Isidorus van Madrid

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Isidorus van Madrid in kapel van Zjwier

Isidorus van Madrid ies 'ne heilige, dae gebore ies in Madrid (Sjpanje) in 1070 en gesjtorve op 15 mei 1130. Hae ies de besjermheilige van boere en tuindersj. Ziene fièsdaag vèlt op 15 mei. Isidorus woort heilig verklaord door Paus Gregorius XV op 12 maart 1622.

Zien attribuut ies de reek, sjöp of gaffel.

Leve[bewirk | brón bewèrke]

Isidorus sjtamde oet 'n boeregezin. Later zou hae zelf, same mèt zien vrouw Maria Torriba of "de la Cabeza", 't zjwoar boerewerk combinere mèt baeje en ziech inzètte veur de ander luuj. Al tiedes zien leve were 'n paar wondere aan häöm toegesjreve.

Kèrk[bewirk | brón bewèrke]

Isidoruskapel in Zjwier

Aan de Plaza Mayor in Madrid sjteit de kèrk, die gewiejd ies aan de petroanheilige van de sjtad: de San Isidrokèrk. 't Betref 'n 18e ièws barok geboew.

Kèrke en Kapelle in Limburg[bewirk | brón bewèrke]

In Heibloem (1952) en in Haler-Uffelse (1951) (allebei in de gemeinte Leudal) liegke kèrke gewiejd aan Isidorus. In Neer (gemeinte Leudal) sjteit 'n neogotische kapel oet 1925-1930 mèt 'n beeld van de heilige (mèt sjöp en ploog) en in Zjwier, bie Wienesrao sjteit 'n Isidorus baekapel saer 2000. Binne in 't geboew sjteit 'n mergele Isidorusbeeld gekap door Jan Aarts oet Valkeberg nao 'n veurbeeld oet Sjpanje. In 't geboew hange 4 sjilderieje oet 't leve van de heilige van de sjilder John Dekkers oet Zjwier.

Naamgenoat[bewirk | brón bewèrke]

'ne Andere heilige mèt dezelfde naam ies Isidorus van Sevilla, gesjtorve op 4 april 636 in Sevilla (Sjpanje). Hae ies de hudige petroanheilige van internet en computersj.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Isidorus_van_Madrid&oldid=410237"