Zjwier

Van Wikipedia
(Doorverweze van Swier)
Gank nao: navigatie, zeuke

Dit artikel is gesjreve in 't Zjwiers. 't Weurt gewaardeerd óm in dit artikel 't Zjwiers aan te hauwe of aan te gaeve welk anger dialek gebroek is.


Zjwier, baoëve de Beëssebeëk 2002

Zjwier of Sjwier (Nederlands: Swier) is e gehuch in Zuid Limburg. 't Is óngerdeël van de gemeënte Nut. Vuur 1982 huurde Zjwier bie de gemeënte Wienesrao. Die gemeënte woeët in dat jaoër samegevoog mèt Nut. 't Gehuch lik op 'ne huuëvelrök, deë parallel löp aan de Beëssebeëk (Bissebeek) en wuuët aan alle ziej umgeëve doer groeëte velder: 't Raoëderveld, 't Hèllebrokerveld, 't Gewuuëstraoëderveld en 't Huuëskesveld richting Klumme. In die velder ligke groeëte boerehäöëf zoeëwie de Brómmelderhaoëf, de Zjwierderhaoëf, de ouw Bóngert en de nuj Bóngert. De historie van die häöëf zou trukgaoë naoë de Middelieëwe.

Historie[bewirk | brón bewèrke]

De Beëssebeëk

In archieve sjteët 't pleëtske in 1316 gesjrieëve es Scarwirre, wat ploog of boewland beteëkent. Op 'n kaart oeët 1558 sjteët 't agegeëve es Schwyer, dat qua oeëtsjpraoëk 't zelfde klink wie Zjwier. Op 'n kaart oeët 1840 sjteët Sweijer.

In de beënde woeë de Beëssebeëk en de Hölsbergerbeëk biej ee kómme zint uuëverblieëfsele va fundamente van 'ne Romeinse villa vónge. 'ne Andere villa zou in 't Gewuuëstraoëderveld höbbe gesjtange.

't Dörp[bewirk | brón bewèrke]

Isidoruskapel

Midde i Zjwier sjteët 't Zjwierder kruutske, e ieëzere weëgkruuts op d'r driesjprunk va d'r dörpsweëg en d'r Pötweëg (noeë Landweëg genump). In 1963 woeët hie 'n vierde weëgske aafgeslaoëte, lopend richting Nut. Hie waoër ouch 't centrum en verzamelpunt en kaoëme de luuj 't water haoële bie de dörpspómp. Die is doer de heëmkundevereëniging gerestaurierd. I ge veld sjtunt uuëveral op de sjplitsinge weëgkrutser. Aan een van die kruuësinge sjteët seër 2000 'n vierkentige, baksjteëne kapel gewiejd aan d'r Heilige Isidorus_van_Madrid. Zjwier huuët biej de parochie Wieënesraoë. Daoëvuur is begin 20e ieëw d'r Zjwierderkèrkweëg agelag. Aoch vuur g'n sjoeël mótte alle kinger nao Raoë.

Häöëf[bewirk | brón bewèrke]

Dörpsvereëniginge[bewirk | brón bewèrke]

  • Carnavalsvereëniging de Veldkretsersj
  • Buurtvereëniging Swier

Externe link[bewirk | brón bewèrke]

 
Gemeinte Nut
Nuth vlag.svg
Dörper: Hölsberg | Nut | Sjömmert | Vaosje | Wienesrao
Buurtsjappe en gehuchte: Aolbaek | Arensgenhout | Op de Bies | Brand | Brómmele | Gekruts | Griêzegröbbe | Groat Hazel | G'n Hèl | Hèllebrook | Hómmert | Hunnekem | Kamp | Kathage | Klein Hazel | Kleingenhout | Laor | Lui | Nirve | Oansel | G'n Reuke | Tersjtraote | Tervoeësj | Vink | Wisjegrach | Zjwier
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Zjwier&oldid=337505"