Klein Hazel

Van Wikipedia
(Doorverweze van Klein Haasdal)

Dit artikel is gesjreve (of begós) in 't Sjömmerts. Laes hie wie v'r mit de versjillende saorte Limburgs ómgaon.


Klein Hazel (Nederlands: Klein Haasdal) is 'n buurtsjap van Sjömmert, gemeinte Baekdale in Zuud-Limburg. De naam zou truukgaon nao 't Germaanse Habukas dala, dat dal van de havik beteikent. De wiek vormp same mèt Groat Hazel de buurtsjap Hazel.

Bezeenswaerdig[bewirk | brón bewèrke]

  • 't St. Rochuskapelke
    Langs de waeg Klein Haasdal ligke 'n paar carré-boerderieje.
  • Op Klein Haasdal 3 sjteit 'n neo-gotisch waegkapelke gewiejd aan de heilige Rochus. 't Gebuuke is opgetrokke in 1893 aan de Baekerbaan, woa toen nog gein hoezer sjtónge. Vanwege oetbreiing van 't verkièr is de kapel in 1934 verplaats nao 'ne tuin in de buurt. De jónkheid van Klein Hazel zörgde veur 't geld van die verhoezing. 't Boewmateriaal besjteit oet mergel.
De watertaore van Sjömmert
  • De watertaore oet 1926 sjteit hie vlakbie aan de Bockhaofwaeg, op 'n hoag punt van 't Plateau van Sjömmert. Architect Jos Wielders maakde 't óntwerp, dat vèlt ónder de sjtiel van de Amsterdamse sjoal. De huègde is 38 maeter en de taore sjteit op 178 m baove A.P. 't Betonne reservoir haet 'ne doorsjnee van 13,5 m., 'n deepde van 7.90m en 'ne inhoud van 1150 m3 of 1.150.000 lieter. De watertaore is sinds 'n aantal jaor boete gebroek van de WML. 'ne Plaatselike óngernummer haet zich euver 't rieksmonument ontfermp.

Dörpsvereiniginge[bewirk | brón bewèrke]

  • Buurtvereiniging Klein Haasdal
 
Gemeinte Baekdale
Dörper: Awstroa · Bèngelder · Doevergenhout · Doonder · Hölsberg · Jaobik · Merkelbek · Nut · Oeësjbik · Pöt · Sjènne · Sjilvend · Sjömmert · Vaosje · Wienesrao · Zjweikese
Buurtsjappe en gehuchte: Aolbaek · Arensgenhout · Billich · Brand · Brómmele · Doeve · Gekruts · De Grach · Griêzegröbbe · Groat Hazel · Groeët Doonder · G'n Heisterbrök · G'n Hèk · Hout · Ieëtselder · G'n Hèl · Hèllebrook · Hómmert · Hunnekem · Kamp · Kathage · Kleen Doonder · Klein Hazel · Kleingenhout · Kwabik · Laor · Lui · Nagelbek · Nirve · Oansel · Op de Bies · Op d'n Hiering · Oppeven · Raat · G'n Reuke · Tersjtraote · Tervoeësj · Töl · G'n Veel · Vink · Wisjegrach · Woufhage · Zjwier
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Klein_Hazel&oldid=437331"