunger kunstenaer Rob Stultiens.
  • De aw kèrk, oet 1828, woort nao 1960 gebruuk es constructiewèrkplaats en is sinds 1993 in gebruuk es cultureel centrum de Aw Kèrk.
  • Aan de Geulsjtraot in Bung lik 'ne hièrehoof oet de 18e ièw, Rustenburg. 't Hoes sjtamp oet 1767 en d'n hoof is geboed in 1654 in Maaslandse renaissancesjteil .
  • Aan de Heiligenbergsjtraot sjteit Hoes Heiligenberg, ouch oet de 18e ièw, geboed van baksjtein mèt op de heuk mergelblokke.
  • De Bungerbosj is de sjtijlste hellingbosj van Nederland mèt huègdeversjille tot 80 maeter. Dizze bosj haet 'n unieke natuurhistorische waerde, want 't is d'n einigste bergbeekbosj van Nederland. Vaöl versjillende flora, wie Aronskelk, Annemoon en Kèrkesjleutel in de hol waeg, en fauna, oonder andere de vuursalamander, koome hie veur. 't Gebied is, wie gezag, riek aan bronne en beekskes.
    Mèt d'n aanlèk van 't sjpoor is de bosj euverlangs in tjwiè gedeiltes gesjplits. De vaöle beekskes zin via ei paar dukersj oonder 't sjpoor doorgeleid nao d'n andere kant, woa de beekskes vreuger e drassig gebied veroorzaakde aan de westelike kant van 't sjpoor, vreuger ouch bekind es De Binde (de beemden).
  • Bung haet 'n sjtasie aan de sjpoorlien Mesjtreech-Zittert. 't Tegewoordig sjtationsgeboe is van 't type sjtandaard Douma.

In naovolging van Het Dorp (in Arnhem) is in Bung de tjwiède woongemeinsjap veur lichamelik gehandicapte, Geuloord geboed. Ouch boete 't terrein van Geuloord zin noe woninge, woavan de bewoonersj oondersjteund weure in 't kader van "Begeleid Zelfsjtandig Wone".

Waope[bewirk | brón bewèrke]


De volgende sectie van dit artikel is gesjreve in 't Mestreechs.

Bun kraog op 5 oktober 1935 vaan d'n Hoege Raod vaan Adel e waope touwgekind, wat ziech zoe liet besjrieve:

Gedeild: I. in zèlver (wit) 'nen umgewenden dobbelstartege liew vaan keel (roed), gekroend en genageld vaan goud (gell); II. in zèlver veer dweersbalke vaan keel, dao-euverheer 'nen dobbelstartege liew vaan sabel, gekroend, getongk en genageld vaan goud. 't Sjèld mèt de rechterhand gehawwe door de dao-achter gezatte figuur vaan de H. Agnes, maag en marteleres, in e wit kleid, op de linkererm e lam dragend, alles in natuurleke kleur.

De twie deile vaan 't waope stoon veur Valkeberg en Gebrook, hiere vaan Bung respectievelek veur en nao 1626. Agnes is de petroenheilege; 't lam (Gaods) is häör attribuut (sprekend: agnus - Agnes), meh volgens Sierksma (1962) ouch 'n verwijzing nao d'n Allerheilegste Verlosser, aon wee de vreuger dörpskèrk waor gewijd. 't Kaom al veur op aw zegele vaan 't dörp.[3]

Historische inwoenertalle[bewirk | brón bewèrke]

Bung greujde 't groetste deil vaan zie bestoon gestiedeg. Vaanaof 1960 zuut me de gemeinte oetgreuje tot 'n veurstad vaan Mestreech.

Jaor Aontal Greuj (gans Limbörg)
1830 590[4] --
1840 617[5] +4,6% (+5,6%)
1849 622[6] +0,8% (+4,3%)
1859 649[7] +4,3% (+4,4%)
1869 729[8] +12,3% (+4,5%)
1879 824[9] +13,0% (+7,0%)
1889 871[10] +5,7% (+6,8%)
1899 1.029[11] +18,1% (+10,2%)
Jaor Aontal Greuj (gans Limbörg)
1909 1.159[12] +12,6% (+17,8%)
1920 1.209[13] +4,3% (+32,6%)
1930 1.528[14] +26,4% (+25,1%)
1947 1.980[15] +29,6% (+24,2%)
1956 2.317[16] +17,0% (+27,3%)
1960 2.694[1] +16,3% (+7,4%)
1971 4.420[2] +64% (+13,9%)
Opmerking
  • In 1971 woorte de inwoenertalle op ganse vieftalle aofgeroond. Gelèt op de neet al te groeten umvaank vaan Bung is daorum 't greujciefer veur dat jaor neet exakter es in ganse percinte gegeve. In tiende perceis is dit ciefer +64,1%.
Rillatief oontwikkeling vaan 1830 tot 1971

(v1830=100)

Greun: Gemeinte Bung
Blauw:Provincie Limbörg

Rifferenties[bewirk | brón bewèrke]

  1. 1,0 1,1 Volkstèlling 1960 - Bevolking vaan gemeintes en oonderdeile vaan gemeintes
  2. 2,0 2,1 2,2 2,3 Volkstèlling 1971 - Plaotseleke indeiling
  3. Heraldry of the World - Bunde (Limburg)
  4. Volkstèlling 1830
  5. Volkstèlling 1840 - Limbörg
  6. Volkstèlling 1849 - Hertogdóm Limbörg: gemeintesgewijs indeiling vaan de provincie
  7. Volkstèlling 1859 - Plaotseleke indeiling
  8. Volkstèlling 1869 - Feiteleke of getèlde bevolking in eder gemeinte vaan 't riek
  9. Volkstèlling 1879 - Limbörg: plaotseleke indeiling
  10. Volkstèlling 1889 - Limbörg
  11. Volkstèlling 1889 - Limbörg
  12. Volkstèlling 1909 - Plaotseleke indeiling
  13. Volkstèlling 1920 - Plaotseleke indeiling
  14. Volkstèlling 1930 - Plaotseleke indeiling
  15. Volkstèlling 1947 - Plaotseleke indeiling
  16. Woeningtèlling 1956 - Veurnaomste gegeves per gemeinte
 
Gemeinte Meersje
VlagMeersje.PNG
Dörper: Meersje | Bung | Gäöl | Gäöl-aan-de-Maas | Mwórveld | Raotem | Ulesjtraote
Buurtsjappe en gehuchte: Brómmele | Brookhaove | Genzon | 't Grwat-Brook | Grwat Bergem | Humkove | De Husjeberg | Kaze | 't Klei-Brook | Klein Bergem | Meersje-Wes | Raor | Sjietekove | Sniedersberg | 't Sjtómmeveldsje | Vliek | 't Voelwames | Waert | Waterval
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Bung&oldid=355522"